Дубайда бүткүл дүйнөлүк Expo-2020 Dubai (БАЭ) көргөзмөсүндөгү кыргызстандыктардын павильону

Дубайдагы Expo-2020: Кыргызстан эмнелерди көрсөттү. Сүрөт

111
(жаңыланган 11:57 02.10.2021)
Кыргызстандын павильонунда атайын технологиянын жардамы менен виртуалдык турга барса болот. Анда Sputnik Кыргызстандын долбоору да көрсөтүлүүдө.

БИШКЕК, 2-окт. — Sputnik. Дубайда бүткүл дүйнөлүк Expo-2020 Dubai (БАЭ) көргөзмөсү өтүүдө. Анда кыргызстандыктардын павильону үчүн уюштуруучулар эки кабаттуу имарат беришкен.

Анда көчмөн жашоо образына негизделген кыргыз элинин оригиналдуу маданиятын, салтын, үрп-адатын көрсөткөн экспозиция түзүлдү. Көрүүчүлөр боз үйгө кирип, үй буюмдарын кармалап көрө алышат. Павильондо салттуу кийим, зер буюмдар да коюлган. Ошондой эле атайын технологиянын жардамы менен виртуалдык турга барса болот. Павильондо Sputnik Кыргызстандын долбоору да көрсөтүлүүдө.

  • Экспозиция Кыргызстана в двухэтажном павильоне на выставке Expo-2020 Dubai.
    Дубайда бүткүл дүйнөлүк Expo-2020 Dubai (БАЭ) көргөзмөсү өтүүдө. Анда кыргызстандыктардын павильону үчүн уюштуруучулар эки кабаттуу имарат беришкен.
    © Фото / Бусажида Касымбекова
  • Экспозиция Кыргызстана в двухэтажном павильоне на выставке Expo-2020 Dubai.
    Анда көчмөн жашоо образына негизделген кыргыз элинин оригиналдуу маданиятын, салтын, үрп-адатын көрсөткөн экспозиция түзүлдү.
    © Фото / Бусажида Касымбекова
  • Экспозиция Кыргызстана в двухэтажном павильоне на выставке Expo-2020 Dubai.
    Көрүүчүлөр боз үйгө кирип, үй буюмдарын кармалап көрө алышат.
    © Фото / Бусажида Касымбекова
  • Экспозиция Кыргызстана в двухэтажном павильоне на выставке Expo-2020 Dubai.
    Павильондо салттуу кийим, зер буюмдар да коюлган.
    © Фото / Бусажида Касымбекова
  • Экспозиция Кыргызстана в двухэтажном павильоне на выставке Expo-2020 Dubai.
    Ошондой эле атайын технологиянын жардамы менен виртуалдык турга барса болот.
    © Фото / Бусажида Касымбекова
1 / 5
© Фото / Бусажида Касымбекова
Дубайда бүткүл дүйнөлүк Expo-2020 Dubai (БАЭ) көргөзмөсү өтүүдө. Анда кыргызстандыктардын павильону үчүн уюштуруучулар эки кабаттуу имарат беришкен.

Кыргызстандын стендинде дың жерлерди сугаруу жана өлкөдө өндүрүлгөн продукцияны экспорттоо боюнча ата мекендик компаниялардын инновациялык чечимдери да коюлган. Expo-2020 Dubai 182 күн бою "Акылдарды бириктирип, жаркын келечекти түзөбүз" деген ураандын астында инновация, өнөктөштүк жана кызматташуу үчүн платформа катары кызмат кылат.

14-декабрда дүйнөлүк көргөзмөнүн алкагында расмий өкүлдөрдүн катышуусунда Кыргызстандын улуттук күнү өткөрүлөрү күтүлүүдө. Программада мамлекеттин туусу көтөрүлүп, гимн жаңырып, эстрада жылдыздары ырдашат. Ошондой эле кыргыз-араб бизнес форуму, экспорттук продукциялардын көргөзмөсү жана туристтик форум камтылган.

111
Белгилер:
Кыргызстан, Дубай, көргөзмө, кийим, зер буюм
Тема боюнча
Дубайдагы көргөзмө: Кыргызстандын павильонунун керемет видеосу
Кыз электрондук тамеки менен. Архив

Электрондук тамеки менен кальяндын салыгы 10 эсе жогорулайт. Жаңы кодекс

20
Салыктык ставкалар кадимки тамеки менен теңделип, натыйжада жылына бюджетке кошумча 50 миллион сом түшөрү болжолдонууда.

БИШКЕК, 28-окт. — Sputnik. Кальян, электрондук тамеки, вейп сыяктуу тамекини алмаштыруучу каражаттардын акциздик салыгы 10 эсеге жогорулайт. Бул туурасында жаңы Салык кодексинин долбоорунда жазылган.

Ага ылайык, 1 000 даанасына 2 250 сомго чейин (ысытылуучу тамеки таякчалар, ысытылуучу тамеки капсулалары жана башка) акциз салыгын көбөйтүү, башкача айтканда, кадимки тамекинин салыгы менен теңдөө каралууда.

"Азыркы учурда тамекини алмаштыруучулар кеңири колдонулууда, салык салуу шарттарын теңдөө үчүн аталган категориядагылардын акциз салыгынын ставкасын жогорулатуу боюнча чечим кабыл алынды. Бир даана ысытылуучу тамекиге болгон акциз салыгы кадимки чылымдын акциз салыгынан 10 эсеге аз. Салыкты көтөрүүнүн натыйжасында жылына бюджетке кошумча 50 миллион сом түшөрү болжолдонууда", — деп жазылган долбоордо.

Ошондой эле мындай норманы киргизүүгө жакында коомдук жайлар менен мекемелерде чылымдын бардык түрүн чегүүгө тыюу салган мыйзам кабыл алынганы да түрткү болгон.

20
Белгилер:
кальян, салык кодекси, электрондук тамеки
Тема боюнча
Жапаров бюджетти 400 млрд. сомго чыгаруу үчүн каяктан акча табарын айтты. Видео
Instagram да, блогер да салык төлөйт. Жаңы кодекске кошулган берене
Көмүр саткан жайларга рейд жүргүзүлүүдө

Чүйдө көмүр саткан жайларга рейд жүргүзүлүүдө. Сүрөт

40
(жаңыланган 16:57 28.10.2021)
Текшерүүгө Монополияга каршы жөнгө салуу мамлекеттик агенттиги менен Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

БИШКЕК, 28-окт. — Sputnik. Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө. Бул тууралуу Монополияга каршы жөнгө салуу мамлекеттик агенттиги кабарлады.

Рейды по урегулированию цен на уголь на топливных базах и стационарных точках объездной дороги Бишкека и в Сокулукском районе. 28 октября 2021 года
© Фото / пресс-служба ГААР при ПКР
Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө

Текшерүүгө аталган агенттиктен, Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

"Сатуучуларга көмүрдүн баасы көтөрүлбөшү керектиги тууралуу түшүндүрүү иштери жүргүзүлдү", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса жоопко тартылары боюнча эскертүү берилди.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон.

Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

40
Белгилер:
Чүй облусу, Бишкек, көмүр, баа, рейд
Тема боюнча
Бийлик Бишкек менен аймактарда көмүрдүн баасын бекитти. Канчадан ашпаш керек?