Бишкекте академик Кусеин Карасаевдин эстелигинин ачылышы

Бишкекте академик Кусеин Карасаевдин эстелиги ачылды. Сүрөт

284
(жаңыланган 13:53 29.09.2021)
Карасаев — тунгуч лексиколог жана лексикограф, ошондой эле кыргыз тилинин куржунун толтурууда талыкпай эмгектенген окумуштуулардын бири.

БИШКЕК, 29-сен. — Sputnik. Борбор калаадагы Бишкек мамлекеттик университетинде (БМУ) чыгаан илимпоз, академик Кусеин Карасаевдин эстелигинин ачылышы болду. Бул туурасында мамлекет башчынын маалымат кызматынан кабарлашты.

Быйыл белгилүү илимпоз, түрколог Кусеин Карасаевдин 120 жылдыгы белгиленүүдө.

На территории Бишкекского государственного университета (БГУ) открыли памятник выдающемуся ученому, академику Кусеину Карасаеву
© Пресс-служба президента КР / Султан Досалиев
Борбор калаадагы Бишкек мамлекеттик университетинде (БМУ) чыгаан илимпоз, академик Кусеин Карасаевдин эстелигинин ачылышы болду

Ачылышта мамлекеттик катчы Чолпонбек Абыкеев президент Садыр Жапаровдун куттуктоосун окуду.

"Кусеин Карасаев — кыргыз элин билим дүйнөсүнө жетелеген адамдардын бири. Карасаев тил куржунун толтурууда талыкпай эмгектенип, советтик мезгилде да, андан соң эгемен мамлекетибиздин шартында да кыргыз тилин өркүндөтүүдө жана байытууда ары жооптуу, ары татаал, ары сыймыктуу миссияны ийгиликтүү аркалап келген", — деп айтылат куттуктоодо.

Анда бул инсандын кыргыз тили менен кошо кыргыз элинин маданиятын сактап калуудагы орду туурасында да белгиленген.

  • На территории Бишкекского государственного университета (БГУ) открыли памятник выдающемуся ученому, академику Кусеину Карасаеву
    Быйыл белгилүү илимпоз, түрколог Кусеин Карасаевдин 120 жылдыгы белгиленүүдө
    © Пресс-служба президента КР / Султан Досалиев
  • Государственный секретарь Чолпонбек Абыкеев на церемонии открытия памятника выдающемуся ученому, академику Кусеину Карасаеву на территории Бишкекского государственного университета
    Ачылышта мамлекеттик катчы Чолпонбек Абыкеев президент Садыр Жапаровдун куттуктоосун окуду
    © Пресс-служба президента КР / Султан Досалиев
  • Книги ученого, академика Кусеина Карасаева
    Анда бул инсандын кыргыз тили менен кошо кыргыз элинин маданиятын сактап калуудагы орду туурасында да белгиленген
    © Пресс-служба президента КР / Султан Досалиев
  • На территории Бишкекского государственного университета (БГУ) открыли памятник выдающемуся ученому, академику Кусеину Карасаеву
    Тилчи, лексиколог, лексикограф Карасаев филология илимдеринин кандидаты, профессор, КР илимине эмгек сиңирген ишмер, I даражадагы "Манас" орденинин кавалери, Эмгек Кызыл Туу орденинин ээси, Касым Тыныстанов атындагы мамлекеттик сыйлыктын лауреаты
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Быйыл белгилүү илимпоз, түрколог Кусеин Карасаевдин 120 жылдыгы белгиленүүдө
"Тарыхыбызда өлкөбүздүн социалдык-экономикалык абалын, маданиятын, билим берүү жана илим тармагын өнүктүрүүдө эбегейсиз чоң салымын кошкон чыгаан инсандарыбыз жашап өткөн. Ушундай улуу адамдардын катарында Кусейин Карасаевдин орду чоң. Академик атабыз кыргыз тили менен кошо кыргыз элинин маданиятын, тарыхын сактап калуу үчүн талыкпай эмгектенип, келечек муунга агартуучулук мурастарын калтырып кетти. Кезинде жалпы элди сабаттуулукка үндөп, кыргыз тилинин абдан бай экендигин далилдеп, аны даңазалоодо бардык күчүн жумшаган улуу окумуштуу-агартуучунун өрнөктүү өмүр жолу менен баа жеткис мурастары мамлекеттүүлүктүн башкы элементи болгон кыргыз тилибиз ар тармакта кеңири колдонулган. Баарлашуунун бай тилине айландыруу жолунда бүгүнкү күндө дагы актуалдуу болуп тургандыгын баса белгилеп кетейин", — деген президент.

Тилчи, лексиколог, лексикограф Карасаев филология илимдеринин кандидаты, профессор, КР илимине эмгек сиңирген ишмер, I даражадагы "Манас" орденинин кавалери, Эмгек Кызыл Туу орденинин ээси, Касым Тыныстанов атындагы мамлекеттик сыйлыктын лауреаты.

Тилчи 16 түрк тилинде жана араб, фарс, немисче эркин сүйлөгөн. "Кыргыз тилинин орфографиялык сөздүгү", "Орусча-кыргызча сөздүк", "Карасай сөздүк" аттуу эмгектердин автору.

Залкар инсан өмүрүнүн акыркы жылдарына чейин илим, чыгармачылык менен алектенип жүрүп 97 жашында көз жумган. Сөөгү Каракол шаарына коюлган.

284
Белгилер:
Кыргызстан, Кусеин Карасаев, эстелик
Тема боюнча
Бишкекте 7 инсандын эстелигине QR код орнотулду. Максаты
1999-жылдагы Баткен окуясынын түштүк региону боюнча аскер бөлүмүнүн жетекчиси, генерал-полковник Абдыгул Чотбаев

Чотбаев: Баткен коогасына катышкан жоокерлердин эрдиги бааланышы керек

6
1999-жылдагы Баткен окуясынын түштүк региону боюнча аскер бөлүмүнүн жетекчиси, генерал-полковник Абдыгул Чотбаев Баткен коогалаңына катышкан жоокерлердин статусу каралышы керектигин айтты.

Баткенчи-жоокерлердин эрдиги бааланып, мамлекет тарабынан ар бирине колдоо көрсөтүлүшү керек. Мындай пикирин Абдыгул Чотбаев Sputnik Кыргызстан радиосунун эфиринде маек куруп жатып билдирди.

Чотбаев: Баткен коогасына катышкан жоокерлердин эрдиги бааланышы керек

Анын айтымында, Баткен окуясына катышкан жоокерлердин статусуна байланышкан маселе согуш жыйынтыкталгандан бери көтөрүлүп, чечилбей келет.

"Баткен согушуна катышкан жоокерлерге статус берүү тууралуу маселе 1999-жылдан бери көтөрүлүп келет. Башында ошол учурдагы өлкө башчысынын жарлыгы менен жоокерлерди колдоо максатында 3000 сомдон берилип турган. Кийинчерээк аны алып салышкан. Бүгүнкү күнгө чейин коогалаңдын катышуучуларынын статусу көтөрүлсүн деп аракет көрүп келебиз. Мисалы, афган согушунун ардагерлери ай сайын 6 миң, майып болгондор 7 миң, каза болгон жоокерлердин ата-энелери миң сомдон мамлекеттен акча алышат. Мекен алдында өзүнүн аскердик милдетин так аткарып, берген антына бекем туруп, ѳлкѳбүздүн эгемендиги үчүн ѳмүрүн берген жоокерлерибиздин эмгеги бааланышы абзел", — деди Чотбаев.

Ошондой эле генерал-полковник учурда Баткен окуясына катышкан жоокерлер болгону киреше салыгынан бошотулганын кошумчалады.

Подкасттын толук вариантын видеодон көрүңүз:

6
Белгилер:
Абдыгул Чотбаев, Баткен окуясы, жоокер, статус, чек ара, согуш
Тема боюнча
Токон Мамытов: чек ара көйгөйүн чечпесе Баткен окуясы кайталанышы мүмкүн
Судьянын балкасы. Иллюстративдик сүрөт

Арбитраждык соттордо Кыргызстандын кызыкчылыгын коргоо боюнча план бекитилди

8
(жаңыланган 12:08 26.10.2021)
Планды ишке ашыруу мамлекетти юрисдикциялык жактан коргоону жакшыртып, арбитраждык доолордун потенциалын төмөндөтөт.

БИШКЕК, 26-окт. — Sputnik. Юстиция министрлиги Эл аралык арбитраждык соттордо мамлекеттин кызыкчылыгын коргоо боюнча иш-аракеттер планын бекитти. Бул тууралуу аталган мекеменин маалымат кызматы билдирди.

Кыргызстанга каршы демилгеленген эл аралык арбитраждык доолордун, анын ичинде "Кумтөр" долбоорунун айланасындагы кырдаалдын алкагында Эл аралык арбитраждык жана башка соттук процесстерде мамлекеттин кызыкчылыгын коргоонун натыйжалуулугун жогорулатуу боюнча, ошондой эле жаңы арбитраждык доолордун мүмкүнчүлүктөрүн төмөндөтүү боюнча мөөнөттүү иш-чаралардын планы бекитилген.

Ал төмөнкүлөрдү камтыйт:

  • Мамлекеттин юрисдикциялык иммунитетин күчөтүүгө басым жасоо менен инвестициялык мыйзамдарды өркүндөтүү;
  • Жергиликтүү же эл аралык юристтердин кызмат көрсөтүүлөрүнүн сапатына баа берүү боюнча инструменттерди киргизүү жана чыгымдардын деңгээлине мониторинг жүргүзүү;
  • Эл аралык юристтер менен иштөө үчүн арбитраждык маселелер боюнча жергиликтүү топ түзүү;
  • Жогорку тобокелчилик топтордогу мамлекеттик органдар жана мамкызматкерлер менен талдоо жана түшүндүрүү иштерин жүргүзүү.
"Планды ишке ашыруу мамлекетибизди юрисдикциялык жактан коргоону жакшыртып, Кыргызстанга каршы арбитраждык доолордун потенциалын төмөндөтөт. Учурда Кыргызстанга каршы демилгеленген бардык арбитраждык процесстердин мазмунуна талдоо башталды. Юридикалык өкүлчүлүктүн натыйжалуулук маселелерин жана сапаттын/чыгашанын мониторинг жүргүзүүнүн механизми изилденүүдө. Ошондой эле жаңы арбитраждык доолор үчүн тобокелдиктерди жараткан же Кыргызстандын соттук позициясынын натыйжалуулугун төмөндөткөн системалык себептер аныкталды", — деп айтылат маалыматта.

Ошондой эле ата мекендик эксперттер тобун түзүү жана эл аралык укук, арбитраждык сот өндүрүшү маселелеринде юрист-практиктердин ата мекендик мектебин өнүктүрүүгө басым жасап, эл аралык консультанттар менен иштешүүнүн жаңы форматын киргизүү пландалып жатканы айтылды.

Мындан тышкары, мамлекеттик органдар үчүн маалыматтык жана тренингдик кампаниялар жүргүзүлмөкчү.

8
Белгилер:
Эл аралык арбитраждык сот, план, бекитүү, Кыргызстан, кызыкчылык, коргоо
Тема боюнча
Жапаров жакырлардын укугун коргогон адвокаттардын айлыгын көтөрүүнү тапшырды