Кант. Архив

Ооруга кептейт. Диетолог 45 жаштан кийин баш тарта турчу азыктарды атады

521
Адис организмде өзгөрүү жүргөн маалда айрым азыктар рак, диабетке кабылуу коркунучун жогорулатышы ыктымал экенине токтолгон.

БИШКЕК, 5-окт. — Sputnik. Ден соолукту сактап калыш үчүн жаш өйдөлөгөн сайын күнүмдүк тамактанууга маани берип, рационду өзгөртүү керек. Бул тууралуу диетолог Анна Петрова билдиргенин РИА Новости жазды.

Анын айтымында, 45 жаштан кийин калориялуу тамактардан, консервант жана майдан баш тартуу керек.

Адис организмде өзгөрүү жүрүп жаткан маалда айрым азыктар рак, диабетке кабылуу коркунучун жогорулатышы ыктымал экенине токтолгон.

"Эң биринчи таттуу токочтордон баш тарткан оң. Анткени ал адамды шишитип, терини бузат. Мындан сырткары, курамында кумшекери көп тамактар жана кондитер азыктары атеросклероз, инсульт, жүрөк оорусуна кептеши мүмкүн", — деген диетолог.

Адис анын ордуна кумшекер кошулбаган торт, диеталык десерттерди сунуштаган. Ошондой эле ачыткы кошулбай бышкан нан жеш керектигин айткан. Петрова ичимдик боорго күч келтире турганын эскертип, андан да баш тартууну сунуштаган.

521
Белгилер:
азык, оору, жаш курак, диетолог, туура тамактануу, тамактануу
Тема боюнча
Исмаилова: туура тамактануу изилдөөсүнө 3000ден ашык үй-бүлө катышууда
Шам жандырып жаткан аял. Архив

Эртең Бишкектин айрым көчөлөрү менен конуштарында жарык өчөт. График

2
(жаңыланган 17:55 28.10.2021)
Бригадалар үйлөрдүн ичиндеги түйүндөрдү оңдоп, зым тартат. Ошондой эле трансформаторлорду карап чыгышат.

БИШКЕК, 28-окт. — Sputnik. Бишкектин кээ бир аймактарында эртең, 29-октябрда, жарык өчөт. Бул тууралуу "Түндүк электр" ишканасы билдирди.

Жарык берүү үзгүлтүккө учурай турган аймактар:

  • 9:00-17:00 — Фрунзе, Ала-Арча, Бөкөнбаев көчөлөрүнүн бөлүктөрүндө, Жибек Жолу проспектинде, Ак-Босого (Чүй, 19, 23) конушунда;
  • 9:30-11:30 — Рухий-Мурас конушунда;
  • 9:30-13:30 — Алтын-Ордо (2-4-көчөлөр) конушунда;
  • 9:30-17:00 — Осмонкул, № 295;
  • 9:30-18:00 — Арча-Бешик (Чортеков, Кең-Кол, Кең-Суу), Ак-Босого (Чүй, 4) конуштарында;
  • 9:30-19:00 — Токомбаев, Жукеев-Пудовкин, Дачный көчөлөрүнүн бөлүктөрүндө, Дачный, Арал туюк көчөлөрүндө;
  • 11:30-13:00 — Туңгуч кичи районунда, № 5-8, 21, 23, 25, 27, 36, 36/1а, 36/1а, 37, 39;
  • 13:00-15:00 — "Туңгуч" кичи районунда, № 16/1, 17/2, 1-4, 12, 15, 17, 19;
  • 13:00-18:00 — Пушкин, Рыскулов, Павлов, Чымкент, Кулиев, Чүй көчөлөрүнүн бир бөлүгүндө, Краснознаменный туюк көчөсүндө;
  • 14:00-18:00 — Ак-Босого (Чүй 29, 30) конушунда;
  • 15:30-17:30 — Медеров, Найманбаев, Суванбердиев, Матросов, Скрябин көчөлөрүнүн бир бөлүгүндө, Елецкий туюк көчөсүндө.
2
Белгилер:
Бишкек, жарык берүү, 'Түндүк Электр' ишканасы
Тема боюнча
Жаан жаайбы? Дем алышка карата аба ырайы
Кыз электрондук тамеки менен. Архив

Электрондук тамеки менен кальяндын салыгы 10 эсе жогорулайт. Жаңы кодекс

29
Салыктык ставкалар кадимки тамеки менен теңделип, натыйжада жылына бюджетке кошумча 50 миллион сом түшөрү болжолдонууда.

БИШКЕК, 28-окт. — Sputnik. Кальян, электрондук тамеки, вейп сыяктуу тамекини алмаштыруучу каражаттардын акциздик салыгы 10 эсеге жогорулайт. Бул туурасында жаңы Салык кодексинин долбоорунда жазылган.

Ага ылайык, 1 000 даанасына 2 250 сомго чейин (ысытылуучу тамеки таякчалар, ысытылуучу тамеки капсулалары жана башка) акциз салыгын көбөйтүү, башкача айтканда, кадимки тамекинин салыгы менен теңдөө каралууда.

"Азыркы учурда тамекини алмаштыруучулар кеңири колдонулууда, салык салуу шарттарын теңдөө үчүн аталган категориядагылардын акциз салыгынын ставкасын жогорулатуу боюнча чечим кабыл алынды. Бир даана ысытылуучу тамекиге болгон акциз салыгы кадимки чылымдын акциз салыгынан 10 эсеге аз. Салыкты көтөрүүнүн натыйжасында жылына бюджетке кошумча 50 миллион сом түшөрү болжолдонууда", — деп жазылган долбоордо.

Ошондой эле мындай норманы киргизүүгө жакында коомдук жайлар менен мекемелерде чылымдын бардык түрүн чегүүгө тыюу салган мыйзам кабыл алынганы да түрткү болгон.

29
Белгилер:
кальян, салык кодекси, электрондук тамеки
Тема боюнча
Жапаров бюджетти 400 млрд. сомго чыгаруу үчүн каяктан акча табарын айтты. Видео
Instagram да, блогер да салык төлөйт. Жаңы кодекске кошулган берене