Жогорку Кеңештин депутаты Жанар Акаев. Архивдик сүрөт

Баары калп, түрмө менен коркутканы өтпөйт! Жанар Акаев видео кайрылуу жасады

2388
(жаңыланган 12:51 15.09.2021)
Буга чейин соцтармактарда Курсан Асановдун телефон сүйлөшүүсү делген аудио тарап, анда бийликти күч менен басып алууга Акаев да аралашканы айтылган.

БИШКЕК, 15-сен. — Sputnik. Жогорку Кеңештин депутаты Жанар Акаев бийликти күч менен басып алууга аракет кылып жатат деп айтылган кептер боюнча кайрылуу жасады.

Эл өкүлү жалган маалымат таратылып жатканын айтып, бир да саясатчы менен бийликти басып алуу тууралуу эч бир жерде сүйлөшпөгөнүн белгиледи. Ал эми Курсан Асанов менен акыркы жолу февраль айында куран окутууда жолукканын, ошол бойдон телефон аркылуу да сүйлөшпөгөнүн билдирди.

“Атамбаев, Асанов, Акаев бийликти басып алуу аракетин көрүп жатат дегени акылга сыйгыс көрүнүш, куру доомат. Өзүм бийликтин бир бутагы болсом эмне үчүн басып алышым керек? Өзүмдүн кабинетимди басып аламбы? Бир саясатчынын сөзү үчүн эле айыпка жыгабыз десе азыркы бийликтин чоң катачылыгы болот. Андай жол менен кеткендердин аягы жакшы бүткөн эмес. Оюбуз же сын пикирибиз болсо пресса жана парламент аркылуу айтабыз. Андыктан бизди түрмө менен коркутканы өтпөйт. Анткени кара пиар, жалган маалыматтын өмүрү кыска болорун жакынкы тарых далилдеп келе жатат”, — деди Акаев.

Ошондой эле депутат муну шайлоонун алдындагы аракет катары көрүп, парламентке жалаң кошоматчыларды алып келүү ниети болсо, ал да терең жаңылыштык экенин кошумчалады.

“Бизди камап коёбуз, айып тагабыз” дегенине эч качан ишенбегиле. Биздин ниетибиз ак, оюбуз таза, багытыбыз дагы түз. Дагы бир жолу кайталап кетейин, эч качан бийликти басып алуу аракети болгон эмес. Ошондуктан бизди опузалап коёбуз дегени ишке ашпайт. Мындай окуялардан биз бир гана курчуйбуз, эч качан мокобойбуз. Эркин, адилеттүү жана кубаттуу Кыргызстанды куруу аракетибизден кайтпайбыз”, — деди Акаев.

Сөзүнүн соңунда эл өкүлү анын аты аталып таратылып жаткан видеолорго ишенбөөгө чакырды.

Белгилей кетсек, буга чейин социалдык тармактарда Курсан Асановдун телефон сүйлөшүүсү делген аудио тарап, анда бийликти күч менен басып алуу аракетине Акаев да аралашып жатканы айтылган. Ал арада ИИМ Асановго, Акаевге жана Атамбаевге (бийликти күч менен басып алуу беренеси менен) сотко чейинки өндүрүш ачканы маалымдалды

2388
Белгилер:
Жанар Акаев, түрмө, бийлик, басып алуу, кайрылуу, саясатчы
Тема боюнча
Активист Жеңиш Молдокматов эки айга камакка алынды
Акаев: заман тез өзгөрөт, Суталинов менен Конгантиевдин сүрөтүн илип коюш керек
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

5
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

5
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек
Милиция кызматкерлери Бишкектеги Фрунзе заводунун аймагынан бомба издөө учурунда

Бишкекте Фрунзе заводунун аймагынан бомба издеп жатышат

20
(жаңыланган 17:18 20.09.2021)
Милицияга бомба тууралуу эки саат мурун чалуу түшкөн. Учурда заводдун аймагында издөө иштери жүрүп жатат.

БИШКЕК, 20-сен. — Sputnik. Борбор калаадагы Фрунзе заводунун аймагынан бомба изделип жатат. Бул тууралуу Ленин райондук милициянын маалымат кызматы билдирди.

Жарылуучу зат коюлганы тууралуу жашыруун билдирүү милицияга саат 14:50дө түшкөн.

Сотрудники милиции во время поисков бомбы, на территории завода имени Фрунзе в Бишкеке. 20 сентября 2021 года
Жарылуучу зат коюлганы тууралуу жашыруун билдирүү милицияга саат 14:50дө түшкөн

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен.

Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери дагы келген.

Учурда издөө жана текшерүү иштери жүрүп жатат. Кенен маалымат кийинчерээк берилет.

20
Белгилер:
Бишкек, завод, бомба, издөө
Тема боюнча
ЦУМ менен ГУМда бомба бар деп кабарлоого шектелген аял камакка алынды