Тоодогу жолдо бараткан унаа. Архив

Сары-Чат Ээр-Таш коругунда чет элдик компания жол куруп жатабы? Расмий жооп

1438
(жаңыланган 18:09 14.09.2021)
Sputnik Кыргызстан агенттиги Сары-Чат — Ээр-Таш коругуна кимдер жол салууга аракет кылганын, азыркы тапта ал жакта кырдаал кандай экенин сураштырды.

БИШКЕК, 13-сен. — Sputnik. Ысык-Көл облусундагы Сары-Чат — Ээр-Таш коругуна белгисиз адамдар уруксаты жок кирип, жол сала баштады. Бул тууралуу Sputnik Кыргызстан агенттигине эколог Александр Верещагин билдирди.

Бул тууралуу 11-сентябрда Facebook баракчасына пост да жазган. 

"Корукка жол салына баштаганын мага егерлер билдирип, сүрөттөрүн жиберди. Өзгөчө кайтаруудагы жайга уруксатсыз техникаларды алып кирип, эч кандай документи жок бир нече чакырым жол салынып кетиптир. Бул деген илбирс, аркарлар жүргөн дүйнөлүк деңгээлдеги жер да. Эмнеге бул адамдар өздөрү билгенин кылып жатат?" — деди Верещагин.
  • Строительная техника в заповеднике Сары-Чат — Ээр-Таш в Иссык-Кульской области, где неизвестные ведут строительство дороги
    Ысык-Көл облусундагы Сары-Чат — Ээр-Таш коругуна белгисиз адамдар уруксаты жок кирип, жол сала баштады
    © Фото / предоставлено Александром Верещагиным
  • Строительная техника в заповеднике Сары-Чат — Ээр-Таш в Иссык-Кульской области, где неизвестные ведут строительство дороги
    Бул тууралуу 11-сентябрда Facebook баракчасына пост да жазган, бирок билдирүүсү айрым адамдарга гана көрүнүп, башкаларга жеткиликсиз болуп жатат.
    © Фото / предоставлено Александром Верещагиным
1 / 2
© Фото / предоставлено Александром Верещагиным
Ысык-Көл облусундагы Сары-Чат — Ээр-Таш коругуна белгисиз адамдар уруксаты жок кирип, жол сала баштады

Буга байланыштуу Sputnik Кыргызстан агенттигинин кабарчысы аталган коруктун жетекчилигине байланышка чыгып, окуянын чоо-жайын териштирди. Сары-Чат — Ээр-Таш коругунун жетекчисинин орун басары Ишен Асакеев бул иш бир ай мурда эле токтотулганын билдирди.

"Жолду "Жибек Жол Кен байлыгы" деген компания курмак экен. Кыргызстандан лицензия алып, өлкөдө алтынга чалгындоо жүргүзүүгө уруксат алганын, документтери толук экенин көрсөтүштү. Бирок бул өзгөчө кайтаруудагы жай болгондуктан, мыйзам боюнча, коруктун аймагына курулуш иштерин жасоого, жол салууга болбойт. Ошол себептен уруксат берген жокпуз, курулуш иштерин бир ай мурда эле токтотконбуз. Азыр техникасы Эңилчек айылында токтоп турат. Компания өкүлдөрү жогорку инстанциядан уруксат алууга аракет кылып жүрүшөт окшойт", — деди Асакеев.

Ал коруктун өйдө жагында Хан-Теңири улуттук паркы бар экенин айтып, бул жакта жаныбарлардын жолу жайгашканын белгиледи.

Жол курууга аракет кылган "Жибек Жол Кен байлыгы" компаниясы алтынга чалгындоо иштерин жүргүзүү үчүн 2016-жылы лицензия алганын компаниянын башкы инженери Марат Кудайбергенов билдирди. Юстиция министрлигинде аталган компания Jibek Jol Kenbailygy (Жибек Жол Кен байлыгы) деп катталган. Директору — Ли Чжиган.

"Компания лицензияны Жети-Өгүздөгү Ак-Шыйрак дарыясынын жээгинен алтынга геологиялык чалгындоо жүргүзүү максатында алган. Тиешелүү документтердин баары бар, жол салууга экспертизадан да өткөнбүз. Болгону ал жакка барчу жолдо корук бар экенин билбей калыптырбыз. Бир чакырым жол салынгандан кийин корук кызматкерлери "бул жакта курулуш иштерин жүргүзүүгө болбойт" деп айтышты. Негизи 14 чакырым жол куруу пландалган. Ал жакка барганда алтын болобу, болбойбу, белгисиз. Ал чалгындоо иштеринен кийин билинет. Эми биз корукту аттап өтө албай, ары эмес же бери эмес болуп ишибиз токтоп отуруп калдык", — деди Кудайбергенов.

Бул маселе боюнча экология жана климат боюнча мамлекеттик комитеттин төрайымы Динара Кутманова менен байланышууга мүмкүн болгон жок.

Ал эми президенттин Ысык-Көл облусундагы өкүлчүлүгү корук маселеси такталгандан кийин кошумча маалымат бериле турганын кабарлады.

1438
Белгилер:
корук, Кытай, компания, жол, курулуш, уруксат, мыйзам
Тема боюнча
Кыргызстандын ири кендеринде канча алтын бар жана аларды ким иштетет. Тизме
Бишкектеги Ала-Тоо аянтындагы унаалар

Шейшембиге карата аба ырайы

90
28-сентябрда республика аймагында жаан-чачын күтүлбөйт. Батыштан соккон шамалдын ылдамдыгы 4-9 метрге жетет.

БИШКЕК, 27-сен. — Sputnik. Шейшембиде кээ бир райондордо өткүн өтүп, күн күркүрөйт. Бул тууралуу Кыргызгидромет билдирди.

Абанын температурасы Чүй, Талас өрөөндөрүндө +23…+28, Ош, Жалал-Абад, Баткен облустарында +25…+30, Ысык-Көл, Нарын аймактарында +20…+25 градусту көрсөтөт.

Бишкек жана Ош шаарларында жаан жаабайт. Күндүн табы борбордо +26…+28, Ош шаарында +28…+30 градусту көрсөтөт.

90
Белгилер:
аба ырайы, сентябрь, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы
Ош мэриясы China Road компаниясы менен меморандумга кол коюу

Оштун мэри China Road менен жол куруу боюнча меморандумга кол койду

223
(жаңыланган 20:15 27.09.2021)
Компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишти.

БИШКЕК, 27-сен. — Sputnik. Ош шаарынын мэриясы China Road компаниясы менен эки тараптуу кызматташуу боюнча меморандумга кол койду. Бул тууралуу аталган муниципалитет кабарлады.

Мэр города Ош Алмаз Мамбетов во время подписания меморандума о двустороннем сотрудничестве с компанией Чайна Роад. 27 сентября 2021 года
© Фото / пресс-служба мэрии города Ош
Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан

Бүгүн, 27-сентябрда, кытайлык корпорациянын Кыргызстандагы жолдорду жана көпүрөлөрдү куруу боюнча өкүлчүлүгүнүн башкы директору Хоу Хусян баштаган жумушчу топту Ош шаарынын биринчи вице-мэри Марс Исаев кабыл алган.

Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан.

Андан соң компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишкен.

223
Белгилер:
Ош мэриясы, Алмаз Мамбетов, China Road
Тема боюнча
Мэр Мамбетов Ош шаарынын туристтик брендин түзүү ниетин билдирди
165 млн. бөлүнгөн. Марипов Төө-Ашуудагы жолдун оңдолуп жатканын көрдү. Сүрөт
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

0
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

0
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр