Депутат Тазабек Икрамов. Архив

Тазабек Икрамов эгинге түшкөн мал ээсине айып салуу мыйзамын чыгарууну сунуштады

388
(жаңыланган 18:28 29.09.2021)
Депутат мыйзам долбоорун иштеп чыгуу боюнча министрлер кабинетине протоколдук тапшырма берди.

БИШКЕК, 29-сен. — Sputnik. Жогорку Кеңештин депутаты Тазабек Икрамов эгинге түшкөн малдын ээсине айып пул салуу мыйзамын иштеп чыгууну сунуштады.

Ал учурда элдин негизги көйгөйү ушунда болуп жатканын айтып, эгинин жеп кеткен малдын айынан жарандар бири-бири менен урушуп, өлтүргөнгө чейин барып жатканын айтты.

"Элдин малы эгинге түшүп, алды өлүм менен аяктады. Малдарын чаап жатат, урушуп жатышат. Буларга эч бир мыйзам болбой калды. Эки тарап тең биздин элибиз. Ошондуктан мыйзам менен корголгон чечим чыгарып берели. Мисалы, марттан октябрь айына чейин эгинге малы түшкөн болсо ээсине жылкы үчүн 200, уйга 100, койго 50 сом айып пул салынат деп мыйзам кабыл алып бериңиздер. Учурда элибиз эгинге түшкөн малды өз алдынча камап, бири-бирин өлтүрүп жатышат", — деди Икрамов.

Анын айтымында, эгер бирөө эгинге түшкөн малды камап койсо, ээси барып айып пул төлөп чыгарып кеткидей болушу шарт.

Депутат тийиштүү мыйзам долбоорун иштеп чыгуу боюнча министрлер кабинетине протоколдук тапшырма берди.

388
Белгилер:
Тазабек Икрамов, мал, эгин, айып пул, депутат
Тема боюнча
Депутат: Улуттук банкты башкарчу Бөкөнтаев мурда бир нече кылмышка айыпталган
Тазабек Икрамов Армения менен Азербайжанга бир элчи дайындоого чакырды. Видео
Ашык салмак менен киши. Архив

ДССУ коронавирустан улам адамдардын толуп жатканына тынчсызданууда

4
Эксперт адамдар мурдагыдай шам-шум этпей эле тамакты тое жеп алып жатканын айткан. Карантин маалында үйдө болгондордун тамактануу убактысы да, нормасы да бузулган.

БИШКЕК, 16-окт. — Sputnik. Дүйнөлүк саламаттык сактоо уюму коронавирус инфекциясынын фонунда салмак кошкон адамдар көбөйгөнүн айтып, тынчсыздануусун билдирди. Бул тууралуу эл аралык уюмдун өкүлү Кремлин Викрамасингхе маалымат жыйында айтканын РИА Новости жазды.

ДССУнун инфекциялык ооруларды алдын алуу боюнча Европадагы кеңсесинин башчысы Викрамасингхенин билдиришинче, туура эмес тамактануу толуп кетүүгө гана эмес, коронавирустун өрчүп кетишине да алып келет.

"Азыр бизди тамактануу маселеси тынчсыздандырып жатат. Карантин маалында эл үйдө болду, үйдөн иштеди, анан тамактануунун нормасы менен убактысы бузулду. Мурдагыдай базарга барып жаңы жашылча-жемиш, азык-түлүк ала албай калды", — деген ДССУнун өкүлү.

Ал аралыктан окуган балдар менен өспүрүмдөр да туура эмес тамактанып жатканын белгилеген. Эксперт адамдар кээде мурдагыдай шам-шум этпей эле тое жеп алып жатканын айткан.

4
Белгилер:
Дүйнөлүк саламаттыкты сактоо уюму, коронавирус, тамактануу, салмак
Тема:
Дүйнөгө жайылган коронавирус
Тема боюнча
Дүйнөдө, анын ичинде Борбор Азияда, депрессияга кабылгандар көбөйдү. Изилдөө
Холестеринди жок кыла турган азыктар аталды
Оюн учурунда бала. Архив

Балага акчаны туура колдонгонду кантип үйрөтсө болот? Адистердин кеңеши

16
Психолог балада кичине кезинен эле акча тууралуу негативдүү түшүнүктөр жаралбаш үчүн каржыга байланыштуу көйгөйлөрдү айта бербеш керек деп эсептейт.

БИШКЕК, 16-окт. — Sputnik. Баланы финансылык жактан сабаттуу болууга кантип үйрөтсө болот? Бул тууралуу РИА Новости агенттигине жеке финансыны башкаруу боюнча адис Наталья Смирнова жана психотерапевт Инна Мальцева айтып берди.

Алгач Смирнова финансылык сабаттуулук тууралуу кыскача түшүндүрмө берди.

"Акчаны туура пайдалануу үчүн аны үнөмдөө жолдорун эмес, туура бөлүштүрүүнү билиш керек. Чыгашаны кирешеден ашырбай, жок эле дегенде үч айлык жашоо-тиричиликке запас акча кармаган кишини финансылык сабаттуулуктун базалык эрежелерин билет деп эсептесек болот. Дагы бир маанилүү нерсе, кредит, ипотека же башка береселерге кеткен акча кирешенин 30 пайызынан ашпашы керек", — деди адис.

Ал эми психолог балага акча жөнүндө негативдүү нерселерди кичине кезинде айтпаш керек деп эсептейт.

"Балага акча тууралуу ар бир куракта ар башкача маалымат берүү керек. Мисалы, жаңы айта баштаганда, акча кантип табыларын түшүндүрсө болот. 4-5-класстарда өздөрүнүн үй-бүлөсүнүн кирешеси канча экенин, анын булактарын билсе ашыкча болбойт. Ал эми жогорку класстарда окуп жүргөндө канча акча жетпей турганын, үйдө акчага байланыштуу кандай көйгөйлөр бар экенин ачык айта бергиле. Бирок кичине кезинен эле "акча жок", "жетпейт" деген негативдүү түшүнүктү калыптандырбагыла", — деди Мальцева.

Ошондой эле ал окуучуга жакшы баа алганы же жардам бергени үчүн акча берүү туура эмес экенин айтат. Адистин пикиринде, балага акча ал жөн гана үй-бүлө мүчөсү экени үчүн берилип жатканын түшүндүрүү керек. Ал эми "жетишкендиктери" үчүн ата-энесинен акча алып көнгөн бала кийин дагы ар бир кылган иши үчүн тегеректегилерден бир нерсе күтүп калат.

16
Белгилер:
бала, акча, финансылык сабаттуулук, ата-эне, психология
Тема боюнча
Атаны балдардын тарбиясына кантип аралаштырса болот? Педагогдун кеңеши