Бишкек шаардык кеңештин депутаты Кадыр Атамбаев. Архив

Кадыр Атамбаев Бишкекте жол кире кымбаттаса сотко кайрыларын айтты

285
(жаңыланган 13:20 28.09.2021)
Депутат тарифти көтөрүү мыйзамсыз деп эсептээрин айтып, эгер жогоруласа сотко кайрылууну пландап жатканын билдирди.

БИШКЕК, 28-сен. — Sputnik. Бишкек шаардык кеңештин депутаты Кадыр Атамбаев жол кирени көтөрүүгө каршы чыгып, маршруттук фирмалардын мафиясын текшерүүнү сунуштады.

Ал керектөөчүлөрдүн укугун коргогон "Кыргыз транс көзөмөл" уюмунун маалыматы боюнча бир маршрутканын айдоочусу күнүнө 3-4 миң сом табарын айтты.

"Шаарда 3000дей маршрутка болсо, демек, фирмаларга күн сайын 9 миллион сом түшөт экен. Бирок фирма ээлери салыкты жашырып, чыныгы феодализм менен алектенишет. Бул жерде жооптуу кызматкерлердин коррупциялык иштерин көрүп жатабыз. Фирмалар киреше-чыгашасы тууралуу отчет бербейт экен. Андыктан бул маселени чечпей туруп жол кирени көтөрүү туура эмес. Маршруткачыларды митингге чыгарып коюп, үстүндө мафиянын королдору жашырынып отурат", — деди Атамбаев.

Ошондой эле ал тарифти көтөрүү мыйзамсыз деп эсептээрин айтып, эгер жогоруласа сотко кайрылууну пландап жатканын билдирди. Себеби азыркы анализдер жол кирени кымбаттатууга негиз боло албайт деген пикирин ортого салды.

Учурда Бишкек шаардык кеңешинин депутаттары жол кирени көтөрүү маселесин карап жатат.

285
Белгилер:
маршрутка, жол кире, шаардык кеңеш, Кадыр Атамбаев
Тема боюнча
Бишкекте жол кире үчүн 20 сом талап кылган маршрутка айдоочусуна чара көрүлдү
Бишкек шаардык кеңеши жол кире акысын талкуулап жатат. Сунушталган баалар
Whatsapp логотиби. Архивдик сүрөт

Программист мессенжердеги жазышууну толугу менен кантип өчүрүү керектигин айтты

0
Адистин айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат.

БИШКЕК, 24-окт. — Sputnik. Мессенжердеги маалыматты өчүрүү өтө кыйын, жазышууларды тазалагандан кийин дагы иштеп чыгуучунун серверинде калып калат. Бул тууралуу "Прайм" агенттигине "ИТ-Резерв" компаниясынын директору Павел Мясоедов айтып берди.

Анын айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат. Ал түшүндүргөндөй, жазышууда система билдирүүнү алгач иштеп чыгуучунун инфраструктурасына жиберет, андан кийин гана маектешип жаткан кишиге жөнөтүлөт.

"Жазышууну уюлдук телефондон же башка жактан өчүрүүнүн пайдасы жок. Муну менен аны түп-тамырынан бери өчүрө албайбыз", — деди программист.

Адистин айтымында, маалыматтарды ортомчусуз алмашууга мүмкүн, ал үчүн атайын программаларды көчүрүү керек. Маселен, peer-to-peer протоколдору боюнча иштеген программалар бар.

0
Белгилер:
программист, жазышуу, өчүрүү
Тема боюнча
Facebook өзүнө таандык WhatsApp мессенджериндеги жазышууларды окуйт. Максаты
WhatsApp сүрөт менен видеону сапаттуу жөнөткөнгө мүмкүнчүлүк түзөт
Москва шаары. Архивдик сүрөт

Эртең "Көл" тасмасы Москвада көрсөтүлөт

12
"Көл" — драмалык жанрда Ысык-Көлдө тартылган тасма. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

БИШКЕК, 24-окт. — Sputnik. Эртең, 25-октябрда, Москва шаарында кыргызстандык режиссёрдун "Көл" аттуу кинофильми алгачкы ирет көрсөтүлөт. Бул тууралуу Кинематографты колдоо фондунан кабарлады.

Картина РФтин Кинематографисттер союзунун Кино үйүндө Россиядагы кыргыз кино күндөрүнүн алкагында коюлмакчы.

Кирүү акысыз, каалоочулар бул тиркеме аркылуу каттоодон өтүп коюшу керек.

"Көл" — драмалык жанрда Ысык-Көлдөн тартылган кинокартина. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

Кинонун сценарийин Эрке Жумакматова менен КРдин эмгек сиңирген артисти Эмил Атагелдиев жазган. Башкы ролдорду Артыкпай Сүйүндүков, Болот Тентимишов, Малика Айдабосунова, Айнура Качкынбек кызы, Санжар Өмүрбаев аткарган. Фильм бир катар эл аралык сыйлыктарга көрсөтүлүп, жеңүүчү да болгон.

12
Белгилер:
Москва, 'Көл' тасмасы, бет ачар, маданият, Кыргызстан
Тема боюнча
Россиялык тасмага тартылган кыргызстандык курьерди режиссер издеп жатат. Видео
Кыргызстандан барган тасма Алматыда "Мыкты фильм" аталды. Видео