Жогорку Кеңештин депутаты Жанар Акаев. Архивдик сүрөт

Адвокат: Атамбаев, Асанов, Акаев бийликти күч менен басып алууга шектелүүдө

520
(жаңыланган 11:52 15.09.2021)
Адвокат бир нече саясатчы курал колдонуп, бийликти басып алууга белсенгени туурасында Тергөө кызматына материал түшкөнүн айтууда.

БИШКЕК, 15-сен. — Sputnik. Бийликти күч менен басып алуу аракети боюнча козголгон иштин алкагында мурдагы президент Алмазбек Атамбаев, Жогорку Кеңештин депутаты Жанар Акаев, ички иштер министринин мурдагы орун басары Курсан Асанов шектелүүдө. Бул туурасында Асановдун адвокаты Икрамидин Айткулов билдирди.

Жарандык активист Жеңиш Молдокматов. Архив
© Фото / пресс-служа Жогорку Кенеша
Кечээ, 14-сентябрда, Асанов кармалган. ИИМдин Тергөө кызматы Жазык кодексинин 309-беренеси ("Бийликти күч менен басып алуу") боюнча сотко чейинки өндүрүш ачкан. ИИМ Асанов башкалар менен көмүскө сүйлөшүп, бийликти басып алууга аракет кылды деп шектелип жатканын билдирген. Бирок ал кимдер менен сүйлөшкөнүн маалымдаган эмес.

Адвокат 14-сентябрда Тергөө кызматына Атамбаев, Акаев, Асанов жана башка адамдар курал колдонуп, бийликти күч менен басып алууга белсенгени туурасында материал келип түшкөнүн айтты.

Бул маалымат боюнча ИИМ азырынча комментарий бере элек. Депутат Жанар Акаев менен байланышууга мүмкүн болбой жатат.

Ал эми Атамбаевдин адвокаты Замир Жоошев мындан такыр кабары жок экенин билдирди.

520
Белгилер:
Кыргызстан, Курсан Асанов, Жанар Акаев, Алмазбек Атамбаев, бийлик, басып алуу
Тема боюнча
Жактоочу: Курсан Асанов кайрадан кармалды
ИИМ: Курсан Асанов башкалар менен сүйлөшүп, бийликти басып алууга аракеттенген
Нарын шаарынын мэри Самарбек Болотбеков. Архив

Нарындын мэри Болотбеков сыртка чыкпоо тил каты менен бошотулду

13
Шаар башчысы 2020-жылы өткөн паралменттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

13
Белгилер:
Самарбек Болотбеков, мэр, кармоо, коррупция, бошотуу
Тема боюнча
500 миң долларлык мүлк. "Кыргызстандын" дагы бир экс-депутаты кармалды
Чач тарач иш учрунда. Архив

COVID-19дан кийин чачтын түшүшүн кантип токтотсо болот? Трихологдун кеңеши

5
(жаңыланган 11:52 21.09.2021)
Адистин пикиринде, адам чачтын түшө баштаганын дароо байкабайт. Алгачкы белгилер оору башталгандан 3-4 жума же сакайгандан эки ай өткөн соң билинет.

БИШКЕК, 21-сен. — Sputnik. COVID-19га чалдыгып сакайгандардын көпчүлүгү чачынын түшүп жатканын айтууда. Аны токтотууга өз алдынча тандап алган каражаттар жардам бере албасын Sputnik радиосунун эфиринде трихолог Юлия Нагайцева айтты.

Адистин пикиринде, адам чачтын түшө баштаганын дароо байкабайт. Алгачкы белгилер оору башталгандан 3-4 жума же сакайгандан эки ай өткөн соң билинет.

"Бул процесстин башталышы гана. Менин жарым жылдык байкоомо караганда, чач түшүп эле тим болбой, башка ооруларды дагы пайда кылууда. Албетте, түшсө дагы өзү калыбына келип, мурдагыдай калыңдыкка жеткен учурлар бар. Ал үчүн адам жаш, организми күчтүү болушу керек. Ал эми чачы оголе жукарып кеткендер адиске кайралганы туура", — деди Нагайцева.

Анын айтымында, дарыканадагы бардык эле каражаттар чачтын түшүшүн токтотууга жардам бере бербейт.

"Чач түшүү — бул оору, аны дарылоо керек. Алгач организмге кайсы элемент жетпей жатканын анализдер аркылуу аныктоо зарыл. Ошондо гана дарыгер бейтапка керектүү каражатты сунуштай алат", — деди трихолог.

Ошондой эле адис COVID-19дан сакайган адамдарды медицинадык кароодон өткөрүү маалында айрымдардан андрогенетикалык алопеция илдети табылып жатканын кошумчалады. Бул илдет чачтын өсүшүн толугу менен токтотуп коет.

5
Белгилер:
дарыгер, коронавирус, чач, кесепет
Тема:
Дүйнөгө жайылган коронавирус
Тема боюнча
Окумуштуулар коронавирустун дагы бир олуттуу кесепетин айтышты
Беларуста COVID-19дун төртүнчү толкуну башталганын айтты