Түнкү Бишкек. Архив

Бишкекте түнкүсүн жарык берүүгө чектөө киргизилбей турган болду

150
(жаңыланган 18:19 04.10.2021)
Энергохолдингден билдиргендей, электр энергиясын керектөө улам өсүп жатат. Бүгүнкү күндө көрүлүп жаткан чаралар жетишсиз болууда.

БИШКЕК, 4-окт. — Sputnik. Улуттук энергохолдинг Бишкектеги сырткы жарыктандырууга кечкисин чектөө койбой турган болду. Бул тууралуу компаниядан билдирди.

Себеби айтылган жок. Буга чейин Улуттук энергохолдинг Токтогул ГЭСиндеги суунун жетишсиздигинен улам Кыргызстанда парктардын, дүкөндөрдүн, айрым көчөлөрдүн жана көрнөк-жарнактардын жарыгы түнкүсүн өчүрүлө турганын маалымдаган. Бул нерсе соцтармакта катуу сынга алынган.

Холдингден билдиргендей, электр энергиясын керектөө барган сайын өсүп жатат.

"Энергокомпания керектөөчүлөргө инвентаризация жүргүзүүдө. Карызы барлардын жарыгы өчүрүлөт. Ошентсе да бүгүн көрүлүп жаткан чаралар жетишсиз", — деп айтылат маалыматта.

Улуттук энергохолдинг күз-кыш мезгилинде дефицит жаралбашы үчүн керектөөчүлөрдү электр энергиясын үнөмдөп, жылуулуктун альтернативдүү булагын (газ, көмүр) колдонууга чакырууда.

Республика боюнча электр энергиясын үнөмдүү колдонуу боюнча түшүндүрүү иштери жүргүзүлүп жатканы айтылды.

150
Белгилер:
Кыргызстан, электр энергиясы, үнөмдөө
Тема боюнча
Тажикстандан электр кубатын алып жатабыз, үнөмдөгүлө! Министрдин өтүнүчү видеодо
Электр энергиясынын жаңы тарифи бекитилди. Тизме
Документке кол коюп жаткан мамлекеттик кызматкер. Архив

Дары-дармек департаментине жаңы жетекчи дайындалды

33
(жаңыланган 16:16 28.10.2021)
Жетекчи буга чейин Дары-дармек жана медициналык каражат департаментинде алдыңкы адис болуп эмгектенген.

БИШКЕК, 28-окт. — Sputnik. Нурдин Кагаздиев Дары-дармек жана медициналык каражат департаментине жетекчи болуп дайындалды. Бул тууралуу Саламаттык сактоо министрлиги кабарлады.

Тийиштүү буйрукка министрлер кабинетинин төрагасы Акылбек Жапаров кол койгон.

Кагаздиев жогорку билимдүү. Иса Ахунбаев атындагы Кыргыз мамлекеттик медициналык академиясын жана Жусуп Баласагын атындагы Кыргыз улуттук университетин аяктаган. 36 жашта. Буга чейин Дары-дармек жана медициналык каражат департаментинде алдыңкы адис болуп эмгектенген.

33
Белгилер:
саламаттык сактоо, дары-дармек менен камсыздоо департаменти, жетекчи
Тема боюнча
Фарммафия: УКМК мурдагы министрдин тууганын кармады
Шайлоо участогунда добуш берип жаткан кыз. Архив

Тизмеге кирүү жол-жобосу. Россиядагы кыргызстандыктар шайлоого кантип катышат

37
(жаңыланган 14:59 28.10.2021)
Буга чейин биометрикалык маалыматтарын тапшырып койгон жарандар консулдук каттоодон элчиликке келбестен, аралыктан өтө алышат.

БИШКЕК, 28-окт. — Sputnik. Кыргызстандын Россиядагы элчилиги парламенттик шайлоодо добуш берүүгө катыша турган жарандарды шайлоочулардын тизмесине киргизүү өнөктүгү 12-ноябрда соңуна чыгарын эскертти.

Шайлоо мыйзамдарына ылайык, Россиядагы кыргызстандыктар шайлоого катышуу үчүн консулдук каттоого туруп, биометрикалык маалыматтарын тапшырышы керек.

Ал эми буга чейин эле биометрикалык маалыматтарын тапшырып койгон жарандар консулдук каттоодон элчиликке келбестен, аралыктан өтө алышат. Бул үчүн төмөнкү кадамдарды аткаруу керек:

Элчиликтин расмий сайтынан консулдук каттоого туруу үчүн атайын форманы көчүрүп алуу (кыргыз же орус тилинде);

  • Форманы так жана даана колго толтуруу;
  • Жүзү даана тартылган сүрөтүн чаптоо;
  • Сүрөтү чапталган форма менен улуттук паспортун сканерден өткөрүп элчиликтин msk.ku.kg@mail.ru электрондук дарегине жөнөтүү зарыл.
  • Жогорудагы аракеттер жасалгандан кийин жаран 28-ноябрда өтө турган Жогорку Кеңештин шайлоосуна катышуу үчүн шайлоочулардын тизмесине киргизилет.

Шайлоо участкалары Москвада, Санкт-Петербургда, Сургутта, Самарада, Краснодарда, Казанда, Екатеринбургда, Новосибирскиде, Красноярскиде, Тюменде, Томскиде, Иркутскиде, Хабаровскиде, Владивостокто жана Түштүк-Сахалинде ачылат.

37
Белгилер:
Кыргызстан, Россия, элчилик, Жогорку Кеңеш, шайлоо
Тема:
Жогорку Кеңешке шайлоо 2021
Тема боюнча
Шайлоо 2021: талапкерлер кайсы телеканалдардан дебатка чыгары белгилүү болду
Партиялык система менен 1046 киши депутат болууну мелжеп жатат. Статистика
Аткаминер. Архив

Кагаздиев Нурдин Маратбекович өмүр баян

0
Нурдин Кагаздиев 1985-жылдын 23-сентябрында туулган. Жогорку билимдүү. Иса Ахунбаев атындагы Кыргыз мамлекеттик медициналык академиясы менен Жусуп Баласын атындагы Улуттук университетти аяктаган.

Эмгек жолу:

  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн алдыңкы адиси;
  • Дары-дармек менен камсыздоо жана медициналык техника департаментинин дары-дармек жана медициналык каражаттарды сертификациялоо бөлүмүнүн алдыңкы адиси;
  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн алдыңкы адиси;
  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн башкы адиси;
  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн жетекчиси;
  • Дары-дармек жана медициналык каражат департаментинин директорунун орун басары;
  • 2021-жылдын октябрь айында Дары-дармек жана медициналык каражат департаментинин жетекчиси болуп дайындалды.
0
Белгилер:
КР Саламаттык сактоо министрлиги, дары-дармек, Өмүр баяны, биография, таржымал
Тема боюнча
Баетов Аяз Батыркулович — өмүр баян
Козубеков Нурбек Азимканович — өмүр баян