Баткен облусунун тургуну. Архив

Тажикстандын күч органдары кармаган Кыргызстандын жараны мекенине кайтарылды

173
(жаңыланган 16:00 27.09.2021)
Бүгүн Баткен облусу менен тажик тараптын Согди облусунун башчылары жана Чек ара кызматынын өкүлдөрү жолугуп, окуя боюнча сүйлөшүүлөрдү жүргүзгөн.

БИШКЕК, 27-сен. — Sputnik. Тажикстандын УКМК кызматкерлери кармап кеткен 26 жаштагы Уразбек Мирзоев кыргыз тарапка өткөрүп берилди. Бул тууралуу УКМКнын Чек ара кызматы кабарлады.

Мирзоев Лейлекке "Кулунду" чек ара көзөмөл посту аркылуу кирген. Учурда Кыргызстандын компетенттүү органдары териштирүү иштерин жүргүзүп жатат.

Алдын ала маалымат боюнча, Жаштык айылынын тургуну кечээ, 26-сентябрда, жубайы экөө Тажикстандын маршруттук таксиси менен Жигдалик айылына бара жатканда Худжанд — Канибадам жолунан кармалган.

Мирзоевдин кармалганы тууралуу жубайы Кыргызстандын чек арачыларына кабарлаган.

Бүгүн Кыргызстандын Баткен облусу менен тажик тараптын Согди облусунун башчылары жана Чек ара кызматынын өкүлдөрү жолугушуп, анын натыйжасында Кыргызстандын жараны мекенине кайтарылды.

173
Белгилер:
Кыргызстан, чек ара, Баткен облусу, Лейлек, УКМК, Тажикстан
Тема боюнча
Талибдер Тажикстанга чектеш афгандык Тахар аймагына миңдеген согушкер жиберди
Тажикстан кармап кеткен лейлектик эки окуучу кайтарылды. Окуянын чоо-жайы
Whatsapp логотиби. Архивдик сүрөт

Программист мессенжердеги жазышууну толугу менен кантип өчүрүү керектигин айтты

5
Адистин айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат.

БИШКЕК, 24-окт. — Sputnik. Мессенжердеги маалыматты өчүрүү өтө кыйын, жазышууларды тазалагандан кийин дагы иштеп чыгуучунун серверинде калып калат. Бул тууралуу "Прайм" агенттигине "ИТ-Резерв" компаниясынын директору Павел Мясоедов айтып берди.

Анын айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат. Ал түшүндүргөндөй, жазышууда система билдирүүнү алгач иштеп чыгуучунун инфраструктурасына жиберет, андан кийин гана маектешип жаткан кишиге жөнөтүлөт.

"Жазышууну уюлдук телефондон же башка жактан өчүрүүнүн пайдасы жок. Муну менен аны түп-тамырынан бери өчүрө албайбыз", — деди программист.

Адистин айтымында, маалыматтарды ортомчусуз алмашууга мүмкүн, ал үчүн атайын программаларды көчүрүү керек. Маселен, peer-to-peer протоколдору боюнча иштеген программалар бар.

5
Белгилер:
программист, жазышуу, өчүрүү
Тема боюнча
Facebook өзүнө таандык WhatsApp мессенджериндеги жазышууларды окуйт. Максаты
WhatsApp сүрөт менен видеону сапаттуу жөнөткөнгө мүмкүнчүлүк түзөт
Москва шаары. Архивдик сүрөт

Эртең "Көл" тасмасы Москвада көрсөтүлөт

12
"Көл" — драмалык жанрда Ысык-Көлдө тартылган тасма. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

БИШКЕК, 24-окт. — Sputnik. Эртең, 25-октябрда, Москва шаарында кыргызстандык режиссёрдун "Көл" аттуу кинофильми алгачкы ирет көрсөтүлөт. Бул тууралуу Кинематографты колдоо фондунан кабарлады.

Картина РФтин Кинематографисттер союзунун Кино үйүндө Россиядагы кыргыз кино күндөрүнүн алкагында коюлмакчы.

Кирүү акысыз, каалоочулар бул тиркеме аркылуу каттоодон өтүп коюшу керек.

"Көл" — драмалык жанрда Ысык-Көлдөн тартылган кинокартина. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

Кинонун сценарийин Эрке Жумакматова менен КРдин эмгек сиңирген артисти Эмил Атагелдиев жазган. Башкы ролдорду Артыкпай Сүйүндүков, Болот Тентимишов, Малика Айдабосунова, Айнура Качкынбек кызы, Санжар Өмүрбаев аткарган. Фильм бир катар эл аралык сыйлыктарга көрсөтүлүп, жеңүүчү да болгон.

12
Белгилер:
Москва, 'Көл' тасмасы, бет ачар, маданият, Кыргызстан
Тема боюнча
Россиялык тасмага тартылган кыргызстандык курьерди режиссер издеп жатат. Видео
Кыргызстандан барган тасма Алматыда "Мыкты фильм" аталды. Видео