Колуна кишен тагылган аялдын архивдик сүрөтү

Алты баланын энеси. Бишкектик аял элди 905 миң долларга алдаган деп айыпталууда

357
(жаңыланган 14:09 02.10.2021)
Милиция билдиргендей, 40 жаштагы аял өзүн курулуш компаниясынын негиздөөчүсү катары тааныштырып, көптөрдү алдап кеткен. Бүгүнкү күндө анын үстүнөн 18 арыз түштү.

БИШКЕК, 2-окт. — Sputnik. Бишкек шаардык милициянын Октябрь РИИБдин Тергөө кызматы жарандарды 904 миң 750 долларга алдаган деп шектелген аялды кармаганын кабарлады.

Кечээ ЖМКлардын бири алты баланын энеси №1 тергөө абагына камалганын жазган. Анын жактоочусу камалган Талипова 18,5 миң доллар карызы бар адамдын арызынын негизинде кармалганын билдирген. Адвокаттын айтымында, аял мурда үй камагында болгон. Ал тергөөгө чакырылып сурак берип жатканда дарыканага чыгып келүүнү суранган. Кайра кайтып келгенде тергөөчү шектүү качып кетүүгө аракет кылганын айтып, камоо чечимин чыгарган.

Милициянын маалыматына ылайык, Ысык-Көлдө туулган А.Талипова аттуу 40 жаштагы аялдын үстүнөн арыз түшүп, сотко чейинки териштирүү башталган. Кармалган жаран өзүн курулуш компаниясынын негиздөөчүсү катары тааныштырып, бир нече адамдан акча алган. Бүгүнкү күндө ага алданганын айтып 18 киши арыз менен кайрылганы белгиленди.

"Буга байланыштуу жарандар мыйзамсыз аракеттерине чара көрүүнү сурап бир нече жолу жогорку инстанцияларга даттанган. 28-сентябрда тергөө иштерин жүргүзүү учурунда Т.А. камакта болбогондуктан сыртка чыгууну суранган. Бирок ошол бойдон из жашырып кеткен. Милиция аны таап, Тергөө кызматына алып келген. Натыйжада тергөөгө тоскоол болбошу үчүн аны эки айга тергөө абагына камоо боюнча баш коргоо чарасы тандалды", — деп айтылат маалыматта.

Ага Жазык кодексинин 204-беренесинин 3-бөлүгү ("Өзгөчө ири көлөмдөгү алдамчылык") менен айып тагылган. Аны менен катар кармалган аял буга чейин да алдамчылык фактысы менен соттолгону аныкталган.

Сотко чейинки териштирүүнүн жыйынтыгы Октябрь райондук сотуна жөнөтүлүп, учурда каралууда.

357
Белгилер:
сот, милиция, алдамчылык, шектүү, аял
Тема боюнча
Жер тилкелерин трансформациялап берем деп 21 миң доллар алган. Шектүү кармалды
Чүйдө жер алып берем деп Land Rover унаасын алып кеткен аял кармалды. Сүрөт
Санарип коомчулук 2021 конференциясын банери

Huawei компаниясынын конференциясында санариптик тренддер талкууланат

18
(жаңыланган 21:20 21.10.2021)
Huawei ишканасынын өкүлдөрү "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

БИШКЕК, 21-окт. — Sputnik. Huawei компаниясы 26-27-октябрда жыл сайын болуучу экинчи "Санарип коомчулук 2021" конференциясын (Huawei Digital Community Conference 2021, HDCC) өткөрөт. Бул тууралуу компаниядан билдирди.

Huawei ишканасынын өкүлдөрү Россияда коопсуз жана көз карандысыз экосистема тармагын куруу процессине катышуунун алкагында "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

"Конференция – бул кардарларга жана өнөктөштөргө санарип трансформациясына байланыштуу өзгөрүүлөргө байкоо салууга жардам бере турган ачык платформа. Ошондой эле маалыматтык-коммуникациялык экосистеманы өнүктүрүүнү тездетүү үчүн биргеликте иштөө жана тажрыйба алмашуу каралган. Жарандар онлайн режиминде пленардык сессияны жана форумду көрө алышат жана санарип жаатындагы маселелерди эксперттер менен талкуулоого шарт түзүлөт", — деп айтылат маалыматта.

Конференцияга катышуучуларына дүйнөдө жана Россияда маалыматтык-коммуникациялык технологиялардын өнүгүп жаткан тренддери менен таанышууга мүмкүнчүлүк түзөт. Ошондой эле санарип энергетика, "булут" технологиялары жана уюлдук экосистема боюнча маалымат берилет.

Президент Huawei в Евразии Дэниел Чжоу
© Фото / пресс-служба Huawei / ARSEN GALSTYAN
Huawei компаниясынын Евразиядагы президенти Дэниела Чжоу
"Маалыматтык технология жаатындагы алдыңкы эксперттер менен биргеликте биз ар кандай тармактагы санариптик бизнес-моделдерди колдонуунун практикалык кейстерин изилдейбиз жана санарип технологиялар доорунда бизнести өнүктүрүү үчүн соңку чечимдерди ортого салабыз", — деди Huawei компаниясынын Евразиядагы президенти Дэниела Чжоу.

Иш-чарада маалыматтык-коммуникациялык технология индустриясынын ар кандай аспектилерин талкуулоо үчүн алты темада форум уюштурулат.

Катышуучулар үчүн виртуалдуу көргөзмө зонасы жеткиликтүү болот. Ал жактан Huawei компаниясы өзүнүн ийгиликтүү кардарлары менен өнөктөштөрүнө өнөр жайды санариптештирүү үчүн жасап берген продукциялары көрсөтүлөт. Ошондой эле Huawei эксперттери менен реалдуу убакыт режиминде сүйлөшүүгө шарт түзүлмөкчү.

18
Белгилер:
Huawei, конференция, эксперт, санарип
Тема боюнча
Бишкектин борбордук бөлүгүндө акысыз Wi-Fi зона иштей баштады
Кыргызстанда Илон Масктын Starlink компаниясынын өкүлчүлүгү ачылышы мүмкүн
Аял кол чатыр менен кар жаган учурда. Архив

Жума күнгө карата аба ырайы

25
22-октябрда аба ырайы кескин өзгөрүлүп, көпчүлүк аймактарда мезгил-мезгили менен жаан жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-окт. — Sputnik. Жума күнү өлкөнүн тоолуу райондорунда кар жаап, жолдорго муз тоңот. Бул тууралуу Кыргызгидромет билдирди.

Абанын температурасы Чүй, Ысык-Көл облустарында +1…+6, Таласта 0…+5, Ош, Жалал-Абад, Баткен аймактарында +4…+9, Нарын өрөөнүндө 0…+5 градус болот.

Күндүн табы Бишкекте +2…+4, Ош шаарында +6…+8 градусту көрсөтөт.

25
Белгилер:
аба ырайы, октябрь, Кыргызстан
Тема боюнча
Ноябрь айында аба ырайы кандай болот. Синоптиктердин божомолу