Октябрь окуяларынын катушуучулары. Архив

Кыргызстан төртүнчү революцияны көтөрө албайт. Шайлоодон кийинки болжолдор

739
(жаңыланган 17:01 01.10.2021)
Эксперттин пикиринде, Кыргызстанда жагымсыз шайлоо өтүүдө, бул тышкы факторлорго да, ички факторлорго да байланыштуу.

БИШКЕК, 1-окт. — Sputnik. Коопсуздук жаатындагы адис Таалайбек Жумадылов Кыргызстандагы парламенттик шайлоо алдындагы коомдук-саясий абалга талдоо жүргүздү. Ал "Кыргызстандагы парламенттик шайлоо алдында саясий процесске тышкы факторлордун таасири" аталыштагы тегерек столдо сүйлөдү.

Иш-чараны КРдин "Альфа" атайын бөлүгүнүн ардагерлеринин эл аралык ассоциациясы менен "Пикир" регионалдык эксперттердин клубу биргеликте уюштурушкан.

Адистин айтымында, Кыргызстанда шайлоо өнөктүгү элди бириктирүүнүн фактору эмес, тескерисинче, бөлүнүүгө алып келген көрүнүш болгонун практика көрсөтүүдө.

"Жетекчинин күн тартибинде элди бириктирүү маселеси турушу керек. Консолидация элди бириктире турган жалпы идеянын негизинде жүрүшү зарыл. Кыргызстанда шайлоодон кийин көбүнесе эскалация болот. Өлкө төртүнчү революцияны көтөрө албайт. Мен, албетте, мындай болушун каалабайм", — деген ал.

Эксперттин айтымында, жазылбаган эреже боюнча өлкө шайлоого качан даяр болгондо гана аны өткөрүү керек.

"Эгерде шайлоо чыңалууну басаңдатуучу фактор болсун десек, анда ал үчүн жагымдуу шарттар зарыл. Өлкөнүн ички жана сырткы абалына карата жүргүзүлгөн анализ Кыргызстан учурда шайлоо өткөрүү үчүн жагымсыз шартка туш болгонун көрсөтөт. Бул тышкы факторлор — Афганистандагы окуялар, коронавирус пандемиясынын кесепеттери, глобалдык коопсуздуктун жаңы тартибинин калыптанышы жана ички факторлор", — деп түшүндүрдү эксперт.

Жумадылов ички социалдык-экономикалык кырдаал тууралуу кеп салып, азык-түлүк коопсуздугу, тамак-аш азыктардын жана күйүүчү майдын бааларынын өсүшү, энергетикага байланышкан абал тууралуу маселелерди көтөрдү.

739
Белгилер:
Кыргызстан, парламент, шайлоо, пикир, шарт
Тема:
Жогорку Кеңешке жаңы тартип менен болчу шайлоо (52)
Тема боюнча
Жапаров: добуш берүүгө кийлигишкен мамлекеттик кызматкер катуу жазаланат
Парламенттик шайлоо менен кошо айрым аймактарда жергиликтүү кеңештер да шайланат
Лампочка. Архивдик сүрөт

Эртең Бишкектин 21 көчөсүндө электр энергиясы болбойт. Тизме

36
Адистер пландалган оңдоп-түзөө иштерин жүргүзүшөрүн, электр кубаты кыска мөөнөткө өчөрүн кабарлашты.

БИШКЕК, 17-окт. — Sputnik. Дүйшөмбү, 18-октябрда, Бишкектин бир катар райондорунда электр энергиясы өчүрүлөрү күтүлүп жатат. Бул туурасында "Түндүк электр" ишканасынан кабарлашты.

Бригадалар эл жашаган үйлөрдөгү тийиштүү тармактарды техникалык кароодон өткөрүп, зарылдыгы болгон жерлерде трансформаторлорду алмаштырары айтылды.

Төмөнкү сааттарда жана төмөнкү аймактарда электр кубаты өчүрүлөт:

  • 8:00 - 17:00 — Проскуряков көчөсүнүн тилкесинде;
  • 9:00 - 17:00 — Токтоналиев көчөсүндөгү № 54 үйдө;
  • 9:00 - 18:00 — Дэн Сяопин проспектинин, Месарош, 9-январь, Орозов, Жамгырчинов, Кайназарова көчөлөрүнүн, Гатчинск кууш көчөсүнүн тилкелеринде, Арча-Бешик ( Чатыр-Көл көч.), Ак-Босого ( Чүй 16-21, 31-34, 39-41, Түлөбердев көч.) конуштарында;
  • 9:30 - 12:00 — Ала-Тоо, Жукеев-Пудовкин, Медеров, Карасаев көчөлөрүнүн, Гвардия, Кокан, Вишнев  кууш көчөлөрүнүн тилкелеринде;
  • 9:30 - 16:00 — 5-кичи райондо (№ 59-61, 63 үйлөр);
  • 9:30 - 17:00 — 3-кичи райондо (№ 25 үйдө);
  • 9:30 - 19:00 — Элебесов көчөсүнүн, Дорожный чолок көчөсүнүн тилкелеринде жана Кайыңды конушунда;
  • 14:00 -17:00 — "Ала-Арча" мамлекеттик резиденциясында.
36
Белгилер:
Кыргызстан, Бишкек, электр кубаты, өчүрүү
Тема боюнча
Жаан жаабайбы? Бир жумага карата аба ырайы
 Лев Толстой көчөсү. Архивдик сүрөт

Иш бүтө элек. Лев Толстой көчөсүнүн бир бөлүгү эртең да жабык болот

23
(жаңыланган 16:41 17.10.2021)
Жол бүгүн ачылышы керек болчу. Бирок мэрия автоунаалардын көптүгүнөн улам жолду жабуу көп убакытты талап кылганын жана иш дагы көп экенин айтты.

БИШКЕК, 17-окт. — Sputnik. Лев Толстой көчөсүнүн бир бөлүгү дагы бир күн жабык болот. Бул тууралуу мэриянын маалымат кызматы кабарлады.

Муниципалитет буга чейин Лев Толстой көчөсүнүн 7-апрелден Достоевский көчөсүнө чейинки бөлүгү 14-октябрдан 17-октябрга чейин жабыларын айткан. Көчөдөгү кыймыл жолдогу кемчиликтерди жоюу үчүн убактылуу токтотулган. 

Схема ремонта улицы Льва Толстого в Бишкеке
© пресс-служба мэрии города Бишкек
Лев Толстой көчөсүндө болуп аткан оңдоо иштери
"14-октябрда автоунаалардын көптүгүнөн улам жолду жабуу узак убакытты талап кылган. Ошондой эле иштин көптүгүнөн жумуш бүтпөй жатат", — деп айтылат маалыматта.

Муниципалитет ыңгайсыздык үчүн кечирим сурап, айдоочулардан каттамды алдын ала пландап алууну өтүндү.

Лев Толстой көчөсү 2020-жылдын октябрь айында реконструкцияланган. Бирок кепилдик мөөнөтү бүтө электигине байланыштуу подрядчы компания аны өз эсебинен кайра оңдоп берет.

23
Белгилер:
Бишкек, Лев Толстой көчөсү, көчө, жабуу, реконструкция
Тема боюнча
Бишкектин конуштарында курулуп жаткан объектилердин картасы пайда болду

Бетин катканына карабай ургулап. UFC турниринин эң кызыктуу учурлары видеодо

0
UFC Russia YouTube каналы уюмдун Лас-Вегаста өткөн соңку турниринин эң мыкты учурларын чыгарды. Мушкерлердин кечеси кечээ (Бишкек убактысы боюнча таңда) өттү.

Кеченин башкы беттешинде америкалык спортчу кыздар Аспен Лэдд менен бразилиялык Норма Дюмонт кезикти. Жыйынтыгында Дюмонт калыстардын чечими менен утту.

Кеченин дагы бир башкы беттешинде беларустук Андрей Орловский дагы бразилиялык Карлос Фелипти калыстардын чечими менен жеңди.

Ошондой эле башкы карддын алкагында Жим Миллер Эрик Гонсалести нокаутка кетирсе, Манон Фиоро Майру Буэно Сильваны калыстардын чечими менен, ал эми Нейт Ландвер Людовит Клейнаны колду кайруу ыкмасынын жардамы менен утту.

0
Белгилер:
Лас-Вегас, UFC, беттешүү, кармаш, турнир, видео
Тема боюнча
Валентина Шевченко Кыргызстандын туусун коюп пост жарыялады