Бишкекте бүгүн катуу шамал болуп, кум менен чаң асманга сапырылды

Шамал Бишкектин чаңын асманга сапырды. Сүрөт

1100
ӨКМ борбор калаада эртең менен жана түштөн кийин ылдамдыгы секундасына 15-20 метрге жете турган шамал болорун эскерткен.

БИШКЕК, 27-сен. — Sputnik. Бишкекте бүгүн катуу шамал болуп, кум менен чаң асманга сапырылды.

  • Парковка на площади Ала-Тоо во время сильного ветра, который поднял в воздух пыль и песок в Бишкеке. 27 сентября 2021 года
    Бишкекте бүгүн катуу шамал болуп, кум менен чаң асманга сапырылды
    © Sputnik / Табылды Кадырбеков
  • Автомобили на площади Ала-Тоо во время сильного ветра, который поднял в воздух пыль и песок в Бишкеке. 27 сентября 2021 года
    Sputnik Кыргызстан агенттигинин сүрөтчүсү боз ала болгон калааны камерага тартып алган
    © Sputnik / Табылды Кадырбеков
  • Вид на небо в Бишкеке во время сильного ветра, который поднял в воздух пыль и песок. 27 сентября 2021 года
    Кадрдан абага чаң көтөрүлгөнүн көрүүгө болот.
    © Sputnik / Табылды Кадырбеков
1 / 3
© Sputnik / Табылды Кадырбеков
Бишкекте бүгүн катуу шамал болуп, кум менен чаң асманга сапырылды

Sputnik Кыргызстан агенттигинин сүрөтчүсү боз ала болгон калааны камерага тартып алган. Кадрдан абага чаң көтөрүлгөнүн көрүүгө болот.

Буга чейин ӨКМдин маалымат кызматы бүгүн эртең менен жана түштөн кийин Бишкек менен Чүйдө катуу шамал болорун эскерткен. Батыштан соккон шамалдын ылдамдыгы секундасына 15-20 метрге жетери белгиленген. Ведомство калаа тургундарын жолдо жүрүүдө сак болууга чакырды.

1100
Белгилер:
Бишкек, шамал, чаң
Тема боюнча
Келерки жуманын этеги жаан-чачындуу болот. Бир жумага карата аба ырайы
Whatsapp логотиби. Архивдик сүрөт

Программист мессенжердеги жазышууну толугу менен кантип өчүрүү керектигин айтты

18
Адистин айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат.

БИШКЕК, 24-окт. — Sputnik. Мессенжердеги маалыматты өчүрүү өтө кыйын, жазышууларды тазалагандан кийин дагы иштеп чыгуучунун серверинде калып калат. Бул тууралуу "Прайм" агенттигине "ИТ-Резерв" компаниясынын директору Павел Мясоедов айтып берди.

Анын айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат. Ал түшүндүргөндөй, жазышууда система билдирүүнү алгач иштеп чыгуучунун инфраструктурасына жиберет, андан кийин гана маектешип жаткан кишиге жөнөтүлөт.

"Жазышууну уюлдук телефондон же башка жактан өчүрүүнүн пайдасы жок. Муну менен аны түп-тамырынан бери өчүрө албайбыз", — деди программист.

Адистин айтымында, маалыматтарды ортомчусуз алмашууга мүмкүн, ал үчүн атайын программаларды көчүрүү керек. Маселен, peer-to-peer протоколдору боюнча иштеген программалар бар.

18
Белгилер:
программист, жазышуу, өчүрүү
Тема боюнча
Facebook өзүнө таандык WhatsApp мессенджериндеги жазышууларды окуйт. Максаты
WhatsApp сүрөт менен видеону сапаттуу жөнөткөнгө мүмкүнчүлүк түзөт
Москва шаары. Архивдик сүрөт

Эртең "Көл" тасмасы Москвада көрсөтүлөт

17
"Көл" — драмалык жанрда Ысык-Көлдө тартылган тасма. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

БИШКЕК, 24-окт. — Sputnik. Эртең, 25-октябрда, Москва шаарында кыргызстандык режиссёрдун "Көл" аттуу кинофильми алгачкы ирет көрсөтүлөт. Бул тууралуу Кинематографты колдоо фондунан кабарлады.

Картина РФтин Кинематографисттер союзунун Кино үйүндө Россиядагы кыргыз кино күндөрүнүн алкагында коюлмакчы.

Кирүү акысыз, каалоочулар бул тиркеме аркылуу каттоодон өтүп коюшу керек.

"Көл" — драмалык жанрда Ысык-Көлдөн тартылган кинокартина. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

Кинонун сценарийин Эрке Жумакматова менен КРдин эмгек сиңирген артисти Эмил Атагелдиев жазган. Башкы ролдорду Артыкпай Сүйүндүков, Болот Тентимишов, Малика Айдабосунова, Айнура Качкынбек кызы, Санжар Өмүрбаев аткарган. Фильм бир катар эл аралык сыйлыктарга көрсөтүлүп, жеңүүчү да болгон.

17
Белгилер:
Москва, 'Көл' тасмасы, бет ачар, маданият, Кыргызстан
Тема боюнча
Россиялык тасмага тартылган кыргызстандык курьерди режиссер издеп жатат. Видео
Кыргызстандан барган тасма Алматыда "Мыкты фильм" аталды. Видео