Лампочка. Архив

10-сентябрда Бишкектин бир катар аймагында электр жарыгы өчүрүлөт. Тизме

65
(жаңыланган 18:42 09.09.2021)
Монтаждоочу топтун кызматкерлери электр жабдууларын оңдоп, трансформатордун, көмөк чордондордун иштешин жөнгө салышат.

БИШКЕК, 9-сен. — Sputnik. Эртең, жума күнү, Бишкектин бир катар райондорунда электр энергиясы өчүрүлөт. Бул тууралуу "Түндүк электр" ишканасынын маалымат кызматы билдирди.

Райондордун тизмеси:

  • 9:00дөн 13:00гө чейин — Кара-Жыгач конушунда;
  • 9:00дөн 17:00гө чейин — Энесай конушунда;
  • 9:00дөн 18:00гө чейин — Манас проспектисинде (№61 үй), Ветеринар, Исанов, Самойленко, Кырман, Баялинов, Жамбул көчө бөлүктөрүндө, Жети-Өгүз, Көл кууш көчөлөрүндө, Керемет конушунда, 110-кварталда (Мессароша, Профсоюз көчөлөрүндө), Арча-Бешик конушунда (Бердибаев, Кара-Кужур, Миң-Куш, Термечиков, Ак-Түз, №79 көчөлөрү), Ак-Өргө конушу (Огуз-Ата, Кырк-Кыз, Тимур Фрунзе, Гагарин көчөлөрү), Ак-Босого конушу (Чүй 29-30, 40, 41, 45 көчөлөрүндө);
  • 9:30дан 17:00гө чейин — Байтик баатыр, Горький, Кулатов көчөлөрүндө;
  • 9:30дан 18:30га чейин — Достоевский, Горький, Субан-Ата, Исакеев көчөлөрү жана Кара-Жыгач конушу менен чектелген аймакта;
  • 9:30дан 18:50гө чейин — Школьная, Үсөнбаев көчөлөрү, Жибек жолу проспектиси жана Чоң Чүй каналы менен чектелген аймакта;
  • 13:00дөн 17:00гө чейин — 12-кичи райондо (№32-59 үйлөрдө).
65
Белгилер:
Бишкек, 'Түндүк Электр' ишканасы, жарык өчүрүү, электр энергиясы
Тема боюнча
Былтыр өлкөдө электр энергиясы 1,9 пайызга көбүрөөк өндүрүлдү
Тамеки чегип жаткан адам. Архив

Пляж, базарда. Тамеки, кальян чегүүгө тыюу салынган жайлардын тизмеси

590
(жаңыланган 21:34 28.09.2021)
Тыюу салынган жайларда чылым чегүүгө ылайыкталган шарттарды түзүүгө да уруксат берилбейт. Бир гана аэропорттордо өрт жана авиация желдетүү системаларын коюу менен атайын бөлмөлөрдү уюштурууга болот.

БИШКЕК, 28-сен. — Sputnik. Бүгүн президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Алар төмөнкүлөр:

  • Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
  • Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
  • Темир жол жана автобекеттерде;
  • Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
  • Мамлекеттик жана жергиликтүү өз алдынча башкаруу органдарына тиешелүү имараттарда;
  • Имараттарда жана курулмаларда уюштурулган жумуш орундарында, жумушчу зоналарда;
  • Өрт чыгуу коркунучу бар жерлерде, анын ичинде күйүүчү май куюучу жайларда;
  • Коомдук тамактануу жайларында (түйүндөрдө);
  • Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
  • Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
  • Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
  • Реабилитациялык жана санаторий-курорттук кызматтарды көрсөтүүгө арналган жайларда;
  • Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
  • Аялдамаларда;
  • Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттык сактоо жана социалдык өнүктүрүү министрлиги иштеп чыгат.

Мыйзам долбоорунун авторлору Кыргызстанда өлүмдүн жана майыптыктын негизги себеби тамеки тартуу экенин буга чейин белгилешкен.

Ошондой эле чылым чегүүгө бардык эле жерлерде тыюу салынбасын айтышкан. Бирок башкалардын эркин дем алуусуна тоскоол болбошу керек деген принцип сакталышы шарт.

590
Белгилер:
тамеки, тыюу салуу, имарат, Кыргызстан
Тема боюнча
КРде кафе жана ресторандарда чылым чеккенге тыюу салынат. Мыйзамга кол коюлду
Көрбөй, укпай каласың! Министрлик тамекинин зыянын эскертти
Дарак. Архив

Шаршембиге карата аба ырайы

31
29-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-сен. — Sputnik. Шаршемби, 29-сентябрь күнү, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүйдө +22...+27, Ысык-Көл, Нарын өрөөндөрүндө +20...+25, Талас жергесинде +19...+24, Ош, Жалал-Абад жана Баткен облустарында +25...+30 градус болот.

Бул күнү күндүн табы Бишкекте +25...+27, Ош калаасында +28...+30 градуска жетет.

31
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы