Компьютерде иштеп жаткан кыз. Архив

Мыйзам долбоорлоруна комментарий жазып талкуулаңыз. Бирдиктүү портал ачылды

48
(жаңыланган 16:22 15.09.2021)
Портал 2022-жылдын 1-январына чейин пилоттук долбоор катары, андан кийин кошумча-алымчасы менен толук кандуу иштейт.

БИШКЕК, 15-сен. — Sputnik. Юстиция министрлигинин Экономикалык мыйзамдар башкармалыгынын адиси Айнура Сулайманова укуктук ченемдик актылардын долбоорун талкуулоо максатында ачылган бирдиктүү портал тууралуу маалымат берди. Ал бүгүн Sputnik Кыргызстан радиосуна маек курган.

Сулайманованын айтымында, порталга аткаруу бийлиги иштеп чыккан (Жогорку Кеңешке түшө элек) мыйзам долбоорлору жайгаштырылат. Ал жерден долбоордун тексти менен таанышууга, зарыл болгон учурда аны жүктөп алууга болот. Ошондой эле сын-пикирлерди жана сунуштарды калтырууга мүмкүнчүлүк берилет.

Онлайн түрүндө комментарий жазуу үчүн бирдиктүү порталга электрондук дарек, социалдык тармактар аркылуу катталуу зарыл.

"Коомчулукта мыйзам долбоорунун коомдук талкуусу көп актуалдуу болбогонуна байланыштуу 2020-жылы өкмөттө бирдиктүү портал иштеп чыгуу маселеси көтөрүлгөн. Мында жарандардын коомдук талкууга активдүү катышуусу, мыйзамдардын сапаты каралган. Мурда документти өкмөттүн сайтына жайгаштырганда эл кирбей, сунуш-пикирлер көп түшчү эмес. Мындан улам мыйзам, токтом долбоорлорунун аягына "сын-пикирлер түшкөн жок" деп жазчубуз. Азыр баарын бириктиргенден кийин сунуштарын берген жарандар көбөйө баштады", — деди Сулайманова.

Аталган портал мындан бир жыл мурун ачылган. 2022-жылдын 1-январына чейин пилоттук долбоор катары, андан кийин кошумча-алымчасы менен толук кандуу иштейт.

 

48
Белгилер:
мыйзам долбоору, комментарий, портал
Тема боюнча
Кыргызстанда эмгек мигранттары үчүн сайт ачылды
Ооруканадагы дарыгер. Архив

COVID 89 адамдан чыгып, эки бейтап көз жумду. 21-сентябрдын маалыматы

17
(жаңыланган 09:59 21.09.2021)
Учурда республиканын ооруканаларында 571 адам жатат. Ал эми амбулатордук түрдө 865 адам дарыланууда.

БИШКЕК, 21-сен. — Sputnik. Кыргызстанда 21-сентябрга карата COVID инфекциясы 89 адамдан аныкталды. Бул тууралуу Республикалык штаб кабарлады.

Оору жуктургандар:

  • Бишкек — 53;
  • Чүй — 17;
  • Ош — 1;
  • Талас — 2;
  • Нарын — 1;
  • Ысык-Көл — 6;
  • Жалал-Абад — 6;
  • Баткен — 3.

Пандемиядан бери өлкөдө 177 869 кишиден вирус чыкты. Бир сутка ичинде 108 адам сакайып, ооруну жалпы 172 369 адам жеңди.

Жугуштуу илдет өткөн суткада эки кишинин өмүрүн алды. Баш-аягы каза тапкандар 2 592 болду.

Стационарда 571, амбулатордук түрдө 865 адам дарыланып жатат. 

17
Белгилер:
Кыргызстан, коронавирус, оору, бейтап, өлүм
Тема:
Кыргызстандагы коронавирус
Тема боюнча
Садыр Жапаров кыргызстандыктарга кайрадан кайрылды
Беларуста COVID-19дун төртүнчү толкуну башталганын айтты
Сыркоологон кыз. Архив

Начар иммунитеттин алты белгиси. Буларды тоготпой коюуга болбойт

64
Организм ээсине дарыгерге кайрылып, толук текшерүүдөн өтүүгө мезгил келгендиги боюнча белги бериши мүмкүн.

БИШКЕК, 21-сен. — Sputnik. Иммунореабилитация жана алдын ала эскертүүчү медицина боюнча жеке клиниканын илимий жетекчиси Ольга Шуппо "Доктор Питер" порталына алсыз иммунитеттин тоготпой койгонго болбой турган алты белгиси тууралуу айтып берген.

Адамдын организми бири-бири менен байланышта болгон өтө татаал система. Андыктан чачтын кургашын же белдин бир нече сантиметрге чоңоюп кетишине шампунду алмаштыруу же диетага отура коюу дайыма эле жардам бере албайт. Балким, бул терапевтке же иммунологго кайрылып, толук текшерүүдөн өтүүгө берилген белги болушу мүмкүн.

1. Дайыма чарчай бергендей абалда жүрүү

Ойгонгондо эле чарчоо сезими бар. Көптөр ушундай маанайда болот. Бул иммунитеттин алсыздыгы эле эмес, стресстен кийин нерв системаларынын калыбына келишине жоопкер болгон бөйрөктүн үстүндөгү бездердин дисбалансы. Дайыма кыжаалат болуп же бир нерсеге тынчсызданып жүргөн кишилерде аталган бездердин алсыз болуп калуу тобокелдиги жогору. Мында ал стресстин гормондорун көп бөлүп чыгарат. Анын башка клеткаларга, органдарга тийгизген таасиринен улам жүрөктүн кагышы тездеп, кан тамырлар ичкерип, иммунитет алсырайт. Тамак сиңирүү жана сырткы факторго туруштук берүү начарлайт.

2. Ич чыгып кеткенде

Адам чымыр же арык болсо деле ич чыгып калат. Ашыкча салмак деле жок, анда эмне болуп жатат? Ал  курсактын ич жагында майдын топтолушунан улам болот. Бул стресстин жана канда кортизолдун көбөйүп кетишинин белгиси. Дал ушул гормон кишиге казы байлатат. Айтмакчы, мындан улам адамда богок пайда болот. Башка дагы бир жагымсыз нерсе – дайыма болгон стресстин иммунитетти "жей" бериши.

3. Эске тутуунун начарлашы

Бул да иммунитеттин начарлашына байланыштуу. Кеп өнөкөт стресс жана калкан бездеринин функциясынын бузулушуна байланыштуу маселе туурасында болуп жатат. Аталган бездин начар иштешинен адамдын тез реакциясы жайлап, анын айынан эске тутуу жабыркайт.

4. Учуктун (герпес) көп чыгышы

Ал эринге, жыныс мүчөлөргө чыгышы мүмкүн. Бул коргоочу системанын начарлашынан кабар берет. Организм кадимки калыбында болсо, ичтеги өнөкөт инфекцияны басып коёт, эгерде иммунитет алсырай баштаса, вирус активдешет. Учук ай сайын чыгышы мүмкүн. 

5. Аллергиялык реакциялар

Аллергендерге каршы тура албоочулук да организмде бир мандем бар экенин кабарлайт. Организм пайда болгон факторго кантип реакция кылууну билбегендиктен, вирустук бактерияларга каршы тура албай, анысын аллергия түрүндө көрсөтөт.

6. Чач түшүп, чыканактын терисинин кургашы

Бул калкан бездин гипотиреозасынан кабар берет. Жакшы иммунитет жана калкан бездин кадимкидей иштеши абдан маанилүү. Аталган безге стресстин таасиринин кесепети оңбогондой. Бул  — эске тутуунун начарлашы, чачтын түшүүсү, чыканактын кургашы сыяктуу дагы бир топко узарган тизме.

64
Белгилер:
ден соолук, иммунитет, стресс
Тема боюнча
Кан басымы жогору адамдар кайсы эрежелерди карманышы керек
COVID интеллектини эмне үчүн жабыркатарын невролог түшүндүрүп берди
Доллар жана евро купюралары. Архив

Чет элдик валюталар менен алтын кымбаттады. Соңку маалымат

0
Sputnik Кыргызстан редакциясы Бишкекте алтын, күйүүчү май жана чет элдик валюталардын баасы кандай өзгөргөнүнө баам салып турат.

БИШКЕК, 21-сен. — Sputnik. Дүйшөмбү күнү эртең мененкиге салыштырмалуу доллар, евро жана алтындын баасы азыраак жогорулады. Ал эми күйүүчү май ошол бойдон калды.

Банктар жана акча алмаштыруу жайларында доллар менен еврону сатып алуу 5 тыйынга, сатуу 2 тыйынга кымбаттады. Тагыраагы, АКШ акчасы 84,68 сомдон сатып алынып, 84,88 сомдон сатылууда. Еврону сатып алуу 98,91 сом, сатуу 100,23 сомдон болууда. Рубль 1 тыйынга арзандады.

Күйүүчү майдын баасы ошол бойдон кармалып турат:

"Роснефть":

  • АИ-92 — 56,8 сом;
  • АИ-95 — 61,8 сом;
  • Дизель майы — 51,9 сом.

"Газпром нефть Азия":

  • АИ-92 — 56,9 сом;
  • АИ-95 — 61,9 сом;
  • Дизель майы — 51,9 сом.

Ал эми алтын кымбаттап, 1 граммы 5 сомго жогору сатылып жатат.

0
Белгилер:
Бишкек, Кыргызстан, алтын, доллар, евро, баалар
Тема боюнча
Бишкекте дагы бир мамлекеттик лабораторияда ПЦР-тест тапшыруу арзандады
Кыргызстандан сыртка 290 млн. доллар которулду. 7 айдын жыйынтыгы