Лаборатория кызматкери. Архивдик сүрөт

COVID-19ду аныктаган лабораториялардын кирешеси өстү. Таблица

167
(жаңыланган 17:45 16.09.2021)
Кыргызстанда коронавирусту аныктоо менен алты жеке лаборатория алектенет. Күн сайын ПЦР-тест тапшыргандардын 40-50 пайызы алардын кызматын пайдаланат.

БИШКЕК, 15-сен. – Sputnik. Кыргызстанда COVID-19ду ПРЦ-тест аркылуу аныктаган жеке лабораториялардын кирешеси быйылкы жылдын алты айында бир нече эсеге өстү. Муну алар төккөн салыктар менен жыйымдардын көлөмүнөн байкоого болот.

Sputnik агенттигине Мамлекеттик салык кызматы берген маалыматка караганда, быйылкы жарым жылдыкта 2020-жылдын ушул учуруна салыштырмалуу 2-4 эсеге көп салык жана жыйымдарды төккөн лабораториялар бар. Мисалы, "Бонецкий" лабораториясы 2020-жылдын алты айында 22 миллион сом төлөсө, быйыл 94,5 миллионго жеткирген.

Aqua Lab лабораториясы былтыркы алты айда — 10,9, быйыл — 27 миллион сом төккөн. "Интермедикал" өткөн жылдын январь-июнунда 100 миң сом салык төлөсө, быйыл бул көрсөткүч 194 миң сомдон ашкан.

Төлөгөн салыгында анчалык чоң айырмасы жок эки лаборатория болду. Биринчиси — "Экспресс плюс" (135 миң – 176 миң сом), экинчиси — "Лаборатория №1" (83 миң сом – 122 миң сом).

Өзүңөр көрүп тургандай, инфограммада 2020-жыл толугу менен жана үстүбүздөгү жылдын алты гана айынын ичинде төлөгөн салыктар берилди. Ошондо дагы бешөөнүн ичинен үчөө жарым жыл ичинде бир жылдык төлөмдөрүнөн алда канча көп салык төлөп койгон.

Сөз болуп жаткан мекемелер кирешесин ПЦР-тесттердин эсебинен жогорулатты деген расмий маалымат жок. Салык кызматынан мекеме кайсы ишмердүүлүгү үчүн салык төлөп жаткандыгы боюнча маалымат бербесин айтышты.

Жеке лабораториялардан алгачкылардан болуп "Бонецкийге" 2020-жылдын апрель айында ПРЦ-анализ алууга уруксат берилген. Ал эми Auqa Lab жана "Экспресс плюс" лабораториялары июль айында баштап, калгандары кийинчерээк кошулду. Алгач кыргызстандыктар буларга вируска кабылганын аныктоо үчүн гана кайрылса, кийин чет өлкөгө чыгуу үчүн дагы кызматын пайдалана баштаган. Тагыраагы, былтыркы жылдын соңку айларында Россия, Түркия, Казакстан сыяктуу бир катар мамлекеттер кыргызстандыктарга өз аймагына кирүүгө уруксат берген. Ошондон бери кайсы гана өлкөгө чыкпасын, ар бир киши акыркы 72 саат ичинде коронавируска ПЦР-тест тапшырышы зарыл.

Ооруларды алдын алуу жана санитардык-эпидемиологиялык көзөмөл департаментинин лаборатория жетекчиси Дамира Ашыралиеванын айтымында, күн сайын алынган ПЦР-анализдердин 40 пайыздан 50 пайызга чейинкиси жеке лабораторияларга туура келет. Баса, ушул тапта бир сутка ичинде 4 миңдин тегерегинде анализ алынууда. Оору күч алып турган мезгилде бул көрсөткүч 6-7 миңден ашып, атургай 10 миңге жеткен күндөр болгон.

Негизи жеке лабораториялардын ичинен алтоо коронавирусту ПЦР ыкмасы менен аныктайт. Салык кызматы бизге анын бешөө тууралуу маалымат берген (аларды жогоруда жаздык). Алтынчысы — "Гемотест" лабораториясы. "Ачык бюджет" порталындагы маалыматка караганда, мекеме быйылкы жылдын алты айында мамлекетке салык жана жыйымдарды кошкондо 12,5 миллион сом төккөн. Өткөн жыл боюнча маалымат жок.

Кыргызстанда жеке лабораторияларда ПЦР-анализдердин баасы 1500дөн 2390 сомго чейин болсо, мамлекеттик лабораторияларда 788ден 927 сомго чейин барт. Чет өлкөгө чыккандар тесттин жыйынтыгы 72 гана саатка жарагандыктан, көбүнчө учарына саналуу сааттар калганда шашылыш түрдө тапшырышат. Бул учурда анализдин баасы 2 миң сомдон жогору болот.

167
Белгилер:
тест, вирус, анализ, лаборатория, салык, киреше
Тема:
Кыргызстандагы коронавирус (94)
Тема боюнча
COVID-19 байыткан тогуз миллиардер. Тизме
Кечээтен бери 23 629 адам эмделди. Көбү вакцинанын экинчи дозасын алгандар
Бишкектеги Ала-Тоо аянтындагы унаалар

Шейшембиге карата аба ырайы

76
28-сентябрда республика аймагында жаан-чачын күтүлбөйт. Батыштан соккон шамалдын ылдамдыгы 4-9 метрге жетет.

БИШКЕК, 27-сен. — Sputnik. Шейшембиде кээ бир райондордо өткүн өтүп, күн күркүрөйт. Бул тууралуу Кыргызгидромет билдирди.

Абанын температурасы Чүй, Талас өрөөндөрүндө +23…+28, Ош, Жалал-Абад, Баткен облустарында +25…+30, Ысык-Көл, Нарын аймактарында +20…+25 градусту көрсөтөт.

Бишкек жана Ош шаарларында жаан жаабайт. Күндүн табы борбордо +26…+28, Ош шаарында +28…+30 градусту көрсөтөт.

76
Белгилер:
аба ырайы, сентябрь, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы
Ош мэриясы China Road компаниясы менен меморандумга кол коюу

Оштун мэри China Road менен жол куруу боюнча меморандумга кол койду

208
(жаңыланган 20:15 27.09.2021)
Компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишти.

БИШКЕК, 27-сен. — Sputnik. Ош шаарынын мэриясы China Road компаниясы менен эки тараптуу кызматташуу боюнча меморандумга кол койду. Бул тууралуу аталган муниципалитет кабарлады.

Мэр города Ош Алмаз Мамбетов во время подписания меморандума о двустороннем сотрудничестве с компанией Чайна Роад. 27 сентября 2021 года
© Фото / пресс-служба мэрии города Ош
Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан

Бүгүн, 27-сентябрда, кытайлык корпорациянын Кыргызстандагы жолдорду жана көпүрөлөрдү куруу боюнча өкүлчүлүгүнүн башкы директору Хоу Хусян баштаган жумушчу топту Ош шаарынын биринчи вице-мэри Марс Исаев кабыл алган.

Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан.

Андан соң компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишкен.

208
Белгилер:
Ош мэриясы, Алмаз Мамбетов, China Road
Тема боюнча
Мэр Мамбетов Ош шаарынын туристтик брендин түзүү ниетин билдирди
165 млн. бөлүнгөн. Марипов Төө-Ашуудагы жолдун оңдолуп жатканын көрдү. Сүрөт
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

0
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

0
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр