Улуттук кийимчен айым боорсок жасап жатат. Архив

"Орёл и решка" Ошто. Трэвел-шоу эки берүүнүн анонсун жарыялады. Видео

391
(жаңыланган 14:17 11.09.2021)
Чыгарылыш "Новый канал" жана "Пятница" телеканалдарында бүгүн көрсөтүлүп, видео YouTube-каналына эртең жарыяланат.

БИШКЕК, 11-сен. — Sputnik. Белгилүү "Орёл и решка" трэвел-шоусунун тобу Кыргызстан тууралуу тартылган эки чыгарылыштын анонсун Instagram баракчасына жарыялады.

Посмотреть эту публикацию в Instagram

Публикация от Орёл и Решка (@orelireshka_official)

Анда боз үйдөгү, жайлоодогу жашоо көрсөтүлүп, алып баруучулар, жергиликтүү тургундар да салттуу кийимдерди кийип тартылышкан.

Маалым болгондой, көрүүчүлөр Кыргызстан тууралуу тартууну көптөн бери суранып келишкен. Бул ирет алар Ош жергесин көрсөтүшкөн.

Чыгарылыш "Новый канал" жана "Пятница" телеканалдарында бүгүн көрсөтүлүп, долбоордун YouTube-каналына эртең жарыяланат.

2013-жылы трэвел-шоу Бишкекте атайын берүү тартып кеткен.

"Орёл и решка" — саякат жөнүндө жасалган таанып билүүчү программа. Анын ар бир чыгарылышында эки саякатчы бир өлкө же шаар тууралуу баяндап беришет.

391
Белгилер:
Берүү, Кыргызстан, Боз үй, жайлоо, Ош, 'Орёл и решка'
Тема боюнча
Россиялык турист Кыргызстан тууралуу ыр жазып, клип тартты. Видео
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

13
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

13
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты
Жаратылыш. Архив

Дүйшөмбүгө карата аба ырайы

6
27-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-сен. — Sputnik. Дүйшөмбү, 27-сентябрда, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Ысык-Көл, Нарын өрөөндөрүндө +22...+27, Таласта +20...+25, Ош, Жалал-Абад жана Баткен облустарында +24...+29 градус болору айтылды.

Күндүн табы Бишкекте +25...+27, Ош калаасында +27...+29 градуска көтөрүлөт.

6
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы