Кыргыз совет тилчиси, улуттук тунгуч лексикограф жана лексиколог, профессор Кусеин Карасаев. Архив

БГУнун алдында белгилүү илимпоз Кусеин Карасаевдин эстелиги ачылат

86
(жаңыланган 10:12 28.09.2021)
Айкелди Кыргыз Республикасынын маданиятына эмгек сиңирген ишмер, скульптор Базарбек Сыдыков жасаган.

БИШКЕК, 27-сен. — Sputnik. Бишкек гуманитардык университетинин алдына коюлган кыргыз совет тилчиси, улуттук тунгуч лексикограф жана лексиколог, профессор Кусеин Карасаевдин эстелиги ачылат. Бул туурасында Маданият, маалымат, спорт жана жаштар саясаты министрлиги билдирди.

Эстеликтин ачылыш аземи 29-октябрда саат 10:00дө башталат. Айкелди Кыргыз Республикасынын маданиятына эмгек сиңирген ишмер, скульптор Базарбек Сыдыков жасаган.

Актриса Айша Карасаева жана филолог Кусеин Карасаев. Архив
© Фото / предоставлено мемориальным музеем им К. Карасаева
Кусеин Карасаев Ысык-Көл облусунун Түп районундагы Кара-Секи (азыркы Токтоян) айылында 1901-жылы 5-январда туулган. 1916-жылы Кытайга качып, беш жылдан кийин кайра мекенине кайтып келген. 1923-жылы Ташкенттеги казак-кыргыз агартуу институтуна окуганы кетип, ал жактан казак тилин өздөштүрөт. Бир жылдан соң "Эркин-Тоо" гезитине жумушка алынып, макалалардын орфографиясын текшерген.

Карасаев кыргызстандык көрүнүктүү илимпоздор менен жакшы мамиледе болуп, Касым Тыныстанов, Ишеналы Арабаев, Базаркул Данияров жана Осмонкул Алиевдер менен көп эмгектерди жасаган.

Анын 60 миң сөздү өзүнө камтыган "Кыргыз тилинин орфографиялык сөздүгү", "Орусча-кыргызча", "Кыргызча-орусча" сөздүгү, "Накыл сөздөр", "Кыргыз тилинин орфографиялык сөздүгү", "Камус наама" аттуу китептери эл арасында "Карасай сөздүк" деп аталып келет. Окумуштуу 16 түрк тилинде жана араб, фарс, немисче эркин сүйлөгөн.

86
Белгилер:
Кусеин Карасаев, эстелик
Тема боюнча
Анкарада алп Манастын эстелиги ачылды. Видео
Кол чатыр көтөрүп баратан жуп. Архив

Ишембиге карата аба ырайы

747
23-октябрда өлкөнүн дыйканчылык аймактарында жаан карга айланып, тоолуу райондордо кар жаайт. Айрым жерлерде батыштан соккон шамалдын ылдамдыгы секундасына 15-20 метрге жетет.

БИШКЕК, 22-окт. — Sputnik. Ишембиде республиканын тоолуу райондорунда жолдорго муз тоңуп, тайгак болот. Бул тууралуу Кыргызгидромет билдирди.

Абанын температурасы Чүй облусунда +6…+11, Талас өрөөнүндө +5…+10, Ош, Жалал-Абад, Баткен аймактарында +9…+14, Ысык-Көлдө +2…+7, Нарында 0…+5 градус болот.

Бишкек жана Ош шаарларында күндүз жаан-чачын күтүлбөйт. Күндүн табы борбордо +9…+11, Ош шаарында +11…+13 градусту көрсөтөт.

747
Белгилер:
аба ырайы, Кыргызстан
Тема боюнча
Күнгө чагылышкан алтын күз. Бишкектин көз талдырган видеосу
Аэропорттогу жүргүнчүлөр. Архив

Россиялыктар арасында бир апталык эс алууда Кыргызстанга келгиси келгендер бар

132
(жаңыланган 23:15 22.10.2021)
Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин дем алыш жарыялаган.

БИШКЕК, 22-окт. — Sputnik. Россиянын саякаттоо сервиси боюнча анализ жүргүзгөн Туту.ру сайты алдыдагы бир апталык деп алышта жарандар кайсы мамлекеттерге көбүрөөк бара турганын жарыялады.

Россиянын жашоочулары 30-октябрдан тарта 7-ноябрга чейин барып келүүнү пландаган алдыңкы 10 мамлекеттин ичинде Кыргызстан дагы бар.

Россиялыктар барууну пландаган өлкөлөрдүн ондугу (эл аралык авиакаттамдарга билет алгандардын жалпы санынан пайыз менен бөлүп көрсөтүлөт):

  • Өзбекстан — 16,6 пайыз;
  • Армения — 14,1;
  • Түркия — 13,5;
  • Кыргызстан — 9,6;
  • Азербайжан — 6,6;
  • Молдова — 6,1;
  • Беларусь — 4,4;
  • Кипр — 3;
  • Казакстан — 2,8;
  • Египет — 1.

Эске салсак, Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин эс алуу жарыялаган. Ошондой эле ал абал жакшырбаса, дем алыштын мөөнөтү узартыларын кошумчалады.

132
Белгилер:
Россия, пандемия, эс алуу, билет, Кыргызстан
Тема боюнча
Россиялыктар коронавирустан улам 30-октябрдан 7-ноябрга чейин эс алмай болду
Москвада коронавирустан улам бир катар чектөөлөр кирди. Тизме
Стамбул шаары, Түркия. Архив

Кыргызстандык жаш режиссёрдун тасмасы эл аралык фестивалда 3-орунга татыды

0
Фестивалга Түркиядан тышкары Кыргызстан, Казакстан, Өзбекстан, Венгрия, Азербайжан, Македония жана Түндүк Кипрдин таланттары катышкан.

БИШКЕК, 23-окт. — Sputnik. Кыргызстандык жаш режиссёр Айкөл Нурланбек уулунун "Мээрман" тасмасы Стамбул шаарында "Түрк дүйнөсүнүн даректүү тасмалары" фестивалында үчүнчү орунга татыды. Бул тууралуу Кинематографты колдоо фондунан кабарлады.

"Буга чейин менин фильмим Кыргызстанда эки фестивалга катышып, бирөөсүндө баш байгени жеңип, экинчисинде "Көрүүчүлөрдүн сүймөнчүгү" болгон. Эми эл аралык сынакта үчүнчү орунду алды. Эгер мен тарткан тасма байгелүү орунга татыса, ушул багытка көңүл коюп, болгон күчүмдү жумшайм деп сөз бергем. Азыр абдан кубанып турам", — деди Нурланбек уулу.

Даректүү тасмалар фестивалы ушуну менен алтынчы жолу уюштурулуп, быйыл "Түрк маданияты жана дүйнөгө түрк көз карашы" деген ураан менен өткөрүлдү.

Фестивалга Түркиядан тышкары Кыргызстан, Казакстан, Өзбекстан, Венгрия, Азербайжан, Македония жана Түндүк Кипрдин таланттары катышкан.

0
Белгилер:
Түркия, тасма, фестиваль, байге, Айкөл Нурланбек уулу
Тема боюнча
Кыргызстандан барган тасма Алматыда "Мыкты фильм" аталды. Видео
Сиз көрдүңүз беле? XXI кылымдагы эң мыкты 100 сериал тизмектелди
Бекболотов: 2,5 жылда миңге жакын эски фильм санариптештирилет