Улгайган жубайлар кол кармашып турушат. Иллюстративдик сүрөт

70 жашында көзүнө операция жасаткан жубайлар бири-бирин тааныбай калды

2253
Терри Смит менен Бренда Смит жарым кылымдан бери чогуу жашап келе жатышат. Быйыл дарыгерлер экөөндө тең катаракта илдети күчөп бара жатканын, операция жасатуу зарыл экенин айтышкан.

БИШКЕК, 10-сен. — Sputnik. Улуу британиялык пенсионер жубайлар көздүн көрүүсүн жакшыртуу боюнча операция жасаткандан кийин бири-бирин тааныбай калышкан. Бул тууралуу Metro сайты жазды.

Терри Смит менен Бренда Смит жарым кылымдан бери чогуу жашап келе жатышат. Быйылкы жылдын жаз айларында алар ооруканага көрүнгөн. Дарыгерлер экөөндө тең катаракта илдети күчөп бара жатканын, операция жасатуу зарыл экенин айтышкан.

"30 жылдан бери көз айнек тагынып жүргөн жубайлар операциядан кийин бири-биринде абдан көп өзгөрүүлөр болгонун байкаган. Аялы күйөөсү сакалын кыргандан кийин дагы бетинде түктөр калып каларын, ал эми каштары чар-жайыт болуп саксайып турганын айткан", — деп жазылат кабарда.

Ал эми күйөөсү жубайын таарынтып албоо үчүнбү, айтор, келбетиндеги өзгөрүүлөр тууралуу сөз кылган эмес.

"Мени бир таң калтырганы — аялымдын өзүм сатып берген плащы болду. Мен аны бир нече жылдан бери боз түстө деп ойлоп жүрчүмүн. Көрсө анын өңү жашыл экен. Баса, Бренданын шакегиндеги баалуу таш дагы мынчалык кулпуруп, укмуштуудай көрүнөрүн билген эмесмин", — деди Терри Смит.

Учурда үй-бүлө үйүндөгү көз айнектердин бардыгын ыргытып, жаңыча көз караш менен жашай баштаганы айтылат.

2253
Белгилер:
Улуу Британия, жубайлар, көз айнек, операция
Тема боюнча
Элдин сөзүнөн коркуп... Аял эмне себептен 35 жаштан кийин төрөгүсү келет
Бишкектеги Патрулдук милиция кызматкери

Эскертүү! Автоунаа салыгын төлөбөгөндөргө карата рейд жүрүп жатат

36
(жаңыланган 12:02 20.09.2021)
Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет.

БИШКЕК, 20-сен. — Sputnik. Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат. Бул тууралуу аталган органдын маалымат кызматы билдирди.

Быйыл автоунаа салыгын төлөө мөөнөтү 1-сентябрда аяктаган.

  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат
    © Фото / пресс-служба ГНС КР
  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Быйыл автоунаа салыгын төлөө мөөнөтү 1-сентябрда аяктаган
    © Фото / пресс-служба ГНС КР
  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет. Мындан улам Салык кызматы акчаны азыр төлөөгө чакырат
    © Фото / пресс-служба ГНС КР
1 / 3
© Фото / пресс-служба ГНС КР
Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат

Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет. Мындан улам Салык кызматы акчаны азыр төлөөгө чакырат.

Маалыматта рейддер салык төлөбөгөндөрдү жазалоо максатында гана эмес, калк арасында түшүндүрүү иштерин жүргүзүү үчүн да өткөрүлүп жатканы кошумчаланган.

36
Белгилер:
автоунаа, салык, төлөө, рейд, айып
Тема боюнча
Документтерди эми милиционерлерге смартфондон эле көрсөтсө болот. Шарттары
Кыргызстанда бажы салыгы эки эсеге көбөйдүбү? Расмий жооп
Психолог, психология илимдеринин кандидаты, доцент Маматали Мурзаев

Мурзаев: үй-бүлөдө ынтымак болушу үчүн күн сайын күрөшүү керек

9
Психолог, психология илимдеринин кандидаты, доцент Маматали Мурзаев илим-билим алып жаткан жаштардын арасында үй-бүлө куруу боюнча жаман тенденция бар экенин айтты.

Аялдын жана эркектин психологиясынын ар башка болушу үй-бүлөдө татаал кырдаалды жаратат. Үйдө жакшы мамиле, ынтымак, түшүнүү болуу үчүн күн сайын күрөшүү керек. Бул тууралуу Маматали Мурзаев Sputnik Кыргызстан радиосунун эфиринде маек куруп жатып билдирди.

Мурзаев: үй-бүлөдө ынтымак болушу үчүн күн сайын күрөшүү керек

Анын айтымында, жубайлар бири-биринин кемчилигинин үстүнөн иштеши керек.

"Илгертеден эле жар тандоо укугу эркектерде болгон. Салт боюнча ата-эне таптап берүүсү керек эле. Кийин жубай тандоо толугу менен эркектерге өттү. Алар биринчи кезекте кыздардын сулуулугун, дене түзүлүшүн, анан ден соолугун карашат да, андан кийин гана ортодогу мамиле, жашоодогу кызыгуулары, көз караштарынын шайкеш келүүсүнө маани беришет. Булар үй-бүлө курууга, туура жар тандоого негиз боло албайт. Мисалы, сүйүүнү алсак, анын негизги кызматы жигит менен кызды бири-биринин айрым кемчиликтерин көрсөтпөй жакындатуу. Үй-бүлө кургандан кийин жубайлардын мамилеси кыз-жигиттин сүйүүсүнөн да жогору турат. Алардын каны-жаны бир болуп калат. Сүйүшкөндөрдүн каны-жаны бир болбойт. Алар бири-бирине умтулуп гана турат. Аларды ажыраштырып салуу да оңой. Европалык маданиятты көрүп калган кыздар "мен бактылуу болушум керек" дешет. Анын бактылуулук боюнча түшүнүгү күйөөсү, кайнатасы, кайненесинин көз карашы менен дал келбей калышы мүмкүн. Азыр илим-билим алып жаткан жаштардын арасында жаман тенденция бар. Карьера куруп, бутка турушум керек дешет. Алар бутка тургуча жашы өтүп, 30га чыгат. Бул куракта бала-чакалуу болуу татаал жана баланын ден соолугу начар төрөлүшү мүмкүн. Мунун баары эске алынбай калып жатат", — деди Мурзаев.

Психолог жар тандоодо мүнөзү жагынан шайкеш келүүсүн аныктап алуу маанилүү экенин кошумчалады.

Подкасттын толук вариантын видеодон көрүңүз:

9
Белгилер:
үй-бүлө, психология, жар, тандоо, Маматали Мурзаев
Тема боюнча
Тапкан акчасын туугандарына чачып чарчатты. Жолдошуна көз каранды келиндин каты

"Нокауттардын ханышасы". Шевченко UFC уюмун кантип багындырган. Видео

0
(жаңыланган 12:24 20.09.2021)
Аралаш мушташ спортун чагылдырган белгилүү ERA MMA интерактивдик журналы Валентина Шевченконун карьерасы тууралуу видео жарыялады.
"Таланттуу адам бардык жагынан таланттуу. Алардын бири Валентина Шевченко. Ал сүрөттү мыкты тартат, чимириле бийлейт, таамай атат жана бир нече тилде эркин сүйлөйт. Эң негизгиси ал күчтүү мушкер, атаандаштары ага туруштук бере албайт, кайталангыс кармаштары менен өзүнүн атын тарых бетине жаза алды", — деп айтылат видеодо.

Роликте Шевченконун бардык беттештери көрсөтүлгөн. ERA MMA сайты Шевченкону профессионалдык спортто жолу кантип башталып, UFC уюмунун чемпиондук курун кантип багындырганын баяндаган.

Мушкердин кезектеги беттеши 25-сентябрга белгиленген, ал америкалык Лорен Мерфи менен кез келмекчи.

0
Белгилер:
UFC, Валентина Шевченко, мушкер, карьера, видео
Тема боюнча
Валентина Шевченко ринг-гёрлз кыздарды жактап, Хабибдин сынына жооп кайтарды
Лас-Вегаста өткөн UFC турниринин урунттуу учурлары. Видео