Куурулган тамак. Иллюстративдик сүрөт

Өмүрдү кыскарта турчу азыктар аталды

315
Ден соолукка бычак деген азыктардын арасында куурулган тамак, ичимдик, кызыл эт бар. Булар кайсы ооруну чакырары да айтылган.

БИШКЕК, 28-сен. — Sputnik. Майо клиникасынын адистери өмүрдү кыскарта турган беш азыкты атады. Алардын тизмеси РИА Новостиге жарыяланды.

Диетолог Кэтрин Зератскинин айтымында, биринчи кезекте кайра иштетилген тамактардан баш тартуу керек. Ушул эле борбордун адиси Лиза Торборг күнүмдүк рациондон кызыл этти кыскартуу зарылдыгына токтолгон.

"Изилдөөлөрдүн биринде кызыл этти тынбай колдонуу жүрөк-кан тамыр оорулары, онкология, анын ичинде жоон ичеги рагына алып келиши мүмкүн экени аныкталган. Сосиска, хотдог, ветчинада туз менен май көп", — деген Торборг.

Майо клиникасынын кардиологу Стефен Копецки куурулган тамак диабеттин экинчи түрү менен жүрөк оорусун чакырарын эскерткен. Ошондой эле курамында кумшекери көп азыкты да азыраак колдонуу сунушталган.

Соңунда дарыгерлер ичимдиктен таптакыр эле баш тартууга чакырышкан. Алардын айтымында, бир эле бокал ичимдик онкология, маселен, ашказан рагына алып келиши ыктымал. Мындан сырткары, ичимдик панкреатит оорусун да пайда кылышы толук мүмкүн.

315
Белгилер:
жүрөк, ичимдик, өмүр, ден соолук, адис, диетолог
Тема боюнча
Уролог Хакимходжаев: импотенцияга чалдыккан эркектерге протез коюп жатабыз
Кишини ток кармайт, оорулардын алдын алат. Адис алмуруттун пайдасын тизмектеди
Жүрөгү ооругандар кандай тамакка басым жасашы керек. Диетологдун кеңеши
Көмүр. Архив

Бишкектин жанындагы айланма жолдо көмүрдү кымбаттатып саткандар аныкталды

5
12-октябрдан тарта Кыргызстандын аймагында көмүрдүн баасын мамлекет убактылуу жөнгө салып турмай болгон. Ага ылайык бир тонна көмүр 4 400 сомдон ашпашы керек.

БИШКЕК, 22-окт. — Sputnik. Бишкектин төмөнкү жагындагы айланма жолдогу көмүр саткан жайлар текшерилип, сатуучулар бааны көтөрүп салганы аныкталды. Бул тууралуу Монополияга каршы жөнгө салуу мамлекеттик агенттиги кабарлады.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон. Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

Текшерүүгө бир катар мамлекеттик жана муниципалдык органдардын кызматкерлери чыкты.

"Баалар көтөрүлүп кеткенин көрдүк. Сатуучулар бир тоннасына 5 миң сомдон сурап жатыптыр. Монополияга каршы орган эскертүү берди. Көмүр калкка эң кымбат дегенде 4 400, жүктөп берсе 4 500 сомдон сатылышы зарыл", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса, жоопко тартылары айтылды.

 

5
Белгилер:
Бишкек, көмүр, баалар, текшерүү, кымбатчылык
Тема боюнча
Кыргызстандын ар тарабында көмүр канчадан сатылууда? Инфографика
Жакыпов: "Кыргыз көмүр" ишканасынын жеке лабораториясы жок
Акылбек Жапаров Кара-Кечедеги абалды көрүп, тартип керектигин эскертти
Кыз-келиндер күрөшү боюнча дүйнөнүн эки жолку чемпиону Айсулуу Тыныбекова

Алтын күздөгү Айсулуу! Ажары арткан балбан кыздын жаңы сүрөттөрү

36
(жаңыланган 17:32 22.10.2021)
Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот.

БИШКЕК, 22-окт. — Sputnik. Кыз-келиндер күрөшү боюнча дүйнөнүн эки жолку чемпиону Айсулуу Тыныбекова алтын күздүн фонундагы ажайып сүрөттөрү менен Facebook баракчасынан бөлүштү. 

© Фото / Гала Бокова
Кыз-келиндер күрөшү боюнча дүйнөнүн эки жолку чемпиону Айсулуу Тыныбекова алтын күздүн фонундагы ажайып сүрөттөрү менен Facebook баракчасынан бөлүштү

Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот.

© Фото / Гала Бокова
Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот
"№867 кыял орундалды! Алтын күз — сүрөткө түшүү үчүн сонун фон. Бала кезимден бери сары жалбырактардын фонунда фотосессия уюштурууну кыялданчумун. Муну ишке ашырууга кесиптештерим жардам беришти. Дарактар жалбырагынан ажыраганга чейинки учурду өткөрүп жибербеңиз", — деп жазган балбан кыз.
© Фото / Гала Бокова
Интернет колдонуучулары спортчу кыздын сүрөттөрүнө суктанган билдирүүлөрдү калтырып, анын постун кайра бөлүшүп жатышат

Интернет колдонуучулары спортчу кыздын сүрөттөрүнө суктанган билдирүүлөрдү калтырып, анын постун кайра бөлүшүп жатышат.

36
Белгилер:
Айсулуу Тыныбекова, балбан, спорт, сүрөт, күз
Тема боюнча
Балбан кыздардын аты коюлган үч эм. Айсулуу Тыныбекова төрөт үйүнө барды. Сүрөт

Сасык тумоону алдын алып жатасызбы?

0
0