Соттогу адам. Архив

"Пандора": журналисттердин дүйнөлүк иликтөөсүндө кыргызстандык аткаминер да бар

234
(жаңыланган 14:16 04.10.2021)
Борбор Азия мамлекеттеринин ичинен алдыңкы сапта Казакстан турат. Ал эми Түркмөнстандын эки, Кыргызстан менен Тажикстандын бирден өкүлү бар экени жазылган.

БИШКЕК, 4-окт. — Sputnik. Журналист-иликтөөчүлөрдүн эл аралык консорциуму (ICIJ) жарыялаган "Пандора таржымалы" аттуу материалында кыргызстандык бир аткаминердин офшордук маалыматтары бар. Бул тууралуу консорциумдун расмий сайтына жарыяланды.

ICIJ сайтында карта жайгаштырылып, анда документте кайсы өлкөдөн канча аткаминер бар экени көрсөтүлгөн.

Ага ылайык, Борбор Азия мамлекеттеринин ичинен алдыңкы сапта Казакстан турат. Архивде казакстандык сегиз аткаминердин офшордук компаниясы жана кыймылсыз мүлкү көрсөтүлгөн. Ал эми Түркмөнстандын эки, Кыргызстан менен Тажикстандын бирден өкүлү бар экени жазылган. Бирок алардын ким экени азырынча айтыла элек.

ICIJ өкүлү РИА Новостиге билдиргендей, консорциум жаңы ысымдар менен документтерди жакынкы күндөрү жарыялайт.

"Биз документтерди жарыялоону улантуу ниетиндебиз. Муну кийинки күндөрдө, айларда, ал тургай жылдарда да жасайбыз", — деген ал.

Эске салсак, 3-октябрда ICIJ журналисттери офшордук схемага дүйнөлүк лидерлердин катыштыгы болушу мүмкүн деген ири иликтөөсүн жарыялады. Маалыматка караганда, 11,9 миллион файлдан турган 14 офшордук компаниянын документтери тарыхта биринчи ирет сыртка чыгып кеткен. Анда реалдуу бенефициарлар (акчанын ээси болгон жеке же юридикалык жак) дагы көрсөтүлгөнү айтылды. 

117 мамлекеттин 600дөн ашык журналисти бул документтер менен эки жыл иштеген. Алар "Pandora таржымалындагы" маалыматтарды соттук документтер, ишенимдүү маалымат булактар жана башка багыттар аркылуу тастыктоого аракет кылышкан.

Журналисттик иликтөөдө дүйнөнүн азыркы жана мурдагы 35 лидеринин жана 100 өлкөнүн 400 аткаминеринин аты аталган.

2016-жылы консорциум Mossack Fonseca юридикалык фирмасынын "Панама документтерин" коомго алып чыккан. Компания кагаздарды тааныбай турганын айтып, журналисттердин бул кадамын "кылмыш" деп баалаган.

234
Белгилер:
Кыргызстан, журналист, иликтөө
Тема боюнча
Журналисттер бир катар өлкө лидерлеринин офшордук схемаларын таап чыкты
Түгөйлөр. Архивдик сүрөт

Германияда бойго бүтүүдөн коргоочу инновациялык аппарат ойлоп табышты

16
Аппаратты эркектин жыныстык органына жакын алып келип, бир аз убакытка иштетип кармап туруу керек. Андан чыккан ультраүндүү толкундар бел суунун активдүүлүгүн эки айга чейин токтотуп коёт.

БИШКЕК, 22-окт. – Sputnik. Германиялык дизайнер Ребекка Вайс адистер менен биргеликте эркектин уругунун активдүүлүгүн басаңдатып, бойго бүтүүдөн сактай турган аппарат ойлоп тапты. Бул тууралуу National Geographic Россия басылмасы жазды.

Жаңы аппарат эркектин уругунун активдүүлүгүн ультраүндүү толкундар менен басаңдатып коёт.

"Аппаратты эркектин жыныстык органына жакын алып келип, бир аз убакытка иштетип кармап туруу керек. Бул процедураны эки апта бою кайталоо зарыл. Андан чыккан ультраүндүү толкундар бел суунун активдүүлүгүн эки айга чейин токтотуп коёт. Тагыраак айтканда, урук энелик бездер менен биригип жаңы жашоо жарата албай калат. Бирок анын ден соолукка зыяны жок", — деди Вайс.

Аппаратты иштеп чыккандар алардын табылгасы үй-бүлөнү пландоодо көптөр күткөн жакшы жардамчы болот деп эсептейт.

"Азыркы бойго бүтүп калуудан коргоочу каражаттар бардык эле түгөйлөргө жага бербейт. Ден соолукка дагы залакасын тийгизиши мүмкүн. Мисалы, мага бул идея өзүм жатын моюнчасынын рагына кабылгандан кийин келди. Көп жылдар бою сактануу үчүн гормоналдык дары-дармектерди ичип жүрүп, кийин дартка чалдыктым", — деди адис.

Негизинен ушул сыяктуу аппарат буга чейин жаныбарларга колдонулуп келген, дизайнер аны адамга ылайыктап жасап чыккан. Бирок аны расмий түрдө сатыкка алып чыгуу үчүн клиникалык сыноодон өткөрүү керек.

Баса, идеянын автору бул табылгасы үчүн мыкты инженердик долбоорлорго ыйгарыла турган Жеймс Дайсон атындагы эл аралык сылыкка ээ болду.

16
Белгилер:
Германия, аял, эркек, ден соолук, тукум
Тема боюнча
Окумуштуулар аялдар төрөттөн кийин канча жылга картая турганын айтты
Кабул шаары. Архив

Электростанциядагы жарылуудан улам Кабул толугу менен жарыксыз калды

129
(жаңыланган 23:18 21.10.2021)
Өлкөнүн Мамлекеттик энергетикалык корпорациясы электр кубатын өткөрүүчү зымдар иштен чыкканын маалымдаган.

БИШКЕК, 21-окт. — Sputnik. Афганистандын борбору Кабул шаары жана башка бир катар провинциялар жарыксыз калды. Бул тууралуу Афганистандын Мамлекеттик энергетикалык корпорациясы билдиргенин РИА Новости жазды.

Маалыматка ылайык, борбор калаанын түндүк-батышындагы электростанцияда жарылуу болгон. Анын кесепетинен электр кубатын өткөрүүчү зымдар иштен чыккан.

129
Белгилер:
Кабул, электр энергиясы, жарылуу, өчүрүү
Тема боюнча
Кабулдагы терактылар, Багландагы салгылаш. Талибдер көзөмөлдү колдон чыгаргандай
Афганистанда полиция имаратынын жанында жардыруу болду
Кыргызстандык гимнаст Айша Изабекова

Гимнаст Айша Изабекова Япониядагы дүйнө чемпионатына катышат

0
Учурда Айша Москвадагы Ирина Винер-Усманованын гимнастика борборунда даярдык көрүүдө. Мелдеш 27-30-октябрь күндөрү Китакюсю шаарында өтөт.

БИШКЕК, 22-окт. — Sputnik. Кыргызстандык гимнаст Айша Изабекова Японияда өтө турчу дүйнө чемпионатына катышат. Бул тууралуу КРдин Көркөм гимнастика федерациясынын президенти Назира Айдарова билдирди.

Мелдеш 27-30-октябрь күндөрү Китакюсю шаарында өтөт.

Федерациянын башчысы дүйнө чемпионатынын жаңы эрежеси боюнча бир өлкөдөн бирден гана спортчу катыша аларын белгиледи.

Учурда Айша Москвадагы Ирина Винер-Усманованын гимнастика борборунда даярдык көрүүдө. Японияга спортчуну машыктыруучусу Аделина Шаяхметова жана калыс Злата Тулубаева коштоп барат.

Айша Изабекова 18 жашта. Көркөм гимнастика боюнча спорт чебери, Кыргызстандын абсолюттук чемпиону, Азия кубогунан күмүш жан коло медалдарды алган. Азия жана дүйнө чемпионаттарына катышкан.

Айша — ардагерлер арасында дүйнө чемпиону Чынарбек Изабеков менен Көркөм гимнастика федерациясынын президенти Назира Айдарованын кызы.

0
Белгилер:
Япония, Чынарбек Изабеков, гимнастика, мелдеш, Айша Изабекова
Тема боюнча
U23: дүйнө чемпионатына Кыргызстандан эки балбан кыз барат