Сот балкасы. Архив

Бишкекте инисин бычактап өлтүргөн өспүрүмгө соттун чечими чыкты

145
Үстүбүздөгү жылдын март айында Мурас-Ордо конушунда 13 жаштагы бала киши колдуу болгону аныкталган. Шектүү катары агасы кармалган.

БИШКЕК, 13-сен. — Sputnik. Бишкектин Биринчи май райондук соту инисин өлтүрүүгө шектелген С. уулу А. аттуу өспүрүмгө карата өкүм чыгарганын соттун маалымат кызматы билдирди.

Ал Кылмыш-жаза кодексинин 131-беренеси ("Аффект абалда адам өлтүрүү") боюнча күнөөлүү деп табылып, эки жыл алты айга эркинен ажыратылды.

"Кылмыш-жаза кодексинин "Пробациялык көзөмөлдү колдонуу менен жазадан бошотуу" беренеси боюнча, пробациялык көзөмөлдү колдонуу менен үч жылга эркинен ажыратылды", — деп айтылат маалыматта.

Соттун өкүмү 9-сентябрда чыккан.

Пробация деген эмне?

Соттолгон адам сот койгон талаптарды аткарышы керек. Мисалы, жаран өлкөдөн сыртка чыкпайт, пробация органына жашаган жери боюнча кабар берип турат. Пробациялык мөөнөт бүткөндөн кийин жаран талаптарды так аткарып, жаңы кылмыш жасабаса жазасын өтөдү деп эсептелет.

Эске салсак, 13 жаштагы бала 17-март күнү Мурас-Ордо конушунда киши колдуу болгон. Кылмышка шектүү катары анын 17 жаштагы агасы кармалган.

Милиция өспүрүм талма оорусу менен жабыркай турганын аныктаган. Буга байланыштуу анын жанында дайыма жакындарынын бири болуп турган. Бирок каргаша болгон күнү балдардын ата-энеси жумушуна кетип калган.

Милициянын маалыматына караганда, балдар айтыша кетип, агасы инисин бир нече ирет бычак менен сайып өлтүргөн.

145
Белгилер:
Бишкек, сот, кылмыш, өкүм
Тема боюнча
Бакиров: бала 14 жашка толгондон тартып сот жообуна тартылышы мүмкүн
Бишкекте катуу сабалган келин эсине келбей ооруканада көз жумду
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

41
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

41
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек
Милиция кызматкерлери Бишкектеги Фрунзе заводунун аймагынан бомба издөө учурунда

Бишкекте Фрунзе заводунун аймагынан бомба издеп жатышат

48
(жаңыланган 17:18 20.09.2021)
Милицияга бомба тууралуу эки саат мурун чалуу түшкөн. Учурда заводдун аймагында издөө иштери жүрүп жатат.

БИШКЕК, 20-сен. — Sputnik. Борбор калаадагы Фрунзе заводунун аймагынан бомба изделип жатат. Бул тууралуу Ленин райондук милициянын маалымат кызматы билдирди.

Жарылуучу зат коюлганы тууралуу жашыруун билдирүү милицияга саат 14:50дө түшкөн.

Сотрудники милиции во время поисков бомбы, на территории завода имени Фрунзе в Бишкеке. 20 сентября 2021 года
Жарылуучу зат коюлганы тууралуу жашыруун билдирүү милицияга саат 14:50дө түшкөн

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен.

Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери дагы келген.

Учурда издөө жана текшерүү иштери жүрүп жатат. Кенен маалымат кийинчерээк берилет.

48
Белгилер:
Бишкек, завод, бомба, издөө
Тема боюнча
ЦУМ менен ГУМда бомба бар деп кабарлоого шектелген аял камакка алынды
Жогорку Кеңештин депутаты Тазабек Икрамов

Тазабек Икрамов Армения менен Азербайжанга бир элчи дайындоого чакырды. Видео

0
(жаңыланган 17:55 20.09.2021)
Дипломат Азербайжанда элчилик бар экенин, бирок ал жерден Арменияны кароого мүмкүнчүлүк жоктугун айтты.

БИШКЕК, 20-сен. — Sputnik. Тышкы иштер министрлиги Кыргызстандын Россиядагы элчилигине Арменияны дагы кошуп берүүнү сунуштады.

Бүгүн парламенттин Эл аралык иштер, коргоо жана коопсуздук боюнча комитетине ТИМ башчысынын орун басары Нуран Ниязалиев Ереванда дипломатиялык өкүлчүлүк жок болгондуктан Москвадагы элчилик аркылуу кызматташуу демилгесин кароону сунуштады.

Жыйында комитеттин төрагасы Тазабек Икрамов андан көрө Армения менен Азербайжанга бир элчи дайындоо туура болмоктугун билдирди.

"Негизи Россия чоң, элчиликтегилер өзүнө жетише албайт. Сиздер Азербайжан, Армения, Грузия кылып эле бул жакка кошсоңуздар болмок. Ал жакта биздин жарандар азчылыкты түзөт. Эмне үчүн бардыгын бириктирип бербей, өздөрү жетишпей, мигранттарыбызды камсыздай албай жаткан Россиядагы элчибизге Арменияны кошуп берип жатасыздар", — деп нааразы болду Икрамов.

Анда Ниязалиев Азербайжанда элчилик бар экенин, бирок ал жерде жайгашып туруп Арменияны кароого мүмкүнчүлүк жоктугун айтты. Эки мамлекеттин ортосундагы мамилеге байланыштуу Армения тарап буга уруксат бербесин эскертти. Андыктан алар Россияда туруп кызматташууну улантууга макул болушкан. Ал эми Грузияны Бакудагы элчилик тейлей турганын кошумчалады.

"Бул жерде, албетте, сөзсүз түрдө саясий көз карашын да эске алышыбыз керек. Анан кабыл ала турган мамлекеттин уруксатына жараша иш жүргүзөбүз", — деди министрдин орун басары.

Эскерте кетсек, өткөн жылы сентябрь айында Азербайжан менен Армения Тоолуу Карабахты талашып согушкан. Эки тарап тең жоготууга учурап, миңдеген адам набыт болгон.

 

0
Белгилер:
Тазабек Икрамов, Армения, Азербайжан, элчи, дайындоо
Тема боюнча
Икрамов ЕККУ отурумуна катышып, Азербайжан, Норвегия депутаттары менен жолукту