Жаан. Иллюстративдик сүрөт

Жума күнгө карата аба ырайы

104
10-сентябрда өлкөнүн кээ бир райондорунда күн күркүрөп, тоолуу аймактарда кар жаашы мүмкүн. Батыштан соккон шамалдын ылдамдыгы секундасына 17-22 метрге жетет.

БИШКЕК, 9-сен. — Sputnik. Жума күнү күндүз айрым жерлерде аба ырайы бузулуп, кээ бир өрөөндөрдө жаан-чачын катуу жаашы ыктымал. Бул тууралуу Кыргызгидромет билдирди.

Абанын температурасы Чүй облусунда +18…+23, Ысык-Көл, Нарын өрөөндөрүндө +19…+24, Ош, Жалал-Абад, Баткен аймактарында +23…+28, Таласта +17…+22 градус болот.

Күндүн табы Бишкекте +21…+23, Ош шаарында +26…+28 градуска жетет.

104
Белгилер:
аба ырайы, сентябрь, Кыргызстан
Тема боюнча
Күн сууктап, кар түшөт. Кыргызгидромет шашылыш билдирүү таратты
Манасчы Дөөлөт Сыдыков

Манасчы: соңку убакта "Семетей", "Сейтек" көп айтылбай калууда

4
Манасчы Дөөлөт Сыдыков семетейчилердин алгачкы сынагынын "Манас" эпосун жайылтуу үчүн мааниси чоң экендигин белгиледи.

Семетейчилердин сынагынын өтүшү жаңы "Семетей", "Сейтек" айтуучулардын чыгышына себепкер болушу ыктымал. Анткени соңку убакта көбүнчө "Манас" айтылып, "Семетей", "Сейтек" көп айтылбай калууда. Бул тууралуу Дөөлөт Сыдыков Sputnik Кыргызстан радиосунда маек куруп жатып билдирди.

Манасчы: соңку убакта "Семетей", "Сейтек" көп айтылбай калууда

Анын айтымында, 22-25-сентябрь күндөрү Дүйнө элдеринин эпосторунун эл аралык VI фестивалынын алкагында өтүп жаткан семетейчилердин алгачкы сынагынын мааниси чоң.

"Фестивалга келген окумуштуулар "Манас" дастаны тууралуу маалымат алып, жок дегенде бир макала жазса дагы пайда. Учурда "Манас" эпосу кайсы бир деңгээлде изилденүүдө. Бирок эми гана изилденип баштагандай түр калтырууда. Мисалы, классикалык деп саналган Саякбай Каралаев менен Сагынбай Орозбаковдун варианттары дагы толук кандуу изилденип бүтө элек. Анан фестивалдын алкагында өткөн сынак атайын семетейчилер үчүн болгону дагы жакшы жөрөлгө. Чоң манасчыларыбыз өзүн семетейчи катары эсептеген. Анын үстүнө соңку убакта "Семетей", "Сейтек" көп айтылбай калды. Ошондуктан сынак манасчылыкта жаңы айтып келе жаткандарга шык берет, анткени манасчы айткан сайын такшалат эмеспи", — деди Сыдыков.

Ошондой эле ал дүйнөдөгү эпостордун ичинен "Манас" ооздон-оозго айтылып келе жаткан жалгыз жандуу дастан экенин кошумчалады.

4
Белгилер:
Дөөлөт Сыдыков, Манас, фестиваль, илим
Тема боюнча
Кыргызстанда алгачкы жолу семетейчилердин республикалык сынагы өтөт
Суу краны. Архив

Эртең Бишкектин айрым жерлеринде таза суу өчүрүлөт. Тизме

3
(жаңыланган 11:10 20.09.2021)
Суунун убактылуу токтотулушуна "Контррезервуарлар" суу кампасындагы жана шаар ичиндеги түтүктөрдү оңдоо иштери себеп болууда.

БИШКЕК, 20-сен. — Sputnik. 21-сентябрь күнү Бишкектин айрым аймактарында таза суу өчүрүлөт. Бул тууралуу мэриядан билдирди.

Маалыматка караганда, суунун убактылуу токтотулушуна "Контррезервуарлар" суу кампасындагы жана шаар ичиндеги түтүктөрдү оңдоо иштери себеп болууда.

Мындан улам саат 9:00дөн 18:00гө чейин Достоевский, Горький, Ауэзов жана темир жол линиясынын ортосу, ошондой эле Алтын Ордо, Кара-Жыгач, Полиция шаарчасы конуштарында суу болбойт.

3
Белгилер:
Бишкек, суу, ремонт
Тема боюнча
Бишкектин айрым жерлери 20-сентябрда жарыксыз калат. График
Бишкектин айрым райондорунда 11 күн бою газ менен ысык суу болбойт
Переносная урна с бюллетенями на избирательном участке в Москве на выборах депутатов Государственной Думы РФ.

Россияда Мамдума шайлоосунун алдын ала жыйынтыгы чыкты

0
Протоколдордун 59,36 пайызы иштелип чыккан. Партиялык тизме менен беш, бир мандаттуу округдан тогуз партия мандатка жетти.

БИШКЕК, 20-сен. — Sputnik. Россиянын Мамлекеттик Думасынын депутаттарын шайлоонун алдын ала жыйынтыгы боюнча "Единая Россия" партиясы добуштардын 47,11 пайызын алып алдыда бара жатат. Бул тууралуу РИА Новости https://ria.ru/20210919/vybory_gosduma-1749875690.html билдирди.

Соңку маалымат боюнча протоколдордун 59,36 пайызы иштелип чыккан. Партиялык тизме менен беш пайыздык босого чектен өткөн саясий уюмдар төмөнкүлөр:

  • "Единая Россия" — 47,11 пайыз;
  • КПРФ — 20,93;
  • ЛДПР — 7,91;
  • "Справедливая Россия — За правду" — 7,54;
  • "Новые люди" — 5,78.

Ал эми бир мандаттуу округдан тогуз партиянын өкүлдөрү мандатка жетери күтүлүүдө:

  • "Единая Россия" — 188;
  • КПРФ — 15;
  • "Справедливая Россия — За правду" — 6;
  • "Самовыдвиженцы" — 5;
  • ЛДПР — 1;
  • "Яблоко" — 1;
  • "Гражданская платформа" — 1;
  • "Коммунисты Россия" — 1;
  • "Родина" — 1.

Мамлекеттик Думанын депутаттарын шайлоо регионалдык жана муниципалдык деңгээлде 17-сентябрдан 19уна чейин өттү. Төмөнкү палатанын депутаттары аралаш система менен 5 жылга шайланат. 225 адам партиялык система менен, 225и бир мандаттуу округдан тандалат.

 

0
Белгилер:
Россия, Мамлекеттик Дума, саясый партия, шайлоо, депутат