Дубайдагы Expo-2020 жарманкеси

Sputnik Кыргызстандын долбоорлору Дубайдагы Expo-2020 жарманкесинде көрсөтүлүүдө

103
(жаңыланган 20:25 15.10.2021)
Бириккен Араб Эмирлигинин Дубай шаарында Expo-2020 жарманкеси ачылды. Анда Кыргызстанга берилген эки кабаттуу павильондо 182 күн бою конокторду кабыл алууга болот.

БИШКЕК, 1-окт. — Sputnik. Sputnik Кыргызстан маалымат агенттиги жана радиосунун улуттук баалуулуктар тууралуу долбоорлору Дубай шаарында ачылган Expo-2020 жарманкесинде көрсөтүлүүдө. Иш-чарага 180 мамлекет жана эл аралык уюмдар катышууда.

"Улуттук баш кииймдер", "Улуттук кийимдер" фотодолбоорлорун Кыргызстандын павильонунда орнотулган экрандардан көрүүгө болот.

Алты ай бою каалоочулар Кыргызстандын павильонунан көчмөн элдин каада-салды, маданияты менен таанышып, тиричилик буюмдарын кармап көрүп, заманбап технологиянын жардамы менен виртуалдык турга бара алышат.

  • Люди во время просмотра национальных проектов ИА и радио Sputnik Кыргызстан, представленных на всемирной выставке Expo-2020 в Дубае
    Sputnik Кыргызстан маалымат агенттиги жана радиосунун улуттук баалуулуктар тууралуу долбоорлору Дубай шаарында ачылган Expo-2020 жарманкесинде көрсөтүлүүдө
    © Фото / ТПП КР / Бермет Мукамбетова
  • Люди во время просмотра национальных проектов ИА и радио Sputnik Кыргызстан, представленных на всемирной выставке Expo-2020 в Дубае
    Иш-чарага 180 мамлекет жана эл аралык уюмдар катышууда
    © Фото / ТПП КР / Бермет Мукамбетова
  • Люди во время просмотра национальных проектов ИА и радио Sputnik Кыргызстан, представленных на всемирной выставке Expo-2020 в Дубае
    "Улуттук баш кииймдер", "Улуттук кийимдер" фотодолбоорлорун Кыргызстандын павильонунда орнотулган экрандардан көрүүгө болот
    © Фото / ТПП КР / Бермет Мукамбетова
1 / 3
© Фото / ТПП КР / Бермет Мукамбетова
Sputnik Кыргызстан маалымат агенттиги жана радиосунун улуттук баалуулуктар тууралуу долбоорлору Дубай шаарында ачылган Expo-2020 жарманкесинде көрсөтүлүүдө

Ошондой эле катышуучулар кыргызстандык компаниялардын кургап кеткен жерлерди сугаруу боюнча инновациялык чечимдерин, өндүрүүчүлөрдүн экспортко чыгарган товарларын көрүшөт.

Национальные проекты информационного агентства и радио Sputnik Кыргызстан представлены на всемирной выставке Expo-2020 в Дубае
© Фото / Бусажида Касымбекова
Алты ай бою каалоочулар Кыргызстандын павильонунан көчмөн элдин каада-салды, маданияты менен таанышып, тиричилик буюмдарын кармап көрүп, заманбап технологиянын жардамы менен виртуалдык турга бара алышат

14-декабрь күнү жарманкенин алкагында Кыргызстандын күнү белгиленет. Ага мамлекеттин расмий  өкүлдөрү катышып, кыргыз-араб бизнес-форуму, туристтик форум жана концерттик программа уюштурулат.

Люди во время просмотра национальных проектов ИА и радио Sputnik Кыргызстан, представленных на всемирной выставке Expo-2020 в Дубае
© Фото / ТПП КР / Бермет Мукамбетова
Ошондой эле катышуучулар кыргызстандык компаниялардын кургап кеткен жерлерди сугаруу боюнча инновациялык чечимдерин, өндүрүүчүлөрдүн экспортко чыгарган товарларын көрүшөт

Экспозиция Соода-өнөр жай палатасы, Маданият, маалымат, спорт жана жаштар саясаты министрлиги, Sputnik Кыргызстан маалымат агенттиги жана Япониянын эл аралык кызматташтык боюнча JICA агенттигинин колдоосунда уюштурулду.

Sputnik Кыргызстан өлкөдө 2014-жылдын декабрынын тарта иштей баштаган. Агенттик өзүнө кыргыз жана орус тилдериндеги маалымат порталын, радиону жана заманбап мультимедиалык маалымат борборун камтыйт. Sputnik Кыргызстан маалымат порталы өлкөдөгү интернет ЖМКларынын ичинен алдыңкы саптарда турат.

Sputnik Кыргызстан — ондогон мамлекеттерге жайылган эл аралык маалымат агенттиги жана радиосунун бир бөлүгү. Sputnik дүйнө жүзү боюнча 30дан ашык тилде маалыматтарды жеткирет. Өзүнө аналогдук жана санариптик радиоберүүлөрдү, мобилдик тиркемелерди, социалдык тармактардагы баракчаларды камтыйт. Колдонуучулар үчүн Sputnik күнү-түнү англис, араб, испан жана кытай тилдеринде маалымат берет.

103
Белгилер:
Дубай, Sputnik Кыргызстан, өнөктөштөр, маалымат
Тема боюнча
Ош — Стамбул — Ош түз аба каттамы 8 жылдан кийин жанданды
Москва шаары. Архивдик сүрөт

Эртең "Көл" тасмасы Москвада көрсөтүлөт

5
"Көл" — драмалык жанрда Ысык-Көлдө тартылган тасма. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

БИШКЕК, 24-окт. — Sputnik. Эртең, 25-октябрда, Москва шаарында кыргызстандык режиссёрдун "Көл" аттуу кинофильми алгачкы ирет көрсөтүлөт. Бул тууралуу Кинематографты колдоо фондунан кабарлады.

Картина РФтин Кинематографисттер союзунун Кино үйүндө Россиядагы кыргыз кино күндөрүнүн алкагында коюлмакчы.

Кирүү акысыз, каалоочулар бул тиркеме аркылуу каттоодон өтүп коюшу керек.

"Көл" — драмалык жанрда Ысык-Көлдөн тартылган кинокартина. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

Кинонун сценарийин Эрке Жумакматова менен КРдин эмгек сиңирген артисти Эмил Атагелдиев жазган. Башкы ролдорду Артыкпай Сүйүндүков, Болот Тентимишов, Малика Айдабосунова, Айнура Качкынбек кызы, Санжар Өмүрбаев аткарган. Фильм бир катар эл аралык сыйлыктарга көрсөтүлүп, жеңүүчү да болгон.

5
Белгилер:
Москва, 'Көл' тасмасы, бет ачар, маданият, Кыргызстан
Тема боюнча
Россиялык тасмага тартылган кыргызстандык курьерди режиссер издеп жатат. Видео
Кыргызстандан барган тасма Алматыда "Мыкты фильм" аталды. Видео
Газпром. Архивдик сүрөт

Молдова карызын төлөбөсө, "Газпром" көгүлтүр от бербестигин айтты

110
(жаңыланган 22:50 23.10.2021)
"Газпром" өкүлү бул жерде эч кандай саясат жоктугун, каатчылыкты Молдова бийлиги өз колу менен жасап жатканын айткан.

БИШКЕК 23-окт. – Sputnik. Молдовадагы көгүлтүр от боюнча кыйын кырдаал республика жетекчилигинин күнөөсүнөн улам жаралды, алардын карызы 433 миллион долларга чыкты. Бул тууралуу "Газпромдун" расмий өкүлү Сергей Куприянов билдирди.

"Учурда Россия газын Молдовага берүү боюнча бир топ кыйын абал түзүлүп калды. Күнөө толугу менен Молдова бийлигинде. Кеп Молдова тараптын көгүлтүр от үчүн төлөбөй келе жатып, андан жаралган кризиси туурасында болууда", — деди ал.

Куприянов республиканын буга чейин жаккан газы боюнча карызы топтолуп калгандыгын айтты.

"Азыр карыздын өзү 433 миллион доллар, ал эми мөөнөтү өтүп кеткен төлөмдөрү менен биргеликте алганда жалпы сумма 709 миллион долларга чыгып кетти. Бирок Молдова тарап топтолуп калган карызын мойнуна алгысы келбей жатат. Аталган өлкөнүн өкүлдөрүнө бул жерде баанын кантип коюлганы түшүнүктүү жана ачык болуп турса да көгүлтүр оттун наркы эмнегедир жакпай жатат", — деп кошумчалаган ал.

Куприянов "Газпром" карызды толук төлөсө Молдова менен келишимди узартууга даяр экендигин билдирген.

"Карызы топтолуп калгандыгына карабай Молдова тарап көгүлтүр отту берүүнү быйылкы жылдын октябрь, ноябрына чейин узартууну суранып жатышат. Бул жерде да "Газпром" түшүнүүчүлүк кылып жатат. Эгерде Молдова тарап сентябрь жана октябрдын акчасын төлөп берсе, октябрга чейин уланткан келишимди ноябрда да созууга даяр", — деди ал.

Бирок муну менен Куприянов "эгерде карыз толугу менен төлөнбөсө, жаңы келишим 1-декабрдан тарта түзүлбөйт. Анда "Газпром" көгүлтүр от менен камсыздоосун токтоторун" белгиледи.

"Бул жерде эч кандай саясат жок. "Газпром" – акционердик коом, ал чыгымга иштей албайт жана РФтин бюджетине төлөнүүчү салыктардын жок болушуна жол бербейт. Чыдоонун да чеги болот. Молдова каатчылыкты өз колу менен жасап жатат", — деген ал.

Куприянов "Газпром" Молдова бийлигинин мойнунда Россиянын көгүлтүр оту үчүн карыз илинип турган "Молдова-газ" ишканасын толугу менен жоюп салуу туурасындагы ниетин түшүнбөгөндүгүн айтты.

Ал "алган товардын акчасын өз учурунда төлөп бериши керектигин" кошумчалаган.

110
Белгилер:
келишим, карыз, Россия, Молдова, Газпром
Тема боюнча
Путин Украина аркылуу өткөн газдын транзит милдеттенмелерин сактоого сөз берди
Мэрия: жакынкы эки жылда Бишкектин мектептери газ менен жылытууга өткөрүлөт