Кышкы дөңгөлөк. Архивдик сүрөт

Кышкы дөңгөлөктү кантип туура тандоо керек. Эксперттин кеңеши

764
(жаңыланган 11:34 19.09.2021)
Адис автоунаа кандай жолго айдалса, ошого жараша дөңгөлөктү караштыруу зарыл экендигин да кошумчалаган.

БИШКЕК, 19-сен. — Sputnik. Күздүн келиши менен айдап жүргөн автоунаанын дөңгөлөгүн алмаштыруу камы башталат. Адис Константин Епанешников "Прайм" агенттигине аны туура тандоо жана акчаны ашыкча кетирбеш үчүн эмне кылуу керектигин айтып берген.

Алгач дөңгөлөктүн көлөмүнө көңүл коюу керек. Тагыраагы, автокөлүктү өндүргөн компания сунуштаганын гана алуу шарт.

"Айтылгандан бийигин, жапызын, ичкесин алам деп эксперимент кылыштын кереги жок, бул коопсуздукка жана колдонууга өзүнүн таасирин тийгизет. Шина автоунаа менен жолду байланыштырып турган бөлүк экендигин эч качан унутпоо зарыл. Андыктан кышкы дөңгөлөктү абдан дыкаттык менен карап, байкаштырып алуу шарт", — деген эксперт.

Дөңгөлөктүн тикенектүүсү жана тикенеги жогу болот. Ар бир түрдүн өзүнүн артыкчылыгы бар. Анын кайсынысын колдонууну темир тулпарды кайда, кандай жолдо айдай турганыңызга карап анан чечиш керек. Тикенеги барлар жолу жок жерде, карда, тайгалакта жакшы жардамчы, ал эми ачык асфальтта тайгаланышы мүмкүн, буга тикенектеринен улам жерге жакшы отурбашы себеп болушу мүмкүн.

"Тикенексиз дөңгөлөк шаар үчүн ыңгайлуу. Асфальтта кетип бара жатканда ашыкча добуш чыгарбайт, анткен менен тормозду басканда тез токтойт. Башкача айтканда, негизи коопсуздук үчүн баага эмес, анын мүнөздөмөсүнө көбүрөөк көңүл койгон маанилүү", — деген ал.

Буга чейин күз-кышка темир тулпарды даярдоо боюнча адистер айдоочуларга кеңеш берген.

764
Белгилер:
кыш, айдоочу, дөңгөлөк, тандоо, баа, коопсуздук, сапат
Тема боюнча
Бензинди кантип үнөмдөсө болот. Адистин кеңеши
Медицинские работники в палате реанимации и и пациент в палате интенсивной терапии во временном госпитале COVID-19 на ВДНХ в Москве.

Инфекционист: COVID-19дун жаңы штаммдары мурункудан жеңил болбойт

3
(жаңыланган 10:49 28.10.2021)
Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

БИШКЕК, 28-окт. — Sputnik. Коронавирустун "дельта" штаммынын AY.4.2 деп аталган жаңы варианты өтө жугуштуу жана оор формада өтүшү мүмкүн. Бул тууралуу РИА Новости агенттигине инфекционист Андрей Поздняков билдирди.

"Бул "дельта" штаммынын бир түрү болуп жаткандан кийин аны жеңил өтөт жана көп жукпайт деп ойлобошубуз керек. Байкоолорубузга караганда, бул вариантка кабылган бир киши 9 адамга вирус жугузушу мүмкүн. Ал эми "дельта" штаммы өзү бир оорулуудан сегиз адамга жугат. Эң алгачкы Ухань штаммы орто эсеп менен үч кишиге жукчу", — деди Поздняков.

Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

Эске салсак, Улуу Британиядагы Сенгер жана Кембридж окуу жайларынын окумуштуулары "дельта" штаммынын 10-15 пайызга көбүрөөк жуккан AY.4.2 варианты чыкканын айтышкан. Россияда вирустун бул варианты азырынча үч кишиден табылды. Ошол эле учурда адис Россияда коронавируска каршы колдонулуп жаткан вакциналардын күчү AY.4.2 вариантына дагы жетерин билдирүүдө.

Буга чейин Роспотребнадзор мекемесинин адистери изилдөө иштери аягына чыга электигине байланыштуу "дельта" штаммынын жаңы варианты өтө кооптуу деп айтууга эрте экенин билдиришкен.

3
Кыргыз мамлекеттик медициналык академиясынын неврология жана клиникалык генетика кафедрасынын ассистенти Жылдыз Убарик кызы

Убарик кызы: инсультту алдын алуу үчүн акысыз текшерүүдөн өткөрөбүз

12
Кыргыз мамлекеттик медициналык академиясынын неврология жана клиникалык генетика кафедрасынын ассистенти Жылдыз Убарик кызы Бишкекте инсультка каршы күрөшүү боюнча акция өтөрүн айтты.

Дүйнө жүзүндө бир жылда 15-17 миллион киши инсультка чалдыгат. Алардын үчтөн бири оорудан каза болуп калат. Бул тууралуу Жылдыз Убарик кызы Sputnik Кыргызстан радиосунун эфиринде маек куруп жатып билдирди.

Убарик кызы: инсультту алдын алуу үчүн акысыз текшерүүдөн өткөрөбүз

Анын айтымында, инсультту башынан өткөргөн бейтаптардын 70-80 пайызы майып болуп калат.

"2021-жылдын 28-октябрында 11:00дөн 14:00гө чейин Иса Ахунбаев атындагы КММАнын башкы корпусунда "Инсультка каршы күрөшүү күнү" белгиленет. Бул күнү эл инсульттун алдын алуу боюнча невропатологдордон кеңеш алып жана ооруну аныктоо үчүн сурамжылоодон өтүшөт. Борбордун алдыңкы неврологдору профилактикалык текшерүүнү бекер жүргүзүшөт. Шаардыктардын кан басымын өлчөп, кандагы глюкозанын деңгээлин текшеришет жана дене салмагынын индексин аныкташат. Ошондой эле инсульттун өнүгүшүнүн себептери жөнүндө айтып беришет. Андан тышкары, дарыгерлерден кошумча суроолорго жооп алып жана невропатологдордун жеке консультациясынан өтсө болот. Кээ бир адамдар өзүнүн организминдеги өзгөрүүлөрдү билбей калышы мүмкүн. Аталган акция ооруну өз учурунда аныктоого шарт түзөт", — деди Убарик кызы.

Адис инсульттун кесепети өтө оор болорун эскертип, алдын алуу өтө маанилүү экенин кошумчалады.

Эске сала кетсек, 2006-жылдан бери ар бир жылдын 29-октябрында дүйнөдө "Инсультту алдын алуу жана ага каршы күрөшүү күнү" белгиленип келет.

12
Белгилер:
инсульт, акция, алдын алуу, неврология, Жылдыз Убарик кызы
Тема боюнча
Кардиологго токтоосуз кайрылуу керектигинен кабар берген белгилер