Тамак аш. Архив

Жүрөгү ооругандар кандай тамакка басым жасашы керек. Диетологдун кеңеши

229
Адис жүрөк-кан тамыр оорусунан жапа чеккендер биринчи иретте эмне ичип-жеп жаткандыгына көңүл бурушу абдан зарыл экенин эскерткен.

БИШКЕК, 23-сен. — Sputnik. Жүрөк-кан тамыр ооруларына чалдыккандар ден соолугун аксатып албаш үчүн кандай факторлорго көңүл буруусу зарылдыгын диетолог, медицина илимдеринин доктору Михаил Гинзбург айтып берди. Дарыгердин эмнелерди эскерткендигин "Известия" басылмасы жазган.

Доктор жүрөктүн оорусу менен инсульт туура келбеген тамак-ашты жегендиктен да жараларын төмөнкүчө түшүндүргөн.

"Туура эмес тамактанганда кан тамырлардын ичине май туруп калып, ал кандын мээге жетишин жана жалпы эле организмде айланышын начарлатат. Бул — жүрөктүн оорусу менен инсультка алып келүүчү негизги факторлордун бири. Андыктан жүрөк-кан тамыр оорусу менен жапа чеккендер биринчи иретте эмне ичип-жеп жаткандыгына көңүл бурушу абдан зарыл", — деген ал.

Туура келбеген азыктар организмге түшкөндө жогорудагыдай илдети барлардын каны коюуланап кетерин кошумчалаган.

"Булар өтө эле туздуу жана өтө эле таттуу, андан сырткары, куурулган жана майлуу тамак-аштар", — деп санап берген Гинзбург.

Ал эми пайдалуу азыктардын катарына ар кыл мөмөлөрдү, деңиз балыгын, уютулуп жасалган сүт азыктарын, кесек тартылган ундун нанын, гречканы жана сулуну кошкон.

229
Белгилер:
жүрөк, кан тамыр, оору, инсульт, диетолог, кеңеш
Тема боюнча
Дарыгер ичеги рагына себепкер боло турган азыкты атады
Коронавирустан кийин чачты кантип калыбына келтирсе болот? Медиктин кеңеши
Диетолог ачкарын эмнелерди жеп-ичкенге болбой турганын айтты
Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды

Москва: Sputnik радиосунда КМШ журналисттери билимин тереңдетүүдө. Сүрөттөр

12
SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс.

БИШКЕК, 27-окт. — Sputnik. Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды.

  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды
    © Sputnik
  • Заместитель главного редактора Sputnik Андрей Благодыренко (слева) во время очной сессии просветительского проекта SputnikPro для молодых журналистов из стран СНГ в Москве
    Катышуучулардын арасында PRIME (Молдавия), Жетинчи канал (Казакстан), Абхазия мамлекеттик телерадиокомпаниясы (Абхазия), Гомель радиосу (Беларусь), Caspian International Broadcasting Company (Азербайжан), kundemi.kg (Кыргызстан), halva.tj (Тажикстан), erit.am (Армения) ЖМКларынын өкүлдөрү бар
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Sputnik мастер-класстары эки күн өткөрүлмөкчү
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Долбоор 2018-жылдын жаз айларынан башталып, Беларусь, Азербайжан, Армения, Грузия жана Кыргызстандын медиа айдыңында жогорку баага татып келет.
    © Sputnik
1 / 6
© Sputnik
Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды

Катышуучулардын арасында PRIME (Молдавия), Жетинчи канал (Казакстан), Абхазия мамлекеттик телерадиокомпаниясы (Абхазия), Гомель радиосу (Беларусь), Caspian International Broadcasting Company (Азербайжан), kundemi.kg (Кыргызстан), halva.tj (Тажикстан), erit.am (Армения) ЖМКларынын өкүлдөрү бар.

Sputnik мастер-класстары эки күн өткөрүлмөкчү.

"Акыркы учурда универсалдуу журналистика тууралуу көбүрөөк сөз боло баштады. Бир эле киши маек алганды, видео, сүрөт тартканды, түз эфирге чыгууну билиши замандын талабы. Биз өзүбүздүн SputnikPro долбоорубузда журналисттерди ар тараптуу кылганга аракет кылабыз", — деди Sputnik радиосунун башкы редакторунун орун басары Андрей Благодыренко.
Заместитель главного редактора Sputnik Андрей Благодыренко во время очной сессии просветительского проекта SputnikPro для молодых журналистов из стран СНГ в Москве
© Sputnik
Sputnik радиосунун башкы редакторунун орун басары Андрей Благодыренко

Ал эми erit.am порталынын журналисти Яна Шахраманян долбоор тууралуу төмөнкүдөй оюн билдирди.

"Азырынча бизде алгачкы гана лекциялар өтүп жатат. Бирок мен бул жерде өтө зарыл, заманбап нерселерди талкуулап жатканыбызды жакшы түшүндүм. Азыр биз журналист күн сайын башынан өткөрө турган нерселерди кеп кылуудабыз", — деди ал.

SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс. Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт. Долбоор 2018-жылдын жаз айларынан башталып, Беларусь, Азербайжан, Армения, Грузия жана Кыргызстандын медиа айдыңында жогорку баага татып келет.

Sputnik — 32 тилде жарык көргөн мультимедиалык интернет-сайттардан турган эл аралык ири ЖМК. Ал өзүнө дүйнөнүн 90дон ашык шаарларында жана интернетте орус, англис, француз жана башка тилдерде сүйлөгөн радиолорду камтыйт.

Ал эми Sputnik жаңылыктар түрмөгү англис, араб, испан, кытай жана фарс тилдеринде окурмандарга күнү-түнү маалымат жеткирип турат. Sputnik маалымат ресурсунун окурмандарынын саны айына 60 миллиондон ашат. Sputnik China аккаунтунун Sina Weibo социалдык тармагындагы катталуучулардын саны 9 миллиондон ашты. Дүйнө жүзү боюнча Пекинден тарта Монтевидеого чейинки 22 редакциялык борбордо ондогон улуттагы миңден ашык адам эмгектенет. Sputnik "Россия сегодня" медиатобунун курамына кирет. Башкы кеңсеси Москва шаарында.

12
Белгилер:
Sputnik, 'Россия Сегодня' ЭМА, SputnikPro, долбоор
Тема боюнча
SputnikPro долбоору эл аралык IPRA Golden World Awards сыйлыгына татыды
SputnikPro долбоору: дүйнө жүзүндөгү журналисттерге мастер-класс өткөрүлдү
Лампочка. Иллюстративдик сүрөт

Ысык-Көлдө эртең электр кубаты өчө турган айылдар. Тизме

15
"Чыгыш электр" ачык акционердик коому аймактагы өчүрүүлөр оңдоп-түзөө иштерине байланыштуу жасалып жаткандыгын билдирди.

БИШКЕК, 27-окт. — Sputnik. Эртең, 28-октябрда, Ысык-Көл облусунун Жети-Өгүз, Тоң, Ысык-Көл райондорунун кээ бир айылдарында электр кубаты өчүрүлөт. Бул тууралуу "Чыгыш электр" ишканасынан билдирди.

Аймактар:

Жети-Өгүз району:

  • 09:00-17:00 - Ырдык, Конкино, Оргочор, Светлая поляна, Кызыл-Суу айылдары.

Тоң району:

  • 09:00-17:00 - Бөкөнбаев, Кара-Коо айылдары.

Ысык-Көл району:

  • 10:00-14:00 - Григорьевка, Кожояр айылдары.

"Чыгыш электр" ачык акционердик коому кардарлардан оңдоп-түзөөгө байланыштуу убактылуу келтирилген ыңгайсыздык үчүн кечирим сураган.

15
Белгилер:
Кыргызстан, Ысык-Көл облусу, Жети-Өгүз району, Тоң, 'Чыгыш электр', электр кубаты
Тема боюнча
Кар жаайбы? Бир жумага карата аба ырайы
Сом монеталары. Архив

Парламент Салык кодексинин жаңы редакциясын биринчи окууда жактырды

11
(жаңыланган 16:21 27.10.2021)
Документте Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталган.

БИШКЕК, 27-окт. — Sputnik. Жогорку Кеңештин депутаттары Салык кодексинин жаңы редакциясынын долбоорун биринчи окууда жактырды.

Салык боюнча жаңы документти биринчи окуудан өткөрүүгө 80 депутат макулдук берип, каршы чыккандар болгон жок.

Жыйында экономика жана коммерция министри Данияр Амангельдиев баяндама жасап, мыйзам долбоору салык мыйзамдарын заманбап экономикалык шарттарга айкалыштырууга, салыктык жол-жоболорду санариптештирүүгө, ишкердикти жүргүзүүдө бирдей шарт түзүүгө жана көмүскө экономиканы кыскартууга багытталганын белгиледи.

Муну менен катар Google жана башка ушул сыяктуу чет өлкөлүк компаниялардын кызмат көрсөтүүлөрүнө кошумча нарк салыгын киргизүү сунушталууда. Ал эми тигүү, зергерчилик, авиациялык, электробус тармактарында салыктык жеңилдиктер каралган.

11
Белгилер:
салык кодекси, парламент, жактыруу, долбоор
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси