Ош шаары. Архив

Ошто шайлоо округдарынын чек арасы өзгөртүлдү. Алмашкан айылдардын тизмеси

2869
(жаңыланган 15:14 16.09.2021)
Жаңы схемага ылайык, Ноокат районунда эки шайлоо округу түзүлсө, Ош шаарында бир гана округ калтырылган.

БИШКЕК, 16-сен. — Sputnik. Ош облусундагы бир мандаттуу шайлоо округдарынын чек аралары өзгөрдү. БШК талаштуу маселелерди жөнгө салуу максатында ушундай чечим кабыл алынганын билдирди.

Белгилей кетсек, БШК шайлоо округдарынын жаңыдан түзүлгөн схемасын 11-сентябрда жарыялаган болчу. Ага ылайык, Ноокат районунда эки шайлоо округу (мурда бирөө болчу) түзүлдү. Ал эми Ош шаарына бир гана округ калтырып, калаадагы шайлоочулардын жарымы Кара-Суу районунун Төлөйкөн шайлоо округуна кошулган.

№4 Көк-Жар шайлоо округу

Шайлоочулардын саны — 80426.

Ага Араван районунун Төө-Моюн айыл аймагы, Ноокат районунун Төөлөс, Ынтымак, Т. Кулатов, Он-Эки-Бел, Найман, Көк-Жар, Бел, Жаңы-Ноокат айыл аймактары толугу менен, Гулистан айыл аймагындагы № 5402, 5403 шайлоо участкалары кирет.

№5 Ноокат шайлоо округу

Шайлоочулардын саны — 82 006.

Ноокат районунун Гулистан айыл аймагындагы № 5400, 5401, 5525, 5593 шайлоо участкалары, Ноокат шаары, Мирмахмудов, Кара-Таш, Т.Зулпуев, Кыргыз-Ата, Кеңеш, Н. Исанов, Көк-Бел айыл аймактары биригет.

№6 Араван шайлоо округу

Шайлоочулардын саны — 91 029.

Араван районунун Алля Анаров, Керме-Тоо, Мангыт, Нурабад, С.Юсупов, Тепе-Коргон, Чек-Абад айыл аймактары, Кара-Суу районунун Кызыл-Кыштак айыл өкмөтү толугу менен кирет.

№7 Ош шайлоо округу

Шайлоочулардын саны — 110 685.

Ош шаарынын МТУ-Жапалак, МТУ-1, МТУ-2, МТУ-3, МТУ-5 толугу менен кирет.

№8 Төлөйкөн шайлоо округу

Шайлоочулардын саны — 118 551.

Кара-Суу районунун Мады, Шарк, Төлөйкөн, Папан айыл аймактары толугу менен, Ош шаарынын МТУ-4, МТУ-6 толугу менен кирет.

№9 Кара-Суу шайлоо округу

Шайлоочулардын саны — 100 604.

Кара-Суу районунун Сарай, Кара-Суу шаары, Ак-Таш, Жоош, Нариман, Кашкар-Кыштак айыл аймактары толугу менен кирет.

№10 Куршаб шайлоо округу

Шайлоочулардын саны — 112 847.

Өзгөн районунун Өзгөн шаарындагы №5058, 5059, 5060, 5062, 5063, 5473, 5498, 5578, 5579 шайлоо участкалары, Кароол, Куршаб, Кара-Таш, Жалпак-Таш, Кызыл-Октябрь айыл аймактары толугу менен кирет. Кара-Суу районунун Кызыл-Суу, Жаңы-Арык, Отуз-Адыр, Катта-Талдык, Сары-Колот, Савай айыл аймактары, Алай районунун Жаңы-Алай айыл өкмөтү кошулат.

№11 Алай шайлоо округу

Шайлоочулардын саны — 115 944.

Алай, Чоң-Алай жана Кара-Кулжа райондору бириктирилип бир округ түзүлгөн. Мурдагыдан өзгөргөн эмес.

№12 Өзгөн шайлоо округу

Шайлоочулардын саны — 90 047.

Өзгөн районунун Ак-Жар, Алтын-Булак, Жазы, Зергер, Колдук, Кызыл-Тоо, Мырза-Аке, Салам-Алик, Баш-Дөбө, Дөң-Булак, Жылалды, Ийри-Суу, Төрт-Көл, Чаңгет айыл аймактары толугу менен кирет, Өзгөн шаарындагы №5499, 5064, 5065, 5061, 5066 шайлоо участкалары кошулат.

Ал эми Чүй облусундагы №31 Кемин шайлоо округунун аталышы "Чүй-Кемин" деп алмаштырылган. Башка округдардын чек аралары өзгөртүлгөн эмес.

2869
Белгилер:
БШК, шайлоо, округдар, чек ара, өзгөртүүлөр, Ош облусу
Тема:
Жогорку Кеңешке жаңы тартип менен болчу шайлоо (53)
Тема боюнча
Кыргызстанда беш айда шайлоочулардын саны 80 миңге көбөйдү
Жылкыбаев: азыркы системада партиясы өтүп, лидери өтпөй калышы мүмкүн
Бишкек шаарында Салтанат Саматова атындагы Жардамга сунган колумду карма деп аталган сыйлыкка ээ болгон тараптар сыйланды

Саматова атындагы сыйлыкты тапшыруу аземин биринчи айым ачты. Сүрөт

65
(жаңыланган 00:25 19.10.2021)
Сыйлык Кыргызстанда ракка каршы күрөштө олуттуу салымын кошкон, өлкөдө кайрымдуулуктун үрөнүн сээп, филантропия маданиятын түптөгөн адамдарга, уюмдарга ыраазылык билдирүү иретинде биринчи ирет тапшырылды.

БИШКЕК, 18-окт. — Sputnik. Бишкек шаарында Салтанат Саматова атындагы "Жардамга сунган колумду карма" деп аталган сыйлыкка ээ болгон тараптар сыйланды. Бул туурасында анын уюштуруучулары, "Помогать легко" коомдук фондунан билдиришти.

  • Первая леди КР Айгуль Жапарова на церемонии вручения премии имени Салтанат Саматовой Держи мою руку
    Бишкек шаарында Салтанат Саматова атындагы "Жардамга сунган колумду карма" деп аталган сыйлыкка ээ болгон тараптар сыйланды
    © Sputnik / Табылды Кадырбеков
  • Статуэтки премии имени Салтанат Саматовой Держи мою руку
    Аталган фонд жылдын башында Салтанат Саматова атындагы сыйлыкты түптөгөн
    © Sputnik / Табылды Кадырбеков
  • Сегодня, 18 октября в 19.00, состоялось награждение лауреатов и победителей премии имени Салтанат Саматовой Держи мою руку
    Ал Саматованын кыргызстандыктардын жүрөгүндө өзүнүн жардамга кол сунгандыгы, чыгармачылыгы, филантропияга салымын кошкондогунун урматына арналып уюштурулган
    © Sputnik / Табылды Кадырбеков
  • Ведущие на церемонии вручения премии имени Салтанат Саматовой Держи мою руку
    Анын оор илдет менен күрөшүүсү онкологиялык илдетке чалдыккан көптөгөн адамдарды илдетин жашырбай жашап, андан аркы кадамын жасоого, чүнчүп калбоого, ооруну жеңүүгө шыктандырган
    © Sputnik / Табылды Кадырбеков
  • Первая леди КР Айгуль Жапарова на церемонии вручения премии имени Салтанат Саматовой Держи мою руку
    Салтанатты Кыргызстандын биринчи айымы Айгүл Жапарова ачып, Салтанат Саматованын туугандары жана жакындары, фонддун өнөктөштөрү, Кыргызстандагы чет мамлекеттентин элчиликтеринин өкүлдөрү келген.
    © Sputnik / Табылды Кадырбеков
1 / 5
© Sputnik / Табылды Кадырбеков
Бишкек шаарында Салтанат Саматова атындагы "Жардамга сунган колумду карма" деп аталган сыйлыкка ээ болгон тараптар сыйланды

Аталган фонд жылдын башында Салтанат Саматова атындагы сыйлыкты түптөгөн. Ал Саматованын жардамга кол сунгандыгы, чыгармачылыгы, филантропияга салымын кошкондогунун урматына арналып уюштурулган. Анын оор илдет менен күрөшүүсү онкологиялык илдетке чалдыккан көптөгөн адамдарды илдетин жашырбай жашап, андан аркы кадамын жасоого, чүнчүп калбоого, ооруну жеңүүгө шыктандырган.

Сыйлык Кыргызстандагы ракка каршы күрөштө олуттуу салымын кошкон жана өлкөдө кайрымдуулуктун үрөнүн сээп, филантропия маданиятын түптөгөн адамдарга, уюмдарга ыраазылык билдирүү иретинде биринчи ирет тапшырылды.

"Бул - мыкты долбоорлор, демилгелер, онкологиялык ооруга кабылгандар үчүн жеткиликтүү жана сапаттуу медициналык тейлөөнү арттыруу, азыр дарылануудан өтүп жаткандардын жашоосунун деңгээлин көтөрүү максатын көздөө үчүн уюштурулган сыйлык", - деп айтылат маалыматта.

Салтанатты Кыргызстандын биринчи айымы Айгүл Жапарова ачты. Иш-чарага Саматованын туугандары жана жакындары, фонддун өнөктөштөрү, Кыргызстандагы чет мамлекеттин элчиликтеринин өкүлдөрү келген.

"Жакшылык жаса" номинациясына "Ас Сафа борбору" татыды. Ал эми "Персона" номинациясы Ош шаарындагы оор илдетине карабай балдарды дарылоого кайткан Зуура Аттокуровага ыйгарылды. Ал эми "Эч нерсеге моюн бербей" номинациясын стигмага карабай өмүрү үчүн күрөшүп, өзүнүн оорусу тууралуу жеке блогунда жашырбай ачык айтып келе жаткан, үч баланын энеси, каарман айым Жамиля Байгазиевага берилди.

Мындан сырткары, бул иш-чарада ракты алдын алуу жана ал туурасында маалымат берүү боюнча "Жардамга сунган колумду карма" деп аталган маалыматтык кампания башталганы расмий жарыя кылынды.

Салтанат Саматова узакка созулган оорудан улам 2018-жылы 15-августта көз жумган. Ал жети жыл рак илдети менен күрөшкөн. Саматова 46 жашында дүйнө салган. Онкологиялык ооруга кабылган балдарга жардам көрсөтүү максатында "Помогать легко" коомдук фондун негиздегендердин бири болгон.

65
Белгилер:
Кыргызстан, Салтанат Саматова, рак, сыйлык
Тема боюнча
Бишкекте "афганчыларга" сыйлык тапшырылып, гуманитардык жардам берилди. Сүрөт
Тамеки чегип жаткан адам. Архив

Тамекинин түтүнү көзгө кандай зыян келтирерин окумуштуулар аныктап чыкты

91
Гифу университетинин окумуштууларынын айтымында, чылымдын түтүнү тарткандарга эле эмес, алардын жанында тургандардын да көзүнө кесепетин тийгизиши мүмкүн.

БИШКЕК, 18-окт. — Sputnik. Окумуштуулар тамекинин көзгө кандай зыян келтирерин жаңы иликтөөлөрүндө да аныктап чыккан. Бул туурасында Scientific Reports журналы жазган.

Чылымдын көздүн борбордук көрүүсүн камсыздаган фукциясына, глаукома менен катарактанын жаралышына таасирин тийгизери белгилүү. Мунун бардыгы көрүү органынын ички бөлүгүнө: эң ички челине, чечекейине, нервдерине тиешелүү.

Эми фармацевтикалык Гифу университетинин (Япония) окумуштуулары чылым көздүн сыртына, тагыраагы, түстүү челди жана каректи сыртынан каптап турган айнектей тунук челге зыянын тийгизерин аныктап чыгышкан.

"Бул көздүн коргоосуз болгон бөлүгү, көбүнчө айлана-тегеректеги нерселерден, химикаттардан, жарыктан жана инфекциялардан жабыркайт. Чылым чеккендер болжол менен алганда көздүн кургап кеткен синдромуна эки эсе көп кабылат. Көз кызарып жана суюктуксуз болот да, инфекцияларга туруштук бербей калат. Эгерде тамекинин түтүнү жана чылымдын ысыгандагысы айнек челге зыянын кандай тийгизгендигин аныктап алсак, анда аталган бөлүктү кантип ыңгайлуу кылып сактоонун жолун да табат элек", — деп айтып берген илимий изилдөөнүн автору Ватару Оцу.

Изилдөө түтүндүн курамындагы заттар айнек челдин сыртына темирдин улам жыйылып туруп калышына алып келерин, андан улам клеткалар өлөрүн көрсөткөн.

Окумуштуулар мындай зыян тамеки тарткандарга эле эмес, анын жанындагыларга да кесепетин тийгизиши мүмкүндүгүн айтышкан.

91
Белгилер:
Япония, окумуштуулар, чылым, көз, зыян, изилдөө, карек
Тема боюнча
Окумуштуулар чылым чегүүнү таштагандар эмнеге семирип кетерин түшүндүрдү
Психолог кеңсе кызматкерлери үчүн чылымды таштоо эмнеге кыйын экенин айтты
Аламүдүн району төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты

Аламүдүн: суу сактагычтан эркек кишинин сөөгү табылды. Сүрөт

0
(жаңыланган 00:27 19.10.2021)
Куткаруучулар 40-45 жаштагы эркек кишинин сөөгүн каналдан алып чыгып, аны милиция кызматкерлерине өткөрүп беришкен.

БИШКЕК, 19-окт. — Sputnik. Аламүдүн районунун төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты. Бул туурасында ӨКМдин маалымат кызматынан кабарлашты.

Окуя болгон жерге Аламүдүн райондук ӨКБден төрт куткаруучу барган. Алар 40-45 жаштагы эркек кишинин сөөгүн каналдан алып чыгып, милиция кызматкерлерине өткөрүп беришкен.

0
Белгилер:
Кыргызстан, Аламүдүн району, канал, өлүк, куткаруучу
Тема боюнча
Куткаруучулар суудан башка адамды издеп жатып, белгисиз сөөктү алып чыкты. Сүрөт