Канттагы Россиянын бириктирилген аскер базасынын кызматкери жардам көрсөтүү учурунда

Канттагы аскер базасы көп балалуу жалгыз бой энеге жардам берди. Сүрөт

78
(жаңыланган 10:09 23.09.2021)
Канттагы Россиянын бириктирилген аскер базасынын кызматкерлери бир топ убакыттан бери аз камсыз болгон бүлөлөргө эле эмес, балдар үйлөрүнө жана реабилитациялык борборлорго колдоо көрсөтүп келет.

БИШКЕК, 23-сен. — Sputnik. Канттагы Россиянын бириктирилген аскер базасынын кызматкерлери Баткен согушунун ардагеринин үй-бүлөсүнө жардам көрсөттү. Бул тууралуу аталган базанын маалымат кызматы кабарлады.

Военнослужащий объединенной российской военной базы в Канте во время оказания гуманитарной помощи семье участника Баткенских событий (1999-2000 годов). 23 сентября 2021 года
© Фото / пресс-служба авиабазы ОДКБ "Кант"
Канттагы Россиянын бириктирилген аскер базасынын кызматкерлери Баткен согушунун ардагеринин үй-бүлөсүнө жардам көрсөттү
"Аскерлер 1999-2000-жылдардагы Баткен окуясынын катышуучусунун турмуштук оор абалда калган үй-бүлөсүнө жардам берди. Аскер мезгилсиз дүйнөдөн кайтканына байланыштуу жубайы Бермет Жакаева жети баласы менен калган. Кенжеси үч жашка чыга элек", — деп айтылат билдирүүдө.

Аскерлер Канттагы Россиянын аскер базасынын Александр Невский храмынын алдындагы "Милосердия" бөлүмүнүн кызматкерлери менен биргеликте үй-бүлөгө азык-түлүк, кийим-кече жана зарыл болгон буюмдарды жеткирип берди.

Канттагы Россиянын бириктирилген аскер базасынын кызматкерлери бир нече жылдан бери аз камсыз болгон бүлөлөргө эле эмес, балдар үйлөрүнө жана реабилитациялык борборлорго колдоо көрсөтүп келет.

78
Белгилер:
Кант, үй-бүлө, жардам
Тема боюнча
Түштүк Кореядагы мигранттар Баткенге тез жардам унааларын белек кылды. Сүрөт
Боом капчыгайында жолдо бараткан унаа. Архив

Таш кулатылат. Боомдун жолу төрт күн бою маал-маалы менен жабылат

26
(жаңыланган 15:24 22.10.2021)
Мындай аракет автоунаа жолуна таш кулап кетүү кооптуулугун алдын алуу максатында жасалып, беш күнгө уланары күтүлүүдө.

БИШКЕК, 22-окт. — Sputnik. 25-29-октябрь күндөрү Бишкек — Нарын — Торугарт унаа жолунун 131-чакырымында (Боом капчыгайы) кулоо коркунучу бар таштар атайылап түшүрүлөт. Бул тууралуу "Кыргыз темир жолу" ишканасынан билдирди.

Иш-чарага тиешелүү күчтөр жана техникалар тартылат. Таш кулатуу иштери күндүзгү саат 9:00дөн 15:00гө чейин жасалып, унаа жолу Жол кыймылы коопсуздугун камсыздоо башкы башкармалыгынын (ЖКККББ) кызматкерлери тарабынан маал-маалы менен жабылып турмакчы.

Унаа жолду тазалоо учурунда транспорт бир тилке менен жүрөт.

"30-40тан ашуун автотранспорт топтолуп калса иштер токтотулуп, жол убактылуу ачылат", — деп айтылат маалыматта.

Мындай аракет автоунаа жолуна таш кулап кетүү кооптуулугун алдын алуу максатында жасалууда.

26
Белгилер:
Боом капчыгайы, Кыргыз темир жолу, таш кулатуу
Тема боюнча
Бишкекте үч көпүрө курулуп жатат. Чоо-жайы

Күнгө чагылышкан алтын күз. Бишкектин көз талдырган видеосу

61
Борбор калаада узаган жума ичинде күн жылуу болду. Аба ырайынын температурасы 19 градуска жетип, шаардыктар кечээ эле жеңил кийинип жүрүшкөн.

Күз келгени бирде ысыса, бирде сууп аба ырайы өзгөрүлмөлүү болууда. Кечээ, 21-октябрда, күн чайыттай ачылып, түркүн түскө боёлгон бак-дарактар шаардын көркүн арттырды.

Бирок жума соңунда аба ырайы сууй түшкөнү менен синоптиктер айдын аягында күн кайра жылый турганын кабарлады.

61
Белгилер:
Бишкек, күз, аба ырайы
Тема боюнча
Гүл жайнаган Бишкекке жааган кар. Шаардын асмандан тартылган видеосу
Министрлер кабинетинин төрагасы Акылбек Жапаров өлкөдөгү банктардын жетекчилери менен жолугушту

Акылбек Жапаров банк жетекчилери менен көмүскө экономиканы талкуулады

33
(жаңыланган 16:14 22.10.2021)
Жолугушууда накталай эмес төлөмдөрдүн үлүшүн жогорулатуу жана экономиканы көмүскөдөн алып чыгуу боюнча сөз болгон.

БИШКЕК, 22-окт. — Sputnik. Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту. Бул тууралуу өкмөттүн маалымат кызматынан кабарлады.

  • Бизнес-завтрак руководителей коммерческих банков с кабинетом министров. 22 октября 2021 года
    Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту
    © Пресс-служба правительства / Алишер Алиев
  • Участники бизнес-завтрака руководителей коммерческих банков с кабинетом министров. 22 октября 2021 года
    Жолугушуунун негизги максаты накталай эмес төлөмдөрдүн жана эсептешүүлөрдүн үлүшүн жогорулатуу болгон
    © Пресс-служба правительства / Алишер Алиев
  • Участники бизнес-завтрака руководителей коммерческих банков с кабинетом министров. 22 октября 2021 года
    Жапаров экономиканы көмүскөдөн алып чыгуу үчүн ачык-айкындуулук керек экендигине токтолгону айтылат
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту

Жолугушуунун негизги максаты накталай эмес төлөмдөрдүн жана эсептешүүлөрдүн үлүшүн жогорулатуу болгон. Жапаров экономиканы көмүскөдөн алып чыгуу үчүн ачык-айкындуулук керек экендигине токтолгону айтылат.

"Эң алдыңкы технологиялар ар дайым банктарда болгон. Биз накталай эмес эсептешүүлөрдүн үлүшүн жогорулатууну стимулдаштыруу иши министрлер кабинетинин карамагында болуусун каалайт элек. Алсак, Казакстанда салыктарды чогултуу банктардын биринин телефондогу тиркемесине жараша жогорулаган. Анда адамдар базардагы азык-түлүктөр үчүн да ал тиркеме аркылуу эсептеше баштады. Банктар жаңы технологияларды киргизүүдө жардам берет деп ишенем. Министрлер кабинетинин алдыга койгон милдеттерине толугу менен жетишүүгө болот", — деген Жапаров.

Министрлер кабинетинин төрагасы банктардын сунушун эске алуу менен накталай эмес эсептешүүлөрдүн үлүшүн жогорулатуу боюнча чаралар кабыл алынарын убадалаган.

33
Белгилер:
коммерциялык банктар, жетекчи, Акылбек Жапаров, көмүскө, экономика
Тема боюнча
Акылбек Жапаров жергиликтүү бийликтин колуна канча акча берерин тизмектеди
Таштандыдан мүлккө чейин. Жапаров аткаминерлердин негизги милдетин атады