Көчөнү жаап турган кайгуул милиция кызматкери. Архив

Айдоочулардын эсине! 26-сентябрда Бишкектин көчөлөрү жабылат. Тизме

602
(жаңыланган 18:00 24.09.2021)
Жолдор эртең менен эрте жабылат. Мэриянын маалыматына караганда, саат 11:00гө чейин четинен ачыла берет.

БИШКЕК, 24-сен. — Sputnik. Бишкекте 26-сентябрда көпчүлүк көчө жабык болот. Бул тууралуу мэриянын маалымат кызматы билдирди.

Бул күнү эл аралык "Ак илбирсти сактайбыз" жарым марафону өтөт.

  • Негизги маршрут (21 чакырым) саат 07:00дөн 10:00гө чейин жабылат:
  • Чүй проспектисинин Манастан Абдрахманов көчөсүнө чейинки бөлүгү;
  • Абдрахманов көчөсүнүн Чүйдөн Иманалиевге чейинки бөлүгү;
  • Иманалиевдин Абдрахмановдон Чыңгыз Айтматовго чейинки бөлүгү;
  • Масалиев көчөсүнүн Абдрахмановдон Чыңгыз Айтматовго чейинки бөлүгү;
  • Чыңгыз Айтматов проспектисинин Иманалиевден Чүй проспектисине чейинки бөлүгү.

Жолдордун эрте жабылышына маршрутка хронометраждын электрондук системасын орнотуу, катышуучуларга тамактануу пунктун уюштуруу иш-чараларынын аткарылышы себеп. Маршрут жалпы жонунан үч саатка жабылат.

Андан соң төмөнкү көчөлөр четинен ачыла баштайт:

  • 07:20 — Чүй проспектисинин Эркиндиктен Абдрахмановго чейинки бөлүгү;
  • 07:28 — Абдрахмановдон Горькийге чейин;
  • 07:43 — Байтик баатырдан Ахунбаевге чейин;
  • 07:55 — Байтик баатырдан Масалиевге чейин;
  • 08:11 — Масалиев көчөсүнүн (түндүк тарабы) Советскийден Чыңгыз Айтматовго чейинки бөлүгү;
  • 08:25 — Байтик баатырдан Иманалиевге чейин;
  • 08:28 — Иманалиевден Чыңгыз Айтматовго чейин;
  • 08:52 — Чыңгыз Айтматовдон Масалиевге чейин (түштүк тарабы);
  • 09:08 — Масалиев көчөсүнүн (түштүк тарабы) Чыңгыз Айтматовдон "Ала-Тоо" ресторанына чейин;
  • 09:22 — Чыңгыз Айтматов проспектисинен Ахунбаевге чейин;
  • 09:35 — Чыңгыз Айтматов проспектисинен Горькийге чейин;
  • 09:46 — Чыңгыз Айтматов проспектисинен Москвага чейин;
  • 09:51 — Айтматов проспектисинен Чүйгө чейин;
  • 09:55 — Чүй проспектисинен Тоголок Молдого чейин;
  • 10:00 — Чүй проспектисинен Панфиловго чейин;
  • 11:00 — Орозбеков көчөсүнүн Чүйдөн Абдымомуновго чейинки бөлүгү, Абдымомуновдун Орозбековдон Раззаковго чейинки бөлүгү, Раззаковдун Абдымомуновдон Чүй проспектисине чейинки бөлүгү.
602
Белгилер:
Бишкек, марафон, ак илбирс, жол
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Кол чатыр көтөрүп баратан жуп. Архив

Ишембиге карата аба ырайы

699
23-октябрда өлкөнүн дыйканчылык аймактарында жаан карга айланып, тоолуу райондордо кар жаайт. Айрым жерлерде батыштан соккон шамалдын ылдамдыгы секундасына 15-20 метрге жетет.

БИШКЕК, 22-окт. — Sputnik. Ишембиде республиканын тоолуу райондорунда жолдорго муз тоңуп, тайгак болот. Бул тууралуу Кыргызгидромет билдирди.

Абанын температурасы Чүй облусунда +6…+11, Талас өрөөнүндө +5…+10, Ош, Жалал-Абад, Баткен аймактарында +9…+14, Ысык-Көлдө +2…+7, Нарында 0…+5 градус болот.

Бишкек жана Ош шаарларында күндүз жаан-чачын күтүлбөйт. Күндүн табы борбордо +9…+11, Ош шаарында +11…+13 градусту көрсөтөт.

699
Белгилер:
аба ырайы, Кыргызстан
Тема боюнча
Күнгө чагылышкан алтын күз. Бишкектин көз талдырган видеосу
Аэропорттогу жүргүнчүлөр. Архив

Россиялыктар арасында бир апталык эс алууда Кыргызстанга келгиси келгендер бар

130
(жаңыланган 23:15 22.10.2021)
Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин дем алыш жарыялаган.

БИШКЕК, 22-окт. — Sputnik. Россиянын саякаттоо сервиси боюнча анализ жүргүзгөн Туту.ру сайты алдыдагы бир апталык деп алышта жарандар кайсы мамлекеттерге көбүрөөк бара турганын жарыялады.

Россиянын жашоочулары 30-октябрдан тарта 7-ноябрга чейин барып келүүнү пландаган алдыңкы 10 мамлекеттин ичинде Кыргызстан дагы бар.

Россиялыктар барууну пландаган өлкөлөрдүн ондугу (эл аралык авиакаттамдарга билет алгандардын жалпы санынан пайыз менен бөлүп көрсөтүлөт):

  • Өзбекстан — 16,6 пайыз;
  • Армения — 14,1;
  • Түркия — 13,5;
  • Кыргызстан — 9,6;
  • Азербайжан — 6,6;
  • Молдова — 6,1;
  • Беларусь — 4,4;
  • Кипр — 3;
  • Казакстан — 2,8;
  • Египет — 1.

Эске салсак, Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин эс алуу жарыялаган. Ошондой эле ал абал жакшырбаса, дем алыштын мөөнөтү узартыларын кошумчалады.

130
Белгилер:
Россия, пандемия, эс алуу, билет, Кыргызстан
Тема боюнча
Россиялыктар коронавирустан улам 30-октябрдан 7-ноябрга чейин эс алмай болду
Москвада коронавирустан улам бир катар чектөөлөр кирди. Тизме
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт