Хот-дог алган киши. Архивдик сүрөт

Кардиолог кайсы азыктар гипертонияга жеткире турганын айтты

531
Адис эң алгач жаныбардын майын азайтып, анын ордун эт, балык, жашылча-жемиш менен толтуруу кеңешин берген.

БИШКЕК, 2-окт. — Sputnik. Кардиолог Сергей Иванов "Парламентская газета" басылмасына кайсы азыктар гипертонияны чакырышы мүмкүн экенин айткан.

Адис белгилегендей, аталган дарттын келип чыгуусуна тамакка тузду көп колдонуу жана жарым фабрикаттар себеп болушу мүмкүн.

"Эгер туура эмес азыктарды атай турган болсок, бул арзан сосискалар. Алардын курамында май көп", — деген Иванов.

Дарыгер көбүнчө бул ооруну ашыкча салмак өрчүтөрүн белгилеген. Ошондой эле углеводду азыраак колдонууну сунуштап, ал кант диабетинин экинчи түрүнө кептеши ыктымал экенин кошумчалаган.

Кардиолог жаныбарлардын майын азыраак жеп, анын ордун эт, балык жана жашылча-жемиш менен толуктоо керектигин эскерткен.

531
Белгилер:
кардиолог, гипертония, оору, алдын алуу, кеңеш, медицина
Тема боюнча
Чыгып турган курсактан арылуунун жөнөкөй үч жолу. Дарыгердин кеңеши
Кыргыз эл жазуучусу, Кыргыз Эл Баатыры Төлөгөн Касымбековдун китептери. Архивдик сүрөт

Бишкекте Төлөгөн Касымбековдун 90 жылдыгы белгиленет

8
Атактуу жазуучу Төлөгөн Касымбеков тирүү болсо быйыл токсон жашка чыкмак. Ал он жыл мурда дүйнө салган.

БИШКЕК, 24-окт. — Sputnik. Кыргыз эл жазуучусу, Кыргыз Эл Баатыры Төлөгөн Касымбековдун 90 жылдыгы белгиленерин Маданият, маалымат, спорт жана жаштар саясаты министрлиги кабарлады.

Эскерүү иш-чарасы 25-октябрь күнү Токтогул Сатылганов атындагы улуттук филармонияда өтөт.

Төлөгөн Касымбеков Аксы районунун Ак-Жол кыштагында 1931-жылы 15-январда туулган. Орто билимге ээ болгон соң эки жыл баштапкы мектептерде мугалим, Кичи-Ак-Жол айылдык кеңешинде жооптуу катчы болуп иштеген.

Касымбеков Кыргыз мамлекеттик университетинин филология факультетин 1957-жылы аяктаган. 1960-жылы "Ала-Тоо" журналында бөлүм башчы болуп ишке кирет. Журналда иштеген 13 жыл ичинде башкы редакторлукка чейин жетет. Андан соң 1973-жылы Кыргыз ССР Министрлер Советинин басма, полиграфия жана китеп соода боюнча мамлекеттик комитетинде башкы редактор болуп эмгектенген.

Кыргыз адабиятындагы салмактуу чыгармалардын бири, "Сынган кылыч" тарыхый романын 40 жашында жазган. Советтер Союзунун бардык элинин тилине которулган роман 1980-жылы англис тилинде да чыккан.

Жазуучу 1990-жылы Жогорку Кеңешке депутат болуп шайланып, легендарлуу парламенттин мүчөсү болгон. Эл өкүлү болуп турган кезде тил, маданият жана билим боюнча, улуттар аралык парламенттик комиссиянын жетекчилигин аркалаган.

1986-жылы Кыргыз эл жазуучусу наамын алган, 2006-жылы мамлекеттик Токтогул сыйлыгынын лауреаты болуп, ошол эле жылы Кыргыз Эл Баатыры наамы ыйгарылган.

Төлөгөн Касымбеков 2011-жылы 17-июнда 80 жашында инсульт алып көз жумган.

8
Белгилер:
Төлөгөн Касымбеков, жазуучу, эскерүү
Тема боюнча
"Сынган кылыч", Төлөгөн Касымбеков — аудио китеп
Whatsapp логотиби. Архивдик сүрөт

Программист мессенжердеги жазышууну толугу менен кантип өчүрүү керектигин айтты

23
Адистин айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат.

БИШКЕК, 24-окт. — Sputnik. Мессенжердеги маалыматты өчүрүү өтө кыйын, жазышууларды тазалагандан кийин дагы иштеп чыгуучунун серверинде калып калат. Бул тууралуу "Прайм" агенттигине "ИТ-Резерв" компаниясынын директору Павел Мясоедов айтып берди.

Анын айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат. Ал түшүндүргөндөй, жазышууда система билдирүүнү алгач иштеп чыгуучунун инфраструктурасына жиберет, андан кийин гана маектешип жаткан кишиге жөнөтүлөт.

"Жазышууну уюлдук телефондон же башка жактан өчүрүүнүн пайдасы жок. Муну менен аны түп-тамырынан бери өчүрө албайбыз", — деди программист.

Адистин айтымында, маалыматтарды ортомчусуз алмашууга мүмкүн, ал үчүн атайын программаларды көчүрүү керек. Маселен, peer-to-peer протоколдору боюнча иштеген программалар бар.

23
Белгилер:
программист, жазышуу, өчүрүү
Тема боюнча
Facebook өзүнө таандык WhatsApp мессенджериндеги жазышууларды окуйт. Максаты
WhatsApp сүрөт менен видеону сапаттуу жөнөткөнгө мүмкүнчүлүк түзөт