Манас эл аралык аэропортуна Кытайдан Кыргызстанга кезектеги гуманитардык жүк келди

3 млн. бет кап, коргоочу костюм. Кыргызстанга Кытайдан гумжардам келди

107
Гуманитардык жардамды Кытай Эл Республикасынын Синьцзян-Уйгур автономдук району коронавирус менен күрөшүүгө көмөк көрсөтүү максатында жөнөткөн.

БИШКЕК, 13-сен. — Sputnik. "Манас" эл аралык аэропортуна Кытайдан Кыргызстанга кезектеги гуманитардык жүк келди. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.

  • 13 сентября 2021 года в Международный аэропорт Манас прибыл гуманитарный груз из Китая, состоящий из средств индивидуальной защиты
    "Манас" эл аралык аэропортуна Кытайдан Кыргызстанга кезектеги гуманитардык жүк келди
    © Фото / пресс-служба Министерства здравоохранения КР
  • 13 сентября 2021 года в Международный аэропорт Манас прибыл гуманитарный груз из Китая, состоящий из средств индивидуальной защиты
    Жардамды Кытай Эл Республикасынын Синьцзян-уйгур автономдук району көрсөткөн
    © Фото / пресс-служба Министерства здравоохранения КР
  • 13 сентября 2021 года в Международный аэропорт Манас прибыл гуманитарный груз из Китая, состоящий из средств индивидуальной защиты
    Жүктү министрдин орун басары Улук-Бек Бектурганов тосуп алып, Кытай мамлекетине көрсөткөн жардамы үчүн ыраазычылык билдирген.
    © Фото / пресс-служба Министерства здравоохранения КР
1 / 3
© Фото / пресс-служба Министерства здравоохранения КР
"Манас" эл аралык аэропортуна Кытайдан Кыргызстанга кезектеги гуманитардык жүк келди

Билдирмеге караганда, жардамды Кытай Эл Республикасынын Синьцзян-уйгур автономдук району көрсөткөн.

"Коронавирус менен күрөшүү максатында жана Кыргызстандын эгемендүүлүгүнүн 30 жылдыгына карата коңшу мамлекеттен бир жолу колдонула турган 3 миллион даана бет кап, N95 бет кабынан 100 миң даана жана 20 миң коргонуучу костюм келген", — деп айтылат маалыматта.

Жүктү министрдин орун басары Улук-Бек Бектурганов тосуп алып, Кытай мамлекетине көрсөткөн жардамы үчүн ыраазычылык билдирген.

107
Белгилер:
Кыргызстан, Кытай, гуманитардык жүк, медицина, бет кап
Тема боюнча
Кытай Кыргызстанга 1,5 миң тонна буудай жөнөтмөй болду
Электр кубаты счётчиги. Архив

Эртең Бишкектин кайсы жеринде электр кубаты өчүрүлөт. Тизме

6
(жаңыланган 16:12 20.09.2021)
Шейшемби күнү "Түндүк электр" ишканасынын бригадасы Бишкектин чекесинде жайгашкан айылдагы подстанциянын жана калаадагы үйлөрдүн ичиндеги электр тармактардын абалын текшерип чыгат.

БИШКЕК, 20-сен. — Sputnik. Электр кубаты 21-сентябрь күнү Бишкектин 13 көчөсүнүн тилкелеринде болбой тургандыгы "Түндүк электр" ишканасынын сайтында жазылган.

Бул күнү адистерден турган бригадалар үйлөрдүн ичиндеги электр тармактардын абалын көздөн кечирип, оңдой турчуларын кайрадан карап, түздөп чыгат. Андан сырткары, Күнтуу айылындагы подстанцияны текшерет.

Электр кубаты өчүрүлө турган аймактар:

  • 09:00-18:00 — Манас проспектисинин тилкеси (№61 үй), Тынчтык, Касым, Ынтымак, Арча-Бешик (Безымянная, Кара-Кужур, Абдрахманов, Бердибаев, Алтын-Тутун, Эртайлак, Шербет, Садыбакасов, Он-Арча көчөлөрү), Ак-Босого конуштары, Жал-29 кичи району.
  • 09:30-18:30 — Ахунбаев ( №106 А үй) көчөсүнүн тилкеси, Кара-Жыгач (Субан-Ата көчөсү) конушу.
6
Белгилер:
Кыргызстан, Бишкек, электр кубаты, Күнтуу айылы
Тема боюнча
Эртең Бишкектин айрым жерлеринде таза суу өчүрүлөт. Тизме
Жаан-чачындуу күндөр башталабы? Бир жумага карата аба ырайы
Бишкектин айрым райондорунда 11 күн бою газ менен ысык суу болбойт
Жогорку Кеңештин депутаты. Архив

500 миң долларлык мүлк. "Кыргызстандын" дагы бир экс-депутаты кармалды

112
(жаңыланган 15:29 20.09.2021)
Кармалган саясатчынын инициалдары Кубанычбек Нурматов менен дал келүүдө. Ал 2012-2015-жылдары аудитор болуп иштеген.

БИШКЕК, 20-сен. — Sputnik. Жогорку Кеңештин экс-депутаты, "Кыргызстан" саясий партиясынын дагы бир мүчөсү Н.К. алдамчылык беренеси менен кармалды. Бул тууралуу УКМКнын маалымат кызматы кабарлады.

Билдирүүгө ылайык, экс-депутат 2013-жылы Эсеп палатасынын аудитору болуп иштеп турган чагында алдамчылык жолу менен 500 миң долларлык кыймылсыз мүлктү өзүнө ыйгарып алган.

"Тергөө учурунда экс-депутат бир катар алдамчылык иштерге аралашканы тууралуу далилдер табылды", — деп айтылат маалыматта.

Буга байланыштуу Н.К. бүгүн, 20-сентябрда, кармалып, УКМКнын убактылуу кармоочу жайына киргизилди.

Мурдагы парламентарийдин инициалы Кубанычбек Нурматов менен дал келүүдө. Ал 2012-2015-жылдары Эсеп палатасында аудитор болуп иштеген. Андан соң "Кыргызстан" партиясынын тизмеси менен Жогорку Кеңештин депутаты болгон. Өткөн жылдын 29-августунда өз ыктыяры менен мандатын тапшырган. 

112
Белгилер:
УКМК, 'Кыргызстан' партиясы, депутат, кармоо, алдамчылык
Тема боюнча
300 миң доллар пара алды делген экс-депутаттын баш коргоо чарасы каралды
Нарындын мэри шайлоодогу коррупциялык иштерге шектелип кармалды