Кыргызстандын грек-рим күрөшү боюнча балбаны, Олимпиада оюндарында күмүш медаль уткан Акжол Махмудов. Архив

Акжол Махмудов жардамга муктаж Аруузатка 15,6 миң доллар берди

844
(жаңыланган 19:32 15.09.2021)
Каражаттын 30 пайызы "Апаке" фондуна, 10 пайызы ак илбирсти коргоо боюнча иш-чарага жумшалганы айтылды.

БИШКЕК, 15-сен. — Sputnik. Кыргызстандын грек-рим күрөшү боюнча балбаны, Олимпиада оюндарында күмүш медаль уткан Акжол Махмудов трикосун сатуу боюнча аукциондо чогултулган каражатты кайрымдуулукка жумшады. Бул тууралуу ал Instagram баракчасына жазды.

Посмотреть эту публикацию в Instagram

Публикация от Акжол Махмудов🇰🇬 (@akzhol_makhmudov)

Аукцион 25-августта Ысык-Көлдө өткөн Gamma бизнес-форумунун алкагында ишке ашкан. Спорттук костюмдун баштапкы баасы 50 доллар деп белгиленип, трико 6,5 миң долларга сатылган. Анткен менен форумдун катышуучулары Махмудовго дагы 19,5 миң долларды кайрымдуулукка жумшоо үчүн чогултуп беришкен.

Убадалагандай Махмудов каражаттын 15,6 миң долларын Аруузаттын үй-бүлөсүнө берген. Бул — аукциондо чогултулган жалпы акчанын 60 пайызы. Ал эми 30 пайызы "Апаке" фондуна, 10 пайызы ак илбирсти коргоо боюнча иш-чарага жумшалган.

Белгилей кетсек, эки жаштагы Аруузат сейрек кездешүүчү генетикалык жүлүн булчуңдарынын атрофиясы диагнозу менен жабыркайт. Аны дарылоого 2,5 миллион доллар керек. Жети айдын ичинде Кыргызстан боюнча керектүү сумманын 40 пайызы гана чогултулган.

844
Белгилер:
Акжол Махмудов, трико, аукцион
Тема боюнча
Ош: балбан Акжол Махмудовго эки бөлмөлүү батир ыйгарылды. Видео
Акжол Махмудов дүйнө чемпионатына барбайт. Машыктыруучусу себебин айтты
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

91
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

91
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты
Жаратылыш. Архив

Дүйшөмбүгө карата аба ырайы

15
27-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-сен. — Sputnik. Дүйшөмбү, 27-сентябрда, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Ысык-Көл, Нарын өрөөндөрүндө +22...+27, Таласта +20...+25, Ош, Жалал-Абад жана Баткен облустарында +24...+29 градус болору айтылды.

Күндүн табы Бишкекте +25...+27, Ош калаасында +27...+29 градуска көтөрүлөт.

15
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы