Бейтапты ооруканага алып бараткан дарыгерлер. Архив

Өткөн суткада 59 адамдан COVID табылып, 2 бейтап көз жумду

71
(жаңыланган 09:44 27.09.2021)
Кыргызстандын ооруканаларында 491 киши коронавирустан дарыланып жатат. Андан сырткары, 800дөн ашык бейтап медициналык жардамды үйдөн алууда.

БИШКЕК, 27-сен. — Sputnik. Бир сутка ичинде 59 кишиден коронавирус аныкталып, 64 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 33;
  • Чүй облусу – 9;
  • Нарын облусу – 4;
  • Ысык-Көл облусу – 9;
  • Жалал-Абад облусу – 4.

Ушуну менен оору жуктургандардын жалпы саны 178 317ге жетип, анын ичинен 172 912 бейтап айыкты.

Тилекке каршы, өлкөдө өлүм учурлары токтой элек. Өткөн суткада эки бейтап каза таап, жалпысынан 2 602 киши коронавирустун курмандыгы болду.

Азыркы тапта стационарда 491, ал эми амбулатордук шартта 834 адам дарыланып жатат.

71
Белгилер:
Кыргызстан, коронавирус, оору, статистика
Тема:
Кыргызстандагы коронавирус (130)
Тема боюнча
Министр: өзүнө ишенип вакцина албаган жаштар карыларга оору жугузуп жүрөт
Бишкекте вакцинадан кийин каза болду деген аял. Министр себебин айтты
Уголь на складе угля Таманского терминала навалочных грузов.

Бишкектин жанындагы айланма жолдо көмүрдү кымбаттатып саткандар аныкталды

0
(жаңыланган 17:26 22.10.2021)
12-октябрдан тарта Кыргызстандын аймагында көмүрдүн баасын мамлекет убактылуу жөнгө салып турмай болгон. Ага ылайык бир тонна көмүр 4 400 сомдон ашпашы керек.

БИШКЕК, 22-окт. — Sputnik. Бишкектин төмөнкү жагындагы айланма жолдогу көмүр саткан жайлар текшерилип, сатуучулар бааны көтөрүп салганы аныкталды. Бул тууралуу Монополияга каршы жөнгө салуу мамлекеттик агенттиги кабарлады.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон. Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

Текшерүүгө бир катар мамлекеттик жана муниципалдык органдардын кызматкерлери чыкты.

"Баалар көтөрүлүп кеткенин көрдүк. Сатуучулар бир тоннасына 5 миң сомдон сурап жатыптыр. Монополияга каршы орган эскертүү берди. Көмүр калкка эң кымбат дегенде 4 400, жүктөп берсе 4 500 сомдон сатылышы зарыл", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса, жоопко тартылары айтылды.

 

0
Белгилер:
Бишкек, көмүр, баалар, текшерүү, кымбатчылык
Тема боюнча
Кыргызстандын ар тарабында көмүр канчадан сатылууда? Инфографика
Жакыпов: "Кыргыз көмүр" ишканасынын жеке лабораториясы жок
Акылбек Жапаров Кара-Кечедеги абалды көрүп, тартип керектигин эскертти
Кыз-келиндер күрөшү боюнча дүйнөнүн эки жолку чемпиону Айсулуу Тыныбекова

Алтын күздөгү Айсулуу! Ажары арткан балбан кыздын жаңы сүрөттөрү

26
(жаңыланган 17:25 22.10.2021)
Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот.

БИШКЕК, 22-окт. — Sputnik. Кыз-келиндер күрөшү боюнча дүйнөнүн эки жолку чемпиону Айсулуу Тыныбекова алтын күздүн фонундагы ажайып сүрөттөрү менен Facebook баракчасынан бөлүштү. 

  • Кыз-келиндер күрөшү боюнча дүйнөнүн эки жолку чемпиону Айсулуу Тыныбекова алтын күздүн фонундагы ажайып сүрөттөрү менен Facebook баракчасынан бөлүштү
    © Фото / Гала Бокова
  • Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот
    © Фото / Гала Бокова
1 / 2
© Фото / Гала Бокова
Кыз-келиндер күрөшү боюнча дүйнөнүн эки жолку чемпиону Айсулуу Тыныбекова алтын күздүн фонундагы ажайып сүрөттөрү менен Facebook баракчасынан бөлүштү

Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот.

"№867 кыял орундалды! Алтын күз — сүрөткө түшүү үчүн сонун фон. Бала кезимден бери сары жалбырактардын фонунда фотосессия уюштурууну кыялданчумун. Муну ишке ашырууга кесиптештерим жардам беришти. Дарактар жалбырагынан ажыраганга чейинки учурду өткөрүп жибербеңиз", — деп жазган балбан кыз.

Интернет колдонуучулары спортчу кыздын сүрөттөрүнө суктанган билдирүүлөрдү калтырып, анын постун кайра бөлүшүп жатышат.

26
Белгилер:
Айсулуу Тыныбекова, балбан, спорт, сүрөт, күз
Тема боюнча
Балбан кыздардын аты коюлган үч эм. Айсулуу Тыныбекова төрөт үйүнө барды. Сүрөт