Ысык-Көлдүн Чолпон-Ата шаарында пилотсуз аппараттарды колдонуу боюнча Кыргызстан жана Россиянын биргелешкен машыгуулары башталды

Ысык-Көлдө пилотсуз учуучу аппараттарды колдонуу боюнча машыгуу башталды

505
(жаңыланган 16:17 13.09.2021)
Иш-чаранын алкагында россиялык фирмалар чыгарган пилотсуз учуучу аппараттардын акыркы үлгүлөрүнүн көргөзмөсүн уюштуруу пландалууда.

БИШКЕК, 13-сен. — Sputnik. Ысык-Көлдүн Чолпон-Ата шаарында пилотсуз аппараттарды колдонуу боюнча Кыргызстан жана Россиянын биргелешкен машыгуулары башталды. Бул тууралуу ИИМ билдирди.

  • В Иссык-Кульской области начаты кыргызско-российские учения по использованию беспилотных летательных аппаратов в борьбе с незаконным оборотом наркотиков
    Ысык-Көлдүн Чолпон-Ата шаарында пилотсуз аппараттарды колдонуу боюнча Кыргызстан жана Россиянын биргелешкен машыгуулары башталды
    © Фото / пресс-служба МВД КР
  • В Иссык-Кульской области начаты кыргызско-российские учения по использованию беспилотных летательных аппаратов в борьбе с незаконным оборотом наркотиков
    Иш-чара баңгизатты жүгүртүүгө каршы күрөшүүгө багытталган.
    © Фото / пресс-служба МВД КР
  • В Иссык-Кульской области начаты кыргызско-российские учения по использованию беспилотных летательных аппаратов в борьбе с незаконным оборотом наркотиков
    Машыгуу учурунда эки өлкөнүн компетенттүү органдары кылмышкерлердин изине түшүү, дайынсыз болуп жаткандарды издөө, кара куурай өскөн жерлердин картасын түзүү жана кыймылдагы объектилерди кармоо тапшырмаларын аткарышат.
    © Фото / пресс-служба МВД КР
1 / 3
© Фото / пресс-служба МВД КР
Ысык-Көлдүн Чолпон-Ата шаарында пилотсуз аппараттарды колдонуу боюнча Кыргызстан жана Россиянын биргелешкен машыгуулары башталды

Иш-чара баңгизатты жүгүртүүгө каршы күрөшүүгө багытталган. Машыгуу учурунда эки өлкөнүн компетенттүү органдары кылмышкерлердин изине түшүү, дайынсыз болуп жаткандарды издөө, кара куурай өскөн жерлердин картасын түзүү жана кыймылдагы объектилерди кармоо тапшырмаларын аткарышат.

"Муну менен укук коргоо органдары пилотсуз учуучу аппараттарды колдонуу боюнча тажрыйбаларын арттырышат", — деп айтылат маалыматта.

Машыгуунун жыйынтыктары 17-сентябрда Баңгизатты көзөмөлдөө боюнча мамлекеттик координациялык комитеттин көчмө жыйынында каралат.

Иш-чаранын алкагында россиялык фирмалар чыгарган пилотсуз учуучу аппараттардын акыркы үлгүлөрүнүн көргөзмөсүн уюштуруу пландалууда.

505
Белгилер:
Кыргызстан, Россия, аппарат, машыгуу
Тема боюнча
Латвияда аскерлер машыгуу учурунда "атышып" элди чочутту. Видео
Тамеки чегип жаткан адам. Архив

Пляж, базарда. Тамеки, кальян чегүүгө тыюу салынган жайлардын тизмеси

620
(жаңыланган 21:34 28.09.2021)
Тыюу салынган жайларда чылым чегүүгө ылайыкталган шарттарды түзүүгө да уруксат берилбейт. Бир гана аэропорттордо өрт жана авиация желдетүү системаларын коюу менен атайын бөлмөлөрдү уюштурууга болот.

БИШКЕК, 28-сен. — Sputnik. Бүгүн президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Алар төмөнкүлөр:

  • Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
  • Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
  • Темир жол жана автобекеттерде;
  • Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
  • Мамлекеттик жана жергиликтүү өз алдынча башкаруу органдарына тиешелүү имараттарда;
  • Имараттарда жана курулмаларда уюштурулган жумуш орундарында, жумушчу зоналарда;
  • Өрт чыгуу коркунучу бар жерлерде, анын ичинде күйүүчү май куюучу жайларда;
  • Коомдук тамактануу жайларында (түйүндөрдө);
  • Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
  • Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
  • Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
  • Реабилитациялык жана санаторий-курорттук кызматтарды көрсөтүүгө арналган жайларда;
  • Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
  • Аялдамаларда;
  • Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттык сактоо жана социалдык өнүктүрүү министрлиги иштеп чыгат.

Мыйзам долбоорунун авторлору Кыргызстанда өлүмдүн жана майыптыктын негизги себеби тамеки тартуу экенин буга чейин белгилешкен.

Ошондой эле чылым чегүүгө бардык эле жерлерде тыюу салынбасын айтышкан. Бирок башкалардын эркин дем алуусуна тоскоол болбошу керек деген принцип сакталышы шарт.

620
Белгилер:
тамеки, тыюу салуу, имарат, Кыргызстан
Тема боюнча
КРде кафе жана ресторандарда чылым чеккенге тыюу салынат. Мыйзамга кол коюлду
Көрбөй, укпай каласың! Министрлик тамекинин зыянын эскертти
Дарак. Архив

Шаршембиге карата аба ырайы

34
29-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-сен. — Sputnik. Шаршемби, 29-сентябрь күнү, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүйдө +22...+27, Ысык-Көл, Нарын өрөөндөрүндө +20...+25, Талас жергесинде +19...+24, Ош, Жалал-Абад жана Баткен облустарында +25...+30 градус болот.

Бул күнү күндүн табы Бишкекте +25...+27, Ош калаасында +28...+30 градуска жетет.

34
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы