Бала бакча. Архивдик сүрөт

Бишкекте мамлекеттик бала бакчалар кийинки жумадан тарта иштейт

228
(жаңыланган 19:10 14.09.2021)
Чечим 14-сентябрда кабыл алынды. Мэрия ата-энелерге үйдө ооруп жаткандар болсо баланы бакчага алып келбеш керектигин эскертти.

БИШКЕК, 14-сен. — Sputnik. Бишкектеги мамлекеттик бала бакчалар 20-сентябрдан тарта иштейт. Бул тууралуу мэрия билдирди.

Мындай чечим бүгүн, 14-сентябрда, кабыл алынганы айтылды.

"2021-жылдын 20-сентябрында бала бакчалар иштей баштайт. Бишкек шаарынын райондору менен калаанын Билим берүү башкармалыгына бала бакчаларды азык-түлүк менен камсыз кылуу боюнча иштерди аткаруу тапшырмасы берилди", — деп айтылат маалыматта.

Мэрия ата-энелерге үйдө ооруп жаткандар болсо баланы бакчага алып келбеш керектигин эскертти.

228
Белгилер:
Бишкек, Бишкек мэриясы, бала бакча
Тема боюнча
Бет кап тагыныш керекпи? Бийлик балдар кандай шартта окуурун айтты
Мэрия: жакынкы эки жылда Бишкектин мектептери газ менен жылытууга өткөрүлөт
Вице-мэр: Бишкекте мектеп окуучулары бет кап тагынарына көзүм жетпейт
Бишкек — Ош автотрассасы. Архив

Шаршембиге карата аба ырайы

34
22-сентябрда күндүз жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-сен. — Sputnik. Шаршембиде республиканын кээ бир аймактарында өткүн өтүп, күн күркүрөйт. Бул тууралуу Кыргызгидромет билдирди.

Абанын температурасы Чүй облусунда +22…+27, Талас өрөөнүндө +20…+25, Ош, Жалал-Абад, Баткен облустарында +25…+30, Ысык-Көл, Нарын аймактарында +20…+25 градус жылыйт.

Күндүн табы Бишкекте +24…+26, Ош шаарында +28…+30 градусту көрсөтөт.

34
Белгилер:
аба ырайы, сентябрь, Кыргызстан
Тема боюнча
Жаан-чачындуу күндөр башталабы? Бир жумага карата аба ырайы
Түндүк электрдин кызматкери оңдоо иштер учурунда. Архив

Эртең Бишкектин 29 көчөсүндө жарык өчөт. График

72
Электр жарыгы шаардын борбордук бөлүгүнөн тышкары жаңы конуштарда дагы өчүрүлөт. Буга пландык оңдоолор себеп болууда.

БИШКЕК, 21-сен. — Sputnik. Эртең, 22-сентябрда, Бишкектин 29 көчөсүндө жарык өчөт. Бул тууралуу "Түндүк электр" ишканасы кабарлады.

Жарык берүү үзгүлтүккө учурай турган аймактар:

  • 9:00-13:00 — Ак-Босого конушунда;
  • 9:00-18:00 — Манас проспектисинин бир бөлүгүндө, Абдумомунов, Фурманов, Севастопольский, Шота Руставели, Целинное, Сухомлинов, Московский көчөлөрүнүн бир бөлүгүндө;
  • 9:30-14:00 — Широкий, Томск, Зайсанский, Львов көчөлөрүнүн бир бөлүгүндө, Тушинский туюк көчөсүндө;
  • 9:30-19:00 — Саратовский, Пархоменко, Фрунзе, Комсомольский, Буденный, Салиева, Шайыр, Тульский, Сводобный, 8-Март, Элебесов, Семипалатинский, Арычный, Токтоналиев көчөлөрүнүн бөлүктөрүндө, Манас проспектисинде жана Грозненский туюк көчөсүндө.
72
Белгилер:
Бишкек, жарык өчүрүү, көчө, 'Түндүк Электр' ишканасы
Тема боюнча
Жаан-чачындуу күндөр башталабы? Бир жумага карата аба ырайы
Чеченстандын президенти Рамзан Кадыров. Архив

ЛГБТны Чеченстанда да коргоого чакырган Байденге Кадыров жооп берди

0
(жаңыланган 23:35 21.09.2021)
Чечен Республикасынын президенти АКШ лидерине тамаша иретинде жооп берип, өз өлкөсүнө чакырган.

БИШКЕК, 21-сен. — Sputnik. АКШнын президенти Жо Байден БУУнун Башкы ассамблеясынын 76-сессиясында сөз сүйлөп жатып ЛГБТны коргоого чакырды.

"Биз, баарыбыз, ЛГБТ өкүлдөрүнүн укуктарын коргоп турушубуз керек. Алар Чеченстанда же Камерунда, же дүйнөнүн башка бурчунда болобу, эч нерседен коркпой сүйүүсү менен ачык жашашы керек", — деди Байден.

Көп өтпөй Чеченстандын президенти Рамзан Кадыров ага Telegram-каналы аркылуу жооп кайтарганын RT жазды.

"Байден ушунчалык акылга сыйгыс билдирүү жасады, жооп катары биздин республикага чакырам. Ал Чечен Республикасына келип бизде жадагалса андай сөз дагы жок экенин көрүп кетсин. Алардын ордуна бизде тооктун күйөөсү бар", — деп жазып, каткырган быйтыкча койгон.

Белгилей кетсек, учурда Нью-Йоркто БУУнун Башкы ассамблеясынын 76-сессиясы өтүп жатат.

0
Белгилер:
АКШ, Жо Байден, Рамзан Кадыров
Тема боюнча
Байден Австралиянын премьер-министринин атын эстей албай... Видео
Рамзан Кадыров UFC мушкери менен кармашты. Видео