Бишкектеги Абдрахманов көчөсүндө ири автоунаа тыгыны

Бишкектин борборунда ири жол тыгын пайда болду. Асмандан тартылган видео

1493
(жаңыланган 12:18 15.09.2021)
Алдын ала маалыматтар боюнча, тыгындын жаралышына жолго токтоп калган троллейбус себеп болушу мүмкүн. Шаар мэриясы иштин чоо-жайын тактап жатат.

БИШКЕК, 15-сен. — Sputnik. Бишкектеги Абдрахманов көчөсүндө ири автоунаа тыгыны пайда болду. Бул тууралуу жеринен Sputnik агенттигинин кабарчысы билдирди.

Дрон менен тартылган кадрларда түштүктү көздөй бара жаткан автоунаалардын айдоочулары тыгында тургандан тажап, артка кетүү үчүн каршы тилкеге бурулуп жатканын көрүүгө болот. Айрымдары уруксат берилбеген үзүксүз эки чийинди кесип өтүүдө.

Алдын ала маалыматтар боюнча, тыгындын жаралышына жолго токтоп калган троллейбус себеп болушу мүмкүн. Шаар мэриясы иштин чоо-жайын тактап жатат.

  • Автомобильный транспорт стоит в пробке по улице Абдрахманова в Бишкеке
    Бишкектеги Абдрахманов көчөсүндө ири автоунаа тыгыны пайда болду.
    © Sputnik / Акылбек Батырбеков
  • Автомобильный транспорт стоит в пробке по улице Абдрахманова в Бишкеке
    Дрон менен тартылган кадрларда түштүктү көздөй бара жаткан автоунаалардын айдоочулары тыгында тургандан тажап, артка кетүү үчүн каршы тилкеге бурулуп жатканын көрүүгө болот.
    © Sputnik / Акылбек Батырбеков
1 / 2
© Sputnik / Акылбек Батырбеков
Бишкектеги Абдрахманов көчөсүндө ири автоунаа тыгыны пайда болду.

Эске салсак, бүгүн өлкөдө жаңы окуу жылы башталды. Бир жарым жылдык аралыктан окуудан кийин мектептер менен ЖОЖдор эшигин ачты. Адатта окуу жылынын алгачкы күндөрү ар дайым унаа тыгындары болот.

1493
Белгилер:
Бишкек, көчө, автоунаа, тыгын, троллейбус, видео, дрон
Тема боюнча
Маршруткалар алынат, бала бакчалар көбөйөт. Бишкек мэринин убадалары
Тамеки чегип жаткан адам. Архив

Пляж, базарда. Тамеки, кальян чегүүгө тыюу салынган жайлардын тизмеси

602
(жаңыланган 21:34 28.09.2021)
Тыюу салынган жайларда чылым чегүүгө ылайыкталган шарттарды түзүүгө да уруксат берилбейт. Бир гана аэропорттордо өрт жана авиация желдетүү системаларын коюу менен атайын бөлмөлөрдү уюштурууга болот.

БИШКЕК, 28-сен. — Sputnik. Бүгүн президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Алар төмөнкүлөр:

  • Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
  • Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
  • Темир жол жана автобекеттерде;
  • Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
  • Мамлекеттик жана жергиликтүү өз алдынча башкаруу органдарына тиешелүү имараттарда;
  • Имараттарда жана курулмаларда уюштурулган жумуш орундарында, жумушчу зоналарда;
  • Өрт чыгуу коркунучу бар жерлерде, анын ичинде күйүүчү май куюучу жайларда;
  • Коомдук тамактануу жайларында (түйүндөрдө);
  • Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
  • Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
  • Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
  • Реабилитациялык жана санаторий-курорттук кызматтарды көрсөтүүгө арналган жайларда;
  • Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
  • Аялдамаларда;
  • Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттык сактоо жана социалдык өнүктүрүү министрлиги иштеп чыгат.

Мыйзам долбоорунун авторлору Кыргызстанда өлүмдүн жана майыптыктын негизги себеби тамеки тартуу экенин буга чейин белгилешкен.

Ошондой эле чылым чегүүгө бардык эле жерлерде тыюу салынбасын айтышкан. Бирок башкалардын эркин дем алуусуна тоскоол болбошу керек деген принцип сакталышы шарт.

602
Белгилер:
тамеки, тыюу салуу, имарат, Кыргызстан
Тема боюнча
КРде кафе жана ресторандарда чылым чеккенге тыюу салынат. Мыйзамга кол коюлду
Көрбөй, укпай каласың! Министрлик тамекинин зыянын эскертти
Дарак. Архив

Шаршембиге карата аба ырайы

32
29-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 28-сен. — Sputnik. Шаршемби, 29-сентябрь күнү, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүйдө +22...+27, Ысык-Көл, Нарын өрөөндөрүндө +20...+25, Талас жергесинде +19...+24, Ош, Жалал-Абад жана Баткен облустарында +25...+30 градус болот.

Бул күнү күндүн табы Бишкекте +25...+27, Ош калаасында +28...+30 градуска жетет.

32
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы