Жогорку Кеңештин депутаты Алтынбек Сулайманов. Архивдик сүрөт

Жанар Акаев менен кошо Алтынбек Сулайманов да ИИМге сурак бергени кирип кетти

274
(жаңыланган 18:28 15.09.2021)
Депутаттар бийликти күч менен басып алуу боюнча ачылган сотко чейинки өндүрүштүн алкагында чакырылган.

БИШКЕК, 15-сен. — Sputnik. Жогорку Кеңештин депутаттары Жанар Акаев менен Алтынбек Сулайманов ИИМдин Тергөө кызматына сурак берүү үчүн кирип кетти.

Акаев бийликти күч менен басып алуу беренеси боюнча ачылган сотко чейинки өндүрүштүн алкагында шектелип жатканы айтылган. Ал эми Сулайманов ИИМ имаратына кирип баратып ушул эле иш боюнча күбө катары чакырылганын билдирди.

Депутаттар бүгүн саат 17:30да суракка кирди.

Белгилей кетсек, буга чейин аталган саясатчылар бир партияга биригип, алдыдагы парламенттик шайлоого катышуу боюнча сүйлөшүп жатканын айтышкан.

274
Белгилер:
Жанар Акаев, Алтынбек Сулайманов, сурак, ИИМ
Тема боюнча
Акаев: заман тез өзгөрөт, Суталинов менен Конгантиевдин сүрөтүн илип коюш керек
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

51
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

51
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Милиция кызматкерлери. Архив

Бишкек: заводдун аймагынан бомба табылган жок. Ишти эми УКМК изилдейт

104
(жаңыланган 22:33 20.09.2021)
Атын атагысы келбеген киши милицияга саат 14:50 чамасында чалып, имаратка бомба коюлгандыгын кабарлаган.

БИШКЕК, 20-сен. — Sputnik. Борбор калаадагы Фрунзе атындагы заводдун аймагынан бомба табылган жок. Бул тууралуу Ленин райондук милициясынан кабарлады.

"Калп айтып, коомчулукту дүрбөткөн факты Ленин райондук ИИБине катталды. Чогултулган материалдар эми УКМКга өткөрүп берилет", — деп айтты маалымат кызматынан.

Аталган жайга бомба коюлду деген кабар милицияга саат 14:50 чамасында келип түшкөн.

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен. Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери да барган.

104
Белгилер:
Кыргызстан, Бишкек, бомба, жалган маалымат
Тема боюнча
Бишкекте Фрунзе заводунун аймагынан бомба издеп жатышат