Кыз маршруткага отуруп жатат. Архив

Маршрутканын айдоочусу балалуу келинди түртүп, коляскасын салбай... Видео

218
(жаңыланган 12:17 30.09.2021)
Бишкек мэриясы айдоочуну таап, окуяны териштирерин айтты. Жагымсыз көрүнүш бүгүн, 30-сентябрда, Ахунбаев жана Жунусалиев көчөлөрүнүн кесилишинде болгон.

БИШКЕК, 30-сен. — Sputnik. Бишкек шаарындагы маршруткалардын биринин айдоочусу коляскасы болгон үчүн балалуу аялды салбай жаткан видео тарады.

Видео социалдык тармактарга чыккан.

Кадрдан айдоочу келинди микроавтобуска киргизбей түртүп, ал эми колунда жетелеген кичинекей кыз чырылдап ыйлап жаткандыгын көрүүгө болот. Жерде коляска жатат.

Айдоочу ага коляска сала турган багажы бар маршруткага түшүүсүн айтып жатат. Ал эми аял эшикти улам тарткылап, түшүүгө аракет кылып жатканы видеого түшүп калган.

"Мен салбайм, багажниги бар маршруткага салгыла. Мен бул үчүн көп ызы-чуу тарткам. Кеп төлөгөндө эмес, бекер деле алып кетмекмин, бирок мен бул үчүн ызы-чуу болгом", — дейт ал.

Окуяга күбө болгондор бул жагымсыз окуя Бишкек шаарындагы Ахунбаев жана Жунусалиев көчөлөрүнүн кесилишинде, бүгүн 10:15те болгонун айтышты.

Видеодон №203 каттамдагы, 01 KG 256 ADP мамлекеттик номерлүү маршрутканы көрүүгө болот.

Бишкек мэриясы айдоочуну таап, окуяны териштирерин айтты.

218
Белгилер:
Бишкек, маршрутка, айдоочу, келин, бала, коляска, видео
Тема боюнча
Бишкек шаардык кеңеш коомдук транспорттогу жол киренин баасын көтөрдү
Кадыр Атамбаев Бишкекте жол кире кымбаттаса сотко кайрыларын айтты
Лампочка. Архив

Жума күнү Бишкектин 39 көчөсүндө электр жарыгы өчүрүлөт. Тизме

21
Электриктер тобу турак үйлөрдөгү жабдууларды оңдоо менен алектенишет. Мындан тышкары, трансформатордук көмөк чордондордун ишин карашат.

БИШКЕК, 21-окт. — Sputnik. Жума күнү, 22-октябрда, Бишкектин айрым аймактарында электр энергиясы өчүрүлөт. Бул тууралуу "Түндүк электр" ишканасы билдирди.

Электриктер тобу турак үйлөрдөгү жабдууларды оңдоо менен алектенишет. Мындан тышкары, трансформатордук көмөк чордондордун ишин карашат.

Жарык кайсы аймактарда өчүрүлөт:

  • 9:00дөн 16:00гө чейин — Жал 23 кичи району, Чоң-Арык айылы (Северная, 50 лет победы, Шушенский көчөлөрү) Подольская көчөсүнүн бир бөлүгү;
  • 9:00дөн 17:00гө чейин — Ак-Босого (Чүй 20, Чүй 21, Чүй 41ден Чүй 47ге чейин), Арча-Бешик (Эр-Тайлак, Сулуу-Төр, Сары-Булуң көчөлөрү), Көлмө (Республика, Максат, Мыскал, Кулуев, Ак-Жол көчөлөрү), Ак-Өргө (Гагарин, Каркыра, Кара-Булак көчөлөрү) конуштары. Андан тышкары, Жеңиш көчөсүнүн, Беломорский тар көчөсүнүн айрым жерлеринде, Бейшеналиева көчөсүндөгү №6 үйдө болбойт;
  • 9:30дан 17:00гө чейин — Рухий Мурас конушу (6, 5 жана Горький көчөлөрү), 3-кичи райондогу №16 үй;
  • 9:30дан 19:00гө чейин — Көк-Жар конушу (Шоокум көчөсү, 13а тилкеси), Айтматов, Огонбаев жана Таллин көчөлөрүнүн айрым бөлүктөрү;
  • 9:40тан 14:00гө чейин — Алтын Ордо конушунун нөлүнчү жана экинчи көчөлөрү;
  • 14:00дөн 19:00гө чейин — Алтын Ордо конушу (1, 2 жана Горький көчөлөрү).
21
Белгилер:
Бишкек, электр жарыгы
Тема боюнча
Бишкектин бир районунда 4 күнгө газ өчөт. Себеби
Улгайган аял. Архив

Пенсия менен жөлөк пул 6300 сомдон жогору болот. Президенттин талабы

97
(жаңыланган 18:10 21.10.2021)
Кыргызстанда 1,6 миллион адам жакырчылыкта жашаары аныкталган. Анын ичинен 73,7 пайызы айыл тургундары.

БИШКЕК, 21-окт. — Sputnik. 2023-жылдын 1-январынан тарта кыргызстандыктар пенсия, жөлөк пулду кеминде 6 382 сомдон алышы мүмкүн.

Министрлер кабинетинин төрагасы Акылбек Жапаров республикалык кеңешмеде сүйлөп жатып, президент "пенсия, пособиенин эң азы жашоо минимуму менен барабар болушу керек" деген талап койгонун айтты.

"Ошон үчүн биз киреше бөлүгүн көбөйтүшүбүз керек. Биринчи жардам жакыр жана өтө жакыр жашаган адамдардын жакшы жакка өнүгүүсүнө багытталат. Аймактагы жакыр жашаган адамдардын тагдыры, жетим-жесирлердин ыйы, элдин көз жашы ойлондурушу керек. Жакыр адамдар жылдан жылга азайып, орто жашагандардын катары калыңдап, орто класстагылар байларга кошулушу зарыл", — деди Жапаров.

Ошондой эле ал 2021-жылдын башына карата Кыргызстан калкынын саны 6 637 000 болсо, анын ичинен 1,6 миллион адам жакырчылыкта жашаары аныкталган. Мунун 73,7 пайызы айыл тургундары, басымдуу бөлүгү Жалал-Абад, Нарын жана Баткен облустарында жашайт. Ал эми өтө жакыр жашагандар 59 166 адамды түзгөн.

Белгилей кетсек, жаңы кабыл алынган Конституциянын 44-беренесинин 2-бөлүмүндө "Пенсиялар, социалдык жөлөк пул жана башка социалдык жардам мыйзамда белгиленген жашоо минимумунан кем эмес жашоо деңгээлин камсыз кылууга тийиш" деп жазылган. Бул мыйзам 2023-жылдын 1-январынан тартып күчүнө кирери белгиленген. Демек, 2023-жылы жашоо минимуму канча деп белгиленсе, мамлекет жарандарга андан кем эмес пенсия, пособие берүүгө милдеттендирилет.

Улуттук статистика комитетинин маалыматы боюнча, учурда жашоо минимумунун өлчөмү 6 382,69 сомду түзөт.

97
Белгилер:
Акылбек Жапаров, пенсия, пособие, жакырчылык
Тема боюнча
Акылбек Жапаров жергиликтүү бийликтин колуна канча акча берерин тизмектеди
Бийлик жети миллионунчу кыргызстандык качан төрөлө турганын айтты
Акылбек Жапаров: айыл өкмөттөн келип мага акыл үйрөткөндү токтоткула
Аткаминерлер. Архив

Таштандыдан мүлккө чейин. Жапаров аткаминерлердин негизги милдетин атады

0
(жаңыланган 19:27 21.10.2021)
Мэрлер, акимдер жана айыл өкмөттөрүнүн башчылары өз аймагындагы тазалык жана тартип үчүн жеке жоопкерчилик тартышат.

БИШКЕК, 21-окт. — Sputnik. Министрлер кабинетинин төрагасы Акылбек Жапаров Жергиликтүү республикалык кеңешменин жүрүшүндө бийликтин жакынкы келечектеги артыкчылыктуу милдеттерин белгиледи.

Ал бүгүнкү күндө мал-жандыкты сертификациялоо демилгесин эске салды. Учурда ЕАЭБ өлкөлөрүнө жана башка мамлекеттерге сертификатталбаган бир дагы жүк жөнөтүлбөй турганын белгилеп, Айыл чарба министрлигине малды идентификациялоо процессин 2022-жылдын 2-кварталына чейин жыйынтыктоо тапшырмасын берди.

Ал эми мамлекеттик мүлктү инвентаризациялоо үстүбүздөгү жылдын аягына чейин бүтүп, 2022-жылдын 1-кварталында анын жалпы наркын аныктоо зарылдыгын айтты.

Дагы бир маанилүү тапшырма – мамлекеттик сатып алуулар жөнүндөгү мыйзамды жөнөкөйлөтүү, ал мүмкүн болушунча жалпыга ачык жана ыңгайлуу болушу керек. Бул процесс 2022-жылдын 1-январына чейин жыйынтыкталууга тийиш.

Ошондой эле Жапаров тазалыкты жана тартипти орнотуу керектигин да баса белгиледи.

"Бардык жерде таштандылар, желим баштыктардын калдыктары жатат. Башка өлкөлөрдө, мисалы, Сингапурда адамдар сагызын да жерге таштабайт, бардык көчөлөр таза, жашыл. Мэрлер, акимдер жана айыл өкмөттөрүнүн башчылары аймакта, коомдук жайларда тартип үчүн жеке жоопкерчилик тартышат. Тартипке келтирүү, жашылдандыруу маселелери сиздердин компетенцияңыздарга кирет. Бул маселени чечүү үчүн жазды күтүүнүн кажети жок", — деди министрлер кабинетинин төрагасы.

Жыйынтыгында Жапаров парламенттик шайлоо учурунда административдик ресурсту колдонууга жол берилбестигин, тактап айтканда, үгүт иштерине мугалимдерди, медицина кызматкерлерин жана бюджеттик чөйрөнүн башка өкүлдөрүн тартпоону эске салды.

0
Белгилер:
Акылбек Жапаров, аткаминер, милдет, тапшырма
Тема боюнча
Туризмди өнүктүрүү үчүн укугу кеңири фонд түзүлүп, ага 1 млрд. сом бөлүнөт
Акылбек Жапаров жергиликтүү бийликтин колуна канча акча берерин тизмектеди