Акыйкатчы Токон Мамытов

Акыйкатчы институту "Укук кербени" менен өлкөнү кыдырат

101
Долбоор менен бир айдын ичинде Акыйкатчынын борбордук аппараты республиканын аймактарына барат.

БИШКЕК, 30-сен. — Sputnik. Өлкөнүн Акыйкатчы институту 4-октябрдан тартып Эл аралык адам укуктары күнүнө (10-декабрь) арналган "Укук кербени" долбоорун баштайт. Бул тууралуу Омбудсмендин маалымат кызматы билдирди.

Долбоорго ылайык, бир айдын ичинде борбордук аппараттын жетекчилиги жана өкүлдөрү республиканын аймактарына барат.

Акыйкатчы Токон Мамытов, анын орун басарлары Гүлнара Жамгырчиева жана Альберт Колопов, аппарат жетекчиси Аскат Азарбеков, ошондой эле Акыйкатчы институтунун тармактык бөлүмдөрүнүн башчылары жер-жерлерде жарандарды кабыл алып, анын ичинде активисттер менен жолугушууларды өткөрүшөт.

"Жолугушууларда жарандардын арыз-даты угулат. Ошондой эле тиешелүү юридикалык кеңештер берилет. Мындан тышкары, бийликтин бардык бутактарынын өкүлдөрүн жана прокурорлорду тартуу менен жарандарды кабыл алуу жүргүзүлөт. Акыйкатчы аппаратынын кызматкерлери бул аралыкта республиканын социалдык жана жабык мекемелеринде адам укуктарынын жана эркиндиктеринин сакталышына мониторинг жүргүзүшөт", — деп айтылат билдирүүдө.

Аймактагы жолугушуулар Кыргызстандын региондорунда адам укуктарынын системдүү түрдө бузулушун аныктоого жардам берери белгиленет.

Сапардын жыйынтыгы боюнча өлкөнүн ар бир облусундагы бийлик органдарына аныкталган мыйзам бузуулар боюнча көрсөтмөлөр жана сунуштар жазылган тиешелүү каттар жөнөтүлмөкчү.

"Укук кербени" 2021-жылдын 4-ноябрында жыйынтыкталат.

101
Белгилер:
Кыргызстан, Акыйкатчы институту, долбоор, демилге
Тема боюнча
Юрист: бала 18ге толгондо ата-эне бардык укук, милдеттен бошотулат
Көмүр саткан жайларга рейд жүргүзүлүүдө

Чүйдө көмүр саткан жайларга рейд жүргүзүлүүдө. Сүрөт

17
(жаңыланган 16:57 28.10.2021)
Текшерүүгө Монополияга каршы жөнгө салуу мамлекеттик агенттиги менен Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

БИШКЕК, 28-окт. — Sputnik. Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө. Бул тууралуу Монополияга каршы жөнгө салуу мамлекеттик агенттиги кабарлады.

Рейды по урегулированию цен на уголь на топливных базах и стационарных точках объездной дороги Бишкека и в Сокулукском районе. 28 октября 2021 года
© Фото / пресс-служба ГААР при ПКР
Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө

Текшерүүгө аталган агенттиктен, Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

"Сатуучуларга көмүрдүн баасы көтөрүлбөшү керектиги тууралуу түшүндүрүү иштери жүргүзүлдү", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса жоопко тартылары боюнча эскертүү берилди.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон.

Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

17
Белгилер:
Чүй облусу, Бишкек, көмүр, баа, рейд
Тема боюнча
Бийлик Бишкек менен аймактарда көмүрдүн баасын бекитти. Канчадан ашпаш керек?
Блогер кыз. Иллюстративдик сүрөт

Instagram да, блогер да салык төлөйт. Жаңы кодекске кошулган берене

100
(жаңыланган 17:09 28.10.2021)
Жаңы кодекс ишке кирсе Google, Яндекс, Facebook, Instagram сыяктуу компанияларга, интернет-дүкөндөргө салык салына баштайт.

БИШКЕК, 28-окт. — Sputnik. Сунушталып жаткан Салык кодексинин жаңы редакциясы "Электрондук коммерция чөйрөсүндөгү ишке салык" деген глава менен толукталды. Бул норма интернет аркылуу товар саткан жана кызмат көрсөткөн тармактарга салык салууну жол-жоболоштурат.

Ошондой эле блогерлер да соцтармактан тапкан пайдасынан салык төлөөгө милдеттендирилет. Бул туурасында Электрондук формада кызмат көрсөтүү терминине түшүндүрмө берген 32-берененин 3-бөлүгүндө жазылган.

Салык кызматынын Методология башкармалыгынын башчысы, кодексти иштеп чыгуу тобунун мүчөсү Нурлан Умтулов бул эки топко бөлүнөрүн билдирди.

Google, Яндекс, Facebook, Instagram сыяктуу компаниялар жарнама жана башка кызматтардан киреше таап жатканы үчүн кошумча нарк салыгын (12 пайыздык ставка) төлөйт. Ал эми Кыргызстанда катталган интернет-дүкөндөр үчүн атайын режим киргизилди, алар пайдасынын 2 пайызын салыкка чегерет. Аталган компаниялар Салык кызматына каттоого турууга милдеттүү болот. Ал эми блогерлер сыяктуу соцтармактан акча тапкан жарандар 10 пайыздык ставка менен киреше салыгын төлөйт.

"Учурдагы салык мыйзамдары боюнча деле блогерлер салык төлөшү керек. Себеби алар кызмат көрсөтүү үчүн акча алып, пайда таап жатпайбы. Андыктан блогерлер да милдеттүү. Болбосо жеке ишкер катары катталып бирдиктүү салык (4 пайыздык ставка менен — ред.) төлөшү керек", — деди Жумалиев.

Салык кодексинин долбоорунун маалыматтык негиздемесинде учурда электрондук коммерция чөйрөсүндөгү иштерге салык салууну башкаруу мүмкүн эместиги, колдонуудагы мыйзамдарда салыктын ушул түрү каралбаганы белгиленген.

Жаңы Салык кодексинин долбоору парламентте биринчи окуудан өттү. Аны 2022-жылдын 2-январынан тарта колдонууга чыгаруу пландалууда.

100
Белгилер:
салык кодекси, блогер, электрондук коммерция, интернет-дүкөн
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси