Киши чылым чегүү учурунда. Архив

Окумуштуулар чылым чегүүнү таштагандар эмнеге семирип кетерин түшүндүрдү

204
(жаңыланган 13:04 30.09.2021)
Адистер тамекини таштаган адамдардын тамакка болгон табити кандай өзгөрөрүн билүү үчүн эксперимент өткөрүштү.

БИШКЕК, 30-сен. — Sputnik. Илимпоздор жаман адаттарын таштаган чылым чеккендер никотинге болгон кумардын ордун калориялуу тамактар менен толтурууга аракет кылып жатканын аныкташты. Бул тууралуу "Известия" маалымат булагы жазып чыкты.

Изилдөөгө 18 жаштан 75 жашка чейинки ыктыярчылар тартылган. Айрымдарын никотинден баш тартуусун өтүнүшкөн, башкалары дагы деле чылым чегишкен, ал эми үчүнчү топтогулар чекпей тургандар болгон. Адистер алардын тамактануу адаттары кандай өзгөрүп жатканына байкоо салышкан.

"Жүргүзүлгөн тажрыйба тамекини таштагандар көбүнесе майлуу жана тузу көбүрөөк тамакты, ошондой эле майлуу эмес таттуу азыктарды жегиси келгендигин аныктаган. Ошентип, жалпысынан алар тамекини такыр эле тартпагандарга жана чеккендерге караганда 30 пайызга көп калория жешкен", — деп айтылат маалыматта.

Орточо алганда, тамеки таштагандар лабораторияда жүргөндө 457,6 калория керектешкен. Тамеки чеккендер 385,2 жана чылым тартпагандар 351,5 калория өлчөмүндө жешкен.

Окумуштуулардын айтымында, тамекини таштаган адамдар стрессти жеңүү үчүн никотинди кетирүү симптомдорун толтурууда калориялуу тамак-ашка өтүшкөн.

204
Белгилер:
чылым, чегүү, ден соолук, окумуштуулар
Тема боюнча
Чыгып турган курсактан арылуунун жөнөкөй үч жолу. Дарыгердин кеңеши
Көрбөй, укпай каласың! Министрлик тамекинин зыянын эскертти
Ашык салмак менен киши. Архив

ДССУ коронавирустан улам адамдардын толуп жатканына тынчсызданууда

9
Эксперт адамдар мурдагыдай шам-шум этпей эле тамакты тое жеп алып жатканын айткан. Карантин маалында үйдө болгондордун тамактануу убактысы да, нормасы да бузулган.

БИШКЕК, 16-окт. — Sputnik. Дүйнөлүк саламаттык сактоо уюму коронавирус инфекциясынын фонунда салмак кошкон адамдар көбөйгөнүн айтып, тынчсыздануусун билдирди. Бул тууралуу эл аралык уюмдун өкүлү Кремлин Викрамасингхе маалымат жыйында айтканын РИА Новости жазды.

ДССУнун инфекциялык ооруларды алдын алуу боюнча Европадагы кеңсесинин башчысы Викрамасингхенин билдиришинче, туура эмес тамактануу толуп кетүүгө гана эмес, коронавирустун өрчүп кетишине да алып келет.

"Азыр бизди тамактануу маселеси тынчсыздандырып жатат. Карантин маалында эл үйдө болду, үйдөн иштеди, анан тамактануунун нормасы менен убактысы бузулду. Мурдагыдай базарга барып жаңы жашылча-жемиш, азык-түлүк ала албай калды", — деген ДССУнун өкүлү.

Ал аралыктан окуган балдар менен өспүрүмдөр да туура эмес тамактанып жатканын белгилеген. Эксперт адамдар кээде мурдагыдай шам-шум этпей эле тое жеп алып жатканын айткан.

9
Белгилер:
Дүйнөлүк саламаттыкты сактоо уюму, коронавирус, тамактануу, салмак
Тема:
Дүйнөгө жайылган коронавирус
Тема боюнча
Дүйнөдө, анын ичинде Борбор Азияда, депрессияга кабылгандар көбөйдү. Изилдөө
Холестеринди жок кыла турган азыктар аталды
Оюн учурунда бала. Архив

Балага акчаны туура колдонгонду кантип үйрөтсө болот? Адистердин кеңеши

17
Психолог балада кичине кезинен эле акча тууралуу негативдүү түшүнүктөр жаралбаш үчүн каржыга байланыштуу көйгөйлөрдү айта бербеш керек деп эсептейт.

БИШКЕК, 16-окт. — Sputnik. Баланы финансылык жактан сабаттуу болууга кантип үйрөтсө болот? Бул тууралуу РИА Новости агенттигине жеке финансыны башкаруу боюнча адис Наталья Смирнова жана психотерапевт Инна Мальцева айтып берди.

Алгач Смирнова финансылык сабаттуулук тууралуу кыскача түшүндүрмө берди.

"Акчаны туура пайдалануу үчүн аны үнөмдөө жолдорун эмес, туура бөлүштүрүүнү билиш керек. Чыгашаны кирешеден ашырбай, жок эле дегенде үч айлык жашоо-тиричиликке запас акча кармаган кишини финансылык сабаттуулуктун базалык эрежелерин билет деп эсептесек болот. Дагы бир маанилүү нерсе, кредит, ипотека же башка береселерге кеткен акча кирешенин 30 пайызынан ашпашы керек", — деди адис.

Ал эми психолог балага акча жөнүндө негативдүү нерселерди кичине кезинде айтпаш керек деп эсептейт.

"Балага акча тууралуу ар бир куракта ар башкача маалымат берүү керек. Мисалы, жаңы айта баштаганда, акча кантип табыларын түшүндүрсө болот. 4-5-класстарда өздөрүнүн үй-бүлөсүнүн кирешеси канча экенин, анын булактарын билсе ашыкча болбойт. Ал эми жогорку класстарда окуп жүргөндө канча акча жетпей турганын, үйдө акчага байланыштуу кандай көйгөйлөр бар экенин ачык айта бергиле. Бирок кичине кезинен эле "акча жок", "жетпейт" деген негативдүү түшүнүктү калыптандырбагыла", — деди Мальцева.

Ошондой эле ал окуучуга жакшы баа алганы же жардам бергени үчүн акча берүү туура эмес экенин айтат. Адистин пикиринде, балага акча ал жөн гана үй-бүлө мүчөсү экени үчүн берилип жатканын түшүндүрүү керек. Ал эми "жетишкендиктери" үчүн ата-энесинен акча алып көнгөн бала кийин дагы ар бир кылган иши үчүн тегеректегилерден бир нерсе күтүп калат.

17
Белгилер:
бала, акча, финансылык сабаттуулук, ата-эне, психология
Тема боюнча
Атаны балдардын тарбиясына кантип аралаштырса болот? Педагогдун кеңеши