Пара в объятиях

Апамды көңүлдөшүнө акчага сатып ийгендей болом... Кыздын каты

10617
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бул жолу апасынын жеке турмушуна кийлигишкенине өкүнгөн кыздын катын жарыялайбыз.

— Саламатсыздарбы! Жүрөгүмдү өйүгөн окуя кечээ жакында эле пайда боло калган жок. Мен азап менен жашап келе жатканыма көп жыл болду. Эки агам жана мен — үчөөбүз кичине кезибизде эле атам неврологиялык оорудан улам шал болуп калыптыр. Кыймылдай албай коляскада отурганы аз келгенсип, сүйлөй да албайт. Апам балдарынан тышкары, оорукчан атамды багып, бир топ кыйынчылыкты көрдү. Биз чоңоюп калганда колго тийген жумуштардын баарында иштеп жүрдү. Ошого карабай өзү назик, сылык-сыпаа, келбети дагы жакшынакай келин болчу жаш кезинде.

Сегизинчи класста окуп жүргөндө катуу стресске кабылдым. Мектептен чыгып апам менен чогуу кетейин деп жумушуна барып сыртта күтүп тургам. Ал кезде "мен келдим" деп чала койчу азыркыдай телефон жок. Бир маалда апам сыртка чыкты да, эшиктин алдында токтоп турган жеңил машинанын алдыңкы орундугуна отура калды. Ошол замат рулда отурган киши апамды кучактап, катуу сагынган немедей аймалап өпкүлөп кирди. Жакшылап карасам ал киши атамдын Марат деген классташы экен. Атам экөө жакын дос болбосо дагы, кез-кезде кезигип калышчу. Кийин атам жатып калганда анча-мынча тамак-аш алып келип бергени эсимде. Анткени чакан бизнеси менен бутуна туруп, бардар жашап жүргөн киши болчу.

Экөө көпкө сүйлөшүп отуруп, бир маалда апам колуна бир баштык кармап машинадан түштү. Мен дароо жанына барбай, үйгө чейин артынан алысыраак басып жөнөдүм. Азыр ойлоп көрсөм апам кыйналып турган кезде Марат байкенин акчасын гана эмес, өзүн деле бир топ жакшы көргөн окшойт. Үйгө чейин башын бийик көтөрүп, бир нерсеге сүйүнгөнсүп, кадамдары дагы башкача болуп бат эле жетти. Мен шек алдырбай аркасынан кирсем, столдун үстүнө баягы баштыктагы таттууларды алып чыгып коюп жатыптыр. Чынын айтсам аябай ызаланып бара жаткан жаным ошол замат "жарылып" кеттим. Ыйлап, кыйкырып, атамдын досу менен жүрөсүң деп көп сөз айттым.

Апам менин алдымда өзүн күнөөлүү сезип, бир нече күн сөз айта албай жүрдү. Өзү жалгыз бой үч баланы, майып кишини багып жүрсө, анын үстүнө мен тигинтип кыялымды көрсөтүп бекер кылыптырмын. Баягы окуядан 10-15 күн өткөн соң апам тиги байке менен жолукпай калганын айтты. Мен чоң жеңишке жеткенсип сүйүнүп калдым.

Жылдар өтүп, мектепти аяктадым. Бирок кайсы окууга тапшырып, келечегим кандай болорун такыр билбей калдым. Жогорку окуу жайлардын бюджеттик бөлүмдөрүнө өтө албадым. Окубай коюуга болбойт. Анткени апамдын болор-болбос акчага колго тийген жумушту кылган оор тагдырын кайталагым келген эмес.

Күндөрдүн биринде Марат байке оюма түштү. Тааныштар аркылуу телефонун издеп таап, уят-сыйытты жыйыштырып коюп ага байланыштым. Ал телефонду аларым менен токтоно албай ыйладым. Буркураган бойдон окууга өтө албай жатканымды айтып, "апам менен кезигип турушуңуз керек" деп догурундум.

Ошентип бир айдан кийин Бишкектеги окуу жайлардын биринин студенти болуп калдым. Менин чалганымды эле күтүп тургансып, байке баарына макул болуп, апам менен кайрадан жолуга баштады. Беш жыл бою окуумдун акысын төлөп турду. Мен ушунча болгондон кийин деп жакшы окудум, бат эле жумуш таптым.

Бирок жеке кызыкчылыгым үчүн апамды акчага сатып жиберген сезимдер жей берет. Өзүмчүлдүгүмө ичим күйөт. Негизи Марат байке менен апам бири-бирин жакшы көрөт экен. Бирок менин акча үчүн апамды сунуштаганым канчалык туура эле? Апамдан кечирим сурашым керекпи?

Психолог Перизат Калмаматова:

— Урматтуу автор, бул жерде сиз апаңыздан кечирим сурайсызбы же сурабайсызбы, жеке өзүңүздүн тандооңуз. Бул жерде сизге "кечирим сура, сен күнөөлүүсүң" же "сурабай эле кой, бардыгы ошол бойдон кала берсин" деп эч ким, эч качан айтпашы керек. Мындай маселелерде адам өзүнүн жан дүйнөсүн, сезимдерин укканы жакшы. Дүйнөдөгү эң жакын адамдын алдында өзүн күнөөлүү сезип, бушайман болуп жашоо абдан татаал. Андыктан сиз психологиялык терапиядан өтүп койгонуңуз туура болот.

Жакындардын жеке турмушуна аралашуу боюнча жалпысынан айта кетсем, ата-эне балдардын, балдар ата-эненин, бир туугандар бири-биринин жеке жашоосуна анчалык аралашпай эле койгону туура. Ошондой эле бирөөнүн тагдырын чечүү вазийпасын өз мойнуна жүктөп алгандарга айтарым, жакындарыбыздын тагдырын талкалап алып, убалына калуудан алыс бололу.

Эгер эки чоң киши бири-бирине тартылып, бирге болууну чечсе, демек, ортодо сүйүү, түшүнүү, жылуулук бар. Бул сезимдер жок болсо, алар эч кимдин жардамы жок эле эки башка жолго түшөт.

10617
Белгилер:
акча, психолог, эне, апа, кыз, кат, мамиле
Тема:
Психолог менен баарлашуу (169)
Тема боюнча
Тапкан акчасын туугандарына чачып чарчатты. Жолдошуна көз каранды келиндин каты
Ажырашсаң балдарды таштайсың... Жигитинин апасы коркуткан кыздын каты
Санарип коомчулук 2021 конференциясын банери

Huawei компаниясынын конференциясында санариптик тренддер талкууланат

19
(жаңыланган 21:20 21.10.2021)
Huawei ишканасынын өкүлдөрү "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

БИШКЕК, 21-окт. — Sputnik. Huawei компаниясы 26-27-октябрда жыл сайын болуучу экинчи "Санарип коомчулук 2021" конференциясын (Huawei Digital Community Conference 2021, HDCC) өткөрөт. Бул тууралуу компаниядан билдирди.

Huawei ишканасынын өкүлдөрү Россияда коопсуз жана көз карандысыз экосистема тармагын куруу процессине катышуунун алкагында "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

"Конференция – бул кардарларга жана өнөктөштөргө санарип трансформациясына байланыштуу өзгөрүүлөргө байкоо салууга жардам бере турган ачык платформа. Ошондой эле маалыматтык-коммуникациялык экосистеманы өнүктүрүүнү тездетүү үчүн биргеликте иштөө жана тажрыйба алмашуу каралган. Жарандар онлайн режиминде пленардык сессияны жана форумду көрө алышат жана санарип жаатындагы маселелерди эксперттер менен талкуулоого шарт түзүлөт", — деп айтылат маалыматта.

Конференцияга катышуучуларына дүйнөдө жана Россияда маалыматтык-коммуникациялык технологиялардын өнүгүп жаткан тренддери менен таанышууга мүмкүнчүлүк түзөт. Ошондой эле санарип энергетика, "булут" технологиялары жана уюлдук экосистема боюнча маалымат берилет.

Президент Huawei в Евразии Дэниел Чжоу
© Фото / пресс-служба Huawei / ARSEN GALSTYAN
Huawei компаниясынын Евразиядагы президенти Дэниела Чжоу
"Маалыматтык технология жаатындагы алдыңкы эксперттер менен биргеликте биз ар кандай тармактагы санариптик бизнес-моделдерди колдонуунун практикалык кейстерин изилдейбиз жана санарип технологиялар доорунда бизнести өнүктүрүү үчүн соңку чечимдерди ортого салабыз", — деди Huawei компаниясынын Евразиядагы президенти Дэниела Чжоу.

Иш-чарада маалыматтык-коммуникациялык технология индустриясынын ар кандай аспектилерин талкуулоо үчүн алты темада форум уюштурулат.

Катышуучулар үчүн виртуалдуу көргөзмө зонасы жеткиликтүү болот. Ал жактан Huawei компаниясы өзүнүн ийгиликтүү кардарлары менен өнөктөштөрүнө өнөр жайды санариптештирүү үчүн жасап берген продукциялары көрсөтүлөт. Ошондой эле Huawei эксперттери менен реалдуу убакыт режиминде сүйлөшүүгө шарт түзүлмөкчү.

19
Белгилер:
Huawei, конференция, эксперт, санарип
Тема боюнча
Бишкектин борбордук бөлүгүндө акысыз Wi-Fi зона иштей баштады
Кыргызстанда Илон Масктын Starlink компаниясынын өкүлчүлүгү ачылышы мүмкүн
Аял кол чатыр менен кар жаган учурда. Архив

Жума күнгө карата аба ырайы

26
22-октябрда аба ырайы кескин өзгөрүлүп, көпчүлүк аймактарда мезгил-мезгили менен жаан жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-окт. — Sputnik. Жума күнү өлкөнүн тоолуу райондорунда кар жаап, жолдорго муз тоңот. Бул тууралуу Кыргызгидромет билдирди.

Абанын температурасы Чүй, Ысык-Көл облустарында +1…+6, Таласта 0…+5, Ош, Жалал-Абад, Баткен аймактарында +4…+9, Нарын өрөөнүндө 0…+5 градус болот.

Күндүн табы Бишкекте +2…+4, Ош шаарында +6…+8 градусту көрсөтөт.

26
Белгилер:
аба ырайы, октябрь, Кыргызстан
Тема боюнча
Ноябрь айында аба ырайы кандай болот. Синоптиктердин божомолу