Шам кармаган кыз. Архивдик cүрөт

5-октябрда Бишкек менен Чүйдүн айрым райондорунда электр жарыгы өчөт. Тизме

162
Кээ бир жерлерде электр жарыгы эртеден кечке чейин жок болсо, айрым көчө, жаңы конуштарда түштөн кийин өчүрүлөт.

БИШКЕК, 4-окт. — Sputnik. Эртең, 5-октябрда, Бишкек менен Чүй облусунун айрым райондорунда электр жарыгы өчүрүлөт. Бул тууралуу "Түндүк электр" ишканасы билдирди.

Маалыматка караганда, жумушчулар үйлөрдүн ичиндеги түйүндөрдү оңдоп, зым тартат.

Электр жарыгы өчө турган жерлер:

  • 9:00дөн 17:00гө чейин Токтоналиев көчөсүндөгү № 14 үйдө, Кудрук, Шорин, Манас, Баялинов, Исанов, Осипенко, Тюмень, Адышев, Московская, Туюк, Профессор Зима көчөлөрү, Волочаевский, Смоленский, Долон, Лагерь, Жети-Өгүз кууш жолдору;
  • 9:00дөн 18:00гө чейин Ак-Босого жаңы конушу ( Чүй, 15, 16, 46, 47 көчөлөрү), Арча-Бешик жаңы конушу (Садыбакасов, Кара-Кужур, Шербет, Күйүкова, Жылга-Сай, Муромская көчөлөрү);
  • 9:30дан 14:00гө чейин Дорожная, Ибраимов, Элебаев, Абдрахманов, Күрөңкеев, Тыныстанов, Пархоменко, Салиева көчөлөрү жана Красноярский кууш жолу;
  • 9:30дан 17:00гө чейин 3-кичи райондогу № 21 үй, Курманалиев, Низова, Шайыр көчөлөрү;
  • 9:30дан 19:00гө чейин Бакай-Ата жаңы конушу (Эр-Табылга, Анар көчөлөрү), Алтын-Ордо жаңы конушу;
  • Мындан сырткары, Чүй облусунун бардык райондорунун айрым көчөлөрүндө электр жарыгы убактылуу жок болору айтылды.
162
Белгилер:
Бишкек, Чүй облусу, электр жарыгы, оңдоо, 'Түндүк Электр' ишканасы
Тема боюнча
Бишкекте түнкүсүн жарык берүүгө чектөө киргизилбей турган болду
Айыл, суу чарба жана региондорду өнүктүрүү министрлигинин Механизациялоо жана айыл чарбасын энергия менен камсыз кылуу департаментинин директору Нурлан Кожогулов

Кожогулов: 450 техника дыйкандарга жеңилдетилген шартта берилет

5
Айыл, суу чарба жана региондорду өнүктүрүү министрлигинин Механизациялоо жана айыл чарбасын энергия менен камсыз кылуу департаментинин директору Нурлан Кожогулов фермерлер үчүн айыл чарба көргөзмөсү өтөрүн маалымдады.

Бишкек шаарынын эски аянтында 22-24-октябрь күндөрү фермерлер үчүн "АгроТехЭкспо 2021" көргөзмөсү жана "Алтын күз" айыл чарба жарманкеси өтөт. Бул тууралуу Нурлан Кожогулов Sputnik Кыргызстан радиосунда маек куруп жатып билдирди.

Кожогулов: 450 техника дыйкандарга жеңилдетилген шартта берилет

Анын айтымында, аталган көргөзмө республикада сегизинчи жолу өткөрүлүүдө.

"Көргөзмөгө жалпы 200дөн ашык чет элдик жана жергиликтүү компания, ишкерлердин катышуусу күтүлүүдө. Анда дыйкандарга заманбап техникалар, технологиялар, асыл тукум малдын жаңы породалары, жер семирткичтер, вакциналар жана банк кызматтары сунушталат. Мындан тышкары, окутуулар, айыл чарба тармагындагы кызмат көрсөтүүлөр болот. Бул жылы көргөзмөгө асыл тукум малдын породалары боюнча кошумча бөлүм кошулат. Ошондой эле органикалык айыл чарба продукцияларынын жарманкеси өтөт. Аны өндүрүү боюнча мастер-класстар уюштурулат. Мындай көргөзмөлөр жакшы натыйжа берет. Анткени дыйкандар оруп-жыюу иштери жыйынтыкталган соң көргөзмөгө катышып тетиктер, техника боюнча маалымат алып тапшырык беришет. Быйыл лизинг берүү боюнча эки жаңы долбоор киргиздик. Февралда 540 миллион сом, октябрдын башында 446 миллион сом бөлүндү. Жылдын этегине чейин лизингге айыл чарба техникаларын берүүнү 900 миллиондон 1 миллиард сомго жеткирүүнү мерчемдеп жатабыз. Жалпы 450 техника дыйкандарга жеңилдетилген шартта берилет", — деди Кожогулов.

Ошондой эле ал республика боюнча 10 миңден ашык дыйкандын жана 5-6 миң Бишкек шаарынын тургундарынын катышуусу күтүлүп жатканын кошумчалады.

Подкастты толугу менен видеодон көрө аласыз:

5
Белгилер:
Нурлан Кожогулов, дыйкан, техника, шарт
Тема боюнча
Фермерлер Чоң Чүй каналынын суусунан канткенде көз каранды болбойт. Шарты
Төө-Ашууда автоунаа. Архив

Төө-Ашуу менен Суусамырда сак болгула! Милиция айдоочуларга кайрылды

35
(жаңыланган 10:00 22.10.2021)
Кайгуул кызматы айдоочуларды ашууларда ылдамдыкты өтө жогорулатпай, каршы тилкеге чыкпоого чакырды.

БИШКЕК, 22-окт. — Sputnik. Чүй облустук милициясынын Жол кыймылы коопсуздугун камсыздоо башкармалыгы аба ырайы бузулгандыгына байланыштуу айдоочуларды Суусамыр өрөөнү менен Төө-Ашуудан өтүүдө сак болууга чакырды.

Билдирмеге караганда, кайгуул кызматынын өкүлдөрү аталган аймактарда жол тазалоо иштерин көзөмөлдөп, коопсуздукту камсыз кылууда.

"Айдоочулар өтө сак болуп, автоунаалар арасындагы аралыкты сактап, ылдамдыкты жогорулатпай, каршы тилкеге чыкпашы керек!" — деп жазылган маалыматта.

Буга чейин ӨКМ 22-23-октябрда өлкөнүн көпчүлүк аймактарында аба ырайы кескин өзгөрүп, жаан, кээ бир жерлерге кар жаай турганын эскерткен.

35
Белгилер:
Төө-Ашуу, Суусамыр, ашуу, кар, эскертүү, айдоочу
Тема боюнча
Автоунааны кышка даярдоодо биринчи эмнелер маанилүү. Эксперттин кеңеши
Голливуд актёру Алек Болдуин. Архив

Актёр Алек Болдуин тасма тартуу учурунда атып алган оператор аял көз жумду

0
(жаңыланган 10:22 22.10.2021)
Тасма тартуу учурунда актёр бир гана операторду эмес, режиссёрду дагы аткан. Полициянын маалыматына караганда, Болдуинге азырынча эч кандай айып тагыла элек.

БИШКЕК, 22-окт. — Sputnik. Голливуд актёру Алек Болдуин тасма тартуу аянтчасында тапанчадан ок чыгарып, жыйынтыгында оператор аял каза болду. Бул тууралуу Нью-Мексико штатындагы Санта-Фе округунун шерифи Хуан Риоско шилтеме берип РИА Новости жазды.

Шерифке актёр Алек Болдуин тасмага реквизит катары пайдаланылып жаткан куралдан ок чыгарганы тууралуу маалымат түшкөн.

"Эреже боюнча ал куралга огу жок патрондор салынышы керек болчу. Бирок андай болгон эмес. Кесепетинде Алина Хатчинс аттуу 42 жаштагы операторго ок тийип, тик учак менен ооруканага жеткирилген. Бирок дарыгерлер анын өмүрүн сактап кала алган жок. Ал эми акырегинен жаракат алган режиссёр Жоэл Соус аман калды. Анткен менен оорукана түшүп, учурда абалы оор деп бааланууда", — деп айтылат кабарда.

Полициянын маалыматына караганда, Болдуинге азырынча эч кандай айып тагыла элек.

Эмне себептен куралга ок салынганы жана актёр аны эмне себептен режиссёр менен оператор тарапка каратып атканы азырынча белгисиз.

0
Белгилер:
АКШ, тасма, курал, оператор, ок атуу, өлүм, Алек Болдуин
Тема боюнча
Ысык-Көлдө боксёрдук груша менен машыгып жаткан өспүрүм каза болду
Россиялык тасмага тартылган кыргызстандык курьерди режиссер издеп жатат. Видео