Мамлекет башчы Садыр Жапаров мурда үй-бүлөсү менен жашаган эки кабаттуу үйүн кайтарымсыз негизде Мамлекеттик ипотекалык компаниянын балансына өткөрүп берди

Садыр Жапаров эки кабаттуу үйүн ипотекалык компаниянын балансына өткөрдү. Сүрөт

324
(жаңыланган 19:02 30.09.2021)
Президент коррупция үчүн соттолгондордун конфискацияланган кыймылсыз мүлк, турак жайлары да Мамлекеттик ипотекалык компаниянын балансына которула турганын билдирген.

БИШКЕК, 30-сен. — Sputnik. Мамлекет башчы Садыр Жапаров мурда үй-бүлөсү менен жашаган эки кабаттуу үйүн кайтарымсыз негизде Мамлекеттик ипотекалык компаниянын балансына өткөрүп берди. Бул тууралуу президенттин маалымат кызматы кабарлады.

Билдирмеге караганда, Жапаров турак жайынын документтерин Мамлекеттик ипотекалык компания башкармалыгынын төрайымы Аида Төлөгөновага өзү тапшырып, үйүн көрсөткөн.

  • Дом, переданный на баланс ОАО Государственная ипотечная компания на безвозмездной основе семьей президента Кыргызстана Садыра Жапарова
    Мамлекет башчы Садыр Жапаров мурда үй-бүлөсү менен жашаган эки кабаттуу үйүн кайтарымсыз негизде Мамлекеттик ипотекалык компаниянын балансына өткөрүп берди
    © Пресс-служба президента КР / Султан Досалиев
  • Семья президента Кыргызстана Садыра Жапарова передала на баланс ОАО Государственная ипотечная компания на безвозмездной основе жилой дом, в котором ранее проживал сам глава государства
    Билдирмеге караганда, Жапаров турак жайынын документтерин Мамлекеттик ипотекалык компания башкармалыгынын төрайымы Аида Төлөгөновага өзү тапшырып, үйүн көрсөткөн
    © Пресс-служба президента КР / Султан Досалиев
  • Дом, переданный на баланс ОАО Государственная ипотечная компания на безвозмездной основе семьей президента Кыргызстана Садыра Жапарова
    Президент бул үйдү 2005-жылы эле сатып алышканын айтып, 2010-жылы башка жакка көчүп кеткендиктен, турак жай ошол убактан бери бала бакча катары иштеп келгенин белгилеген
    © Пресс-служба президента КР / Султан Досалиев
  • Дом, переданный на баланс ОАО Государственная ипотечная компания на безвозмездной основе семьей президента Кыргызстана Садыра Жапарова
    Мамлекет башчы үйүн өлкөдө жеке турак жай рыногун жакшыртуу, компаниянын "Менин үйүм — 2021-2026" мамлекеттик программасынын алкагында муктаждарды турак жай менен камсыздоосуна жардам берүү максатында бергенин белгилеген
    © Пресс-служба президента КР / Султан Досалиев
  • Дом, переданный на баланс ОАО Государственная ипотечная компания на безвозмездной основе семьей президента Кыргызстана Садыра Жапарова
    Президент Мамлекеттик ипотекалык компания бул үйдү аукционго койсо, андан түшкөн акчага жеңилдетилген ипотекалык насыялоо программасынын алкагында 10 үй-бүлөнү батир менен камсыз кылууга мүмкүн болорун айткан.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Мамлекет башчы Садыр Жапаров мурда үй-бүлөсү менен жашаган эки кабаттуу үйүн кайтарымсыз негизде Мамлекеттик ипотекалык компаниянын балансына өткөрүп берди

Президент бул үйдү 2005-жылы эле сатып алышканын айтып, 2010-жылы башка жакка көчүп кеткендиктен турак жай ошол убактан бери бала бакча катары иштеп келгенин белгилеген.

Мамлекет башчы үйүн өлкөдө жеке турак жай рыногун жакшыртуу, компаниянын "Менин үйүм — 2021-2026" мамлекеттик программасынын алкагында муктаждарды турак жай менен камсыздоосуна жардам берүү максатында бергенин белгилеген.

"Муну менен биз колунда бар, мүмкүнчүлүгү жетиштүү кыргызстандыктарды чындап муктаж болгондорго жардам берүүгө чакыргыбыз келди. Көп адамдар үй сатып алуу үчүн чет өлкөгө иштегени кетип жатканы баарына маалым. Ошондуктан шарттарды жеңилдетип, бардык жарандар үчүн иштеген ишине карабастан жеткиликтүү кылуу максатында ипотекалык насыя берүү программасын өзгөртүү чечими кабыл алынды", — деген Жапаров.

Президент Мамлекеттик ипотекалык компания бул үйдү аукционго койсо, андан түшкөн акчага жеңилдетилген ипотекалык насыялоо программасынын алкагында 10 үй-бүлөнү батир менен камсыз кылууга мүмкүн болорун айткан.

Жапаров жарандардан келип түшкөн акчалай же кыймылсыз мүлк түрүндөгү бардык жардамдар мамлекеттин көзөмөлүндө экенин айтып, коррупция үчүн соттолгондордун конфискацияланган кыймылсыз мүлк, турак жайлары да Мамлекеттик ипотекалык компаниянын балансына которула турганын белгилеген.

Өз кезегинде Аида Төлөгөнова ипотекалык программага көрсөткөн колдоосу үчүн Жапаровдун үй-бүлөсүнө ыраазылык билдирген.

Белгилей кетсек, "Менин үйүм - 2021-2026" мамлекеттик турак жай программасы 2021-жылдын 16-сентябрында ишке кирген. Жаңы турак жай программасына катышкан жарандар төмөнкү багыттар боюнча ипотекага ээ боло алышат:

  • Жеңилдетилген ипотека – 4 пайыз (мамлекеттик жана бюджеттик чөйрөнүн кызматкерлерине);
  • Жеткиликтүү ипотека - 8 пайыз (жарандардын башка категориялары үчүн).
324
Белгилер:
Садыр Жапаров, Мамлекеттик ипотекалык компания
Тема боюнча
Кокочаров: эми мамкызматкерлер 4% менен 25 жылга ипотека ала алышат
Лампочка. Архивдик сүрөт

Эртең Бишкектин 21 көчөсүндө электр энергиясы болбойт. Тизме

16
Адистер пландалган оңдоп-түзөө иштерин жүргүзүшөрүн, электр кубаты кыска мөөнөткө өчөрүн кабарлашты.

БИШКЕК, 17-окт. — Sputnik. Дүйшөмбү, 18-октябрда, Бишкектин бир катар райондорунда электр энергиясы өчүрүлөрү күтүлүп жатат. Бул туурасында "Түндүк электр" ишканасынан кабарлашты.

Бригадалар эл жашаган үйлөрдөгү тийиштүү тармактарды техникалык кароодон өткөрүп, зарылдыгы болгон жерлерде трансформаторлорду алмаштырары айтылды.

Төмөнкү сааттарда жана төмөнкү аймактарда электр кубаты өчүрүлөт:

  • 8:00 - 17:00 — Проскуряков көчөсүнүн тилкесинде;
  • 9:00 - 17:00 — Токтоналиев көчөсүндөгү № 54 үйдө;
  • 9:00 - 18:00 — Дэн Сяопин проспектинин, Месарош, 9-январь, Орозов, Жамгырчинов, Кайназарова көчөлөрүнүн, Гатчинск кууш көчөсүнүн тилкелеринде, Арча-Бешик ( Чатыр-Көл көч.), Ак-Босого ( Чүй 16-21, 31-34, 39-41, Түлөбердев көч.) конуштарында;
  • 9:30 - 12:00 — Ала-Тоо, Жукеев-Пудовкин, Медеров, Карасаев көчөлөрүнүн, Гвардия, Кокан, Вишнев  кууш көчөлөрүнүн тилкелеринде;
  • 9:30 - 16:00 — 5-кичи райондо (№ 59-61, 63 үйлөр);
  • 9:30 - 17:00 — 3-кичи райондо (№ 25 үйдө);
  • 9:30 - 19:00 — Элебесов көчөсүнүн, Дорожный чолок көчөсүнүн тилкелеринде жана Кайыңды конушунда;
  • 14:00 -17:00 — "Ала-Арча" мамлекеттик резиденциясында.
16
Белгилер:
Кыргызстан, Бишкек, электр кубаты, өчүрүү
Тема боюнча
Жаан жаабайбы? Бир жумага карата аба ырайы
 Лев Толстой көчөсү. Архивдик сүрөт

Иш бүтө элек. Лев Толстой көчөсүнүн бир бөлүгү эртең да жабык болот

16
(жаңыланган 16:41 17.10.2021)
Жол бүгүн ачылышы керек болчу. Бирок мэрия автоунаалардын көптүгүнөн улам жолду жабуу көп убакытты талап кылганын жана иш дагы көп экенин айтты.

БИШКЕК, 17-окт. — Sputnik. Лев Толстой көчөсүнүн бир бөлүгү дагы бир күн жабык болот. Бул тууралуу мэриянын маалымат кызматы кабарлады.

Муниципалитет буга чейин Лев Толстой көчөсүнүн 7-апрелден Достоевский көчөсүнө чейинки бөлүгү 14-октябрдан 17-октябрга чейин жабыларын айткан. Көчөдөгү кыймыл жолдогу кемчиликтерди жоюу үчүн убактылуу токтотулган. 

Схема ремонта улицы Льва Толстого в Бишкеке
© пресс-служба мэрии города Бишкек
Лев Толстой көчөсүндө болуп аткан оңдоо иштери
"14-октябрда автоунаалардын көптүгүнөн улам жолду жабуу узак убакытты талап кылган. Ошондой эле иштин көптүгүнөн жумуш бүтпөй жатат", — деп айтылат маалыматта.

Муниципалитет ыңгайсыздык үчүн кечирим сурап, айдоочулардан каттамды алдын ала пландап алууну өтүндү.

Лев Толстой көчөсү 2020-жылдын октябрь айында реконструкцияланган. Бирок кепилдик мөөнөтү бүтө электигине байланыштуу подрядчы компания аны өз эсебинен кайра оңдоп берет.

16
Белгилер:
Бишкек, Лев Толстой көчөсү, көчө, жабуу, реконструкция
Тема боюнча
Бишкектин конуштарында курулуп жаткан объектилердин картасы пайда болду