Балалуу аял. Архив

Мэрия балалуу аялды албай кеткен айдоочу менен маршруттук фирмага айып салды

529
(жаңыланган 13:15 01.10.2021)
Мэрия коомдук транспорт айдагандарды жүргүнчүлөргө сылык болууга, жол эрежелерин сактоого, салонун таза кармоого чакырат.

БИШКЕК, 1-окт. — Sputnik. Бишкек шаардык автотранспорт башкармалыгынын агенттиги балалуу аялды салбай кеткен маршрутканын айдоочусу менен ал иштеген фирмага айып салынды. Бул туурасында Бишкек шаардык мэрия билдирди.

Маалыматка ылайык, "Совет бригады" маршруттук фирмасынын жетекчисине 13 миң сом, ал эми айдоочуга 11,5 миң сом айып пул салуу протоколу толтурулган. Ошондой эле тараптар чакыртылып окуянын чоо-жайы териштирилгени белгиленет.

Компаниянын жетекчилигине жүргүнчүлөргө кызмат көрсөтүү боюнча айдоочуларга түшүндүрүү иштерин жүргүзүү тапшырмасын берген.

Мэрия коомдук транспорт айдагандарды жүргүнчүлөргө сылык болууга, жол эрежелерин сактоого, салонун таза кармоого чакырат. Бул талаптар аткарылбаса чара көрүүгө аргасыз болорун эскертти.

Эскерте кетсек, Бишкек шаарындагы маршруткалардын биринин айдоочусу коляскасы болгон үчүн балалуу аялды салбай жаткан видео тараган. Айдоочу ага коляска сала турган багажы бар маршруткага түшүүсүн айтып жатат. Ал эми аял эшикти улам тарткылап, түшүүгө аракет кылып жатканы тартылып калган.

529
Белгилер:
Бишкек, транспорт, айдоочу, айып пул
Тема боюнча
Маршрутка айдоочусу иштен алынып, балалуу аялды эмнеге салбай койгонун түшүндүрдү

Чүйдө көмүр саткан жайларга рейд жүргүзүлүүдө. Сүрөт

0
Текшерүүгө Монополияга каршы жөнгө салуу мамлекеттик агенттиги менен Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

БИШКЕК, 28-окт. — Sputnik. Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө. Бул тууралуу Монополияга каршы жөнгө салуу мамлекеттик агенттиги кабарлады.

Текшерүүгө аталган агенттиктен, Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

"Сатуучуларга көмүрдүн баасы көтөрүлбөшү керектиги тууралуу түшүндүрүү иштери жүргүзүлдү", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса жоопко тартылары боюнча эскертүү берилди.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон. https://sputnik.kg/economy/20211012/1054200042/komurdun-baasy-90-kunduk-zhongo-saluu.html

Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

Теги: Чүй Бишкек көмүр баа рейд

Инж: https://sputnik.kg/society/20211019/1054278245/komurdun-bekitilgen-baasy.html

0
Сом купюралары жана моенаталары. Иллюстративдик сүрөт

Instagram да, блогер да салык төлөйт. Жаңы кодекске кошулган берене

52
(жаңыланган 16:36 28.10.2021)
Жаңы кодекс ишке кирсе Google, Яндекс, Facebook, Instagram сыяктуу компанияларга, интернет-дүкөндөргө салык салына баштайт.

БИШКЕК, 28-окт. — Sputnik. Сунушталып жаткан Салык кодексинин жаңы редакциясы "Электрондук коммерция чөйрөсүндөгү ишке салык" деген глава менен толукталды. Бул норма интернет аркылуу товар саткан жана кызмат көрсөткөн тармактарга салык салууну жол-жоболоштурат.

Ошондой эле блогерлер да соцтармактан тапкан пайдасынан салык төлөөгө милдеттендирилет. Бул туурасында Электрондук формада кызмат көрсөтүү терминине түшүндүрмө берген 32-берененин 3-бөлүгүндө жазылган.

Салык кызматынын Методология башкармалыгынын башчысы, кодексти иштеп чыгуу тобунун мүчөсү Нурлан Умтулов бул эки топко бөлүнөрүн билдирди.

Google, Яндекс, Facebook, Instagram сыяктуу компаниялар жарнама жана башка кызматтардан киреше таап жатканы үчүн кошумча нарк салыгын (12 пайыздык ставка) төлөйт. Ал эми Кыргызстанда катталган интернет-дүкөндөр үчүн атайын режим киргизилди, алар пайдасынын 2 пайызын салыкка чегерет. Аталган компаниялар Салык кызматына каттоого турууга милдеттүү болот. Ал эми блогерлер сыяктуу соцтармактан акча тапкан жарандар 10 пайыздык ставка менен киреше салыгын төлөйт.

"Учурдагы салык мыйзамдары боюнча деле блогерлер салык төлөшү керек. Себеби алар кызмат көрсөтүү үчүн акча алып, пайда таап жатпайбы. Андыктан блогерлер да милдеттүү. Болбосо жеке ишкер катары катталып бирдиктүү салык (4 пайыздык ставка менен — ред.) төлөшү керек", — деди Жумалиев.

Салык кодексинин долбоорунун маалыматтык негиздемесинде учурда электрондук коммерция чөйрөсүндөгү иштерге салык салууну башкаруу мүмкүн эместиги, колдонуудагы мыйзамдарда салыктын ушул түрү каралбаганы белгиленген.

Жаңы Салык кодексинин долбоору парламентте биринчи окуудан өттү. Аны 2022-жылдын 2-январынан тарта колдонууга чыгаруу пландалууда.

52
Белгилер:
салык кодекси, блогер, электрондук коммерция, интернет-дүкөн
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси