Компьютерде иштеп жаткан кыз. Архив

Ортопед: компьютердин алдында туура эмес отуруу мээге кедергисин тийгизет

61
Дарыгер мониторду тиктеп көпкө отурганда баш билинбей алдыга салаңдап, мунун айынан моюн булчуңдарына күч келип, мээге кан менен кычкылтек жетпей каларын айтты.

БИШКЕК, 5-окт. — Sputnik. Жумуш аяктаганда катуу чарчоо компьютердин алдында туура эмес отурганга да байланыштуу болушу мүмкүн. Бул тууралуу Sputnik радиосуна дарыгер-ортопед Елена Пастарнак ой бөлүштү.

Дарыгердин айтымында, адатта бул иштин өзү жеңил өтүп, ага карабастан алдан тайып калганда байкалат. Себеби адам туура эмес отурганда мээге кычкылтек жетпей калат.

"Мониторду тиктеп көпкө отурганда башыбызды түз кармабайбыз. Башыбыз алдыга ылдыйлаганда моюн булчуңдарына күч келип, кан жакшы айланбай, баш ооруп, адам өзүн жаман сезет. Анан далыны куушуруп, бүкүрөйүп да алабыз. Мунун айынан төш кысылып, дем алуу начарлайт. Мээге кан менен кычкылтектин толук жетпей калышынан алсыздык жана уйкучулук жаралат", — деди Пастарнак.

Дарыгер мындай кесепеттерди алдын алуу үчүн компьютердин алдында белди жана башты түз кармап отурууну, ошол эле учурда чыңалбай, денени бош коюуга кеңеш берген.

Ошондой эле дарыгер-ортопед кеңсе кызматкерлерине күнүнө жок дегенде бир сааттан ордунан туруп, кыймылдоону сунуштаган.

 

61
Белгилер:
компьютер, ортопедия, мээ, кан
Тема боюнча
Ооруга кептейт. Диетолог 45 жаштан кийин баш тарта турчу азыктарды атады
Бутту жабыркатпай турган бут кийимди кантип тандоо керек. Ортопеддин кеңеши
Кабул шаары. Архив

Электростанциядагы жарылуудан улам Кабул толугу менен жарыксыз калды

113
(жаңыланган 23:18 21.10.2021)
Өлкөнүн Мамлекеттик энергетикалык корпорациясы электр кубатын өткөрүүчү зымдар иштен чыкканын маалымдаган.

БИШКЕК, 21-окт. — Sputnik. Афганистандын борбору Кабул шаары жана башка бир катар провинциялар жарыксыз калды. Бул тууралуу Афганистандын Мамлекеттик энергетикалык корпорациясы билдиргенин РИА Новости жазды.

Маалыматка ылайык, борбор калаанын түндүк-батышындагы электростанцияда жарылуу болгон. Анын кесепетинен электр кубатын өткөрүүчү зымдар иштен чыккан.

113
Белгилер:
Кабул, электр энергиясы, жарылуу, өчүрүү
Тема боюнча
Кабулдагы терактылар, Багландагы салгылаш. Талибдер көзөмөлдү колдон чыгаргандай
Афганистанда полиция имаратынын жанында жардыруу болду
Санарип коомчулук 2021 конференциясын банери

Huawei компаниясынын конференциясында санариптик тренддер талкууланат

54
(жаңыланган 21:20 21.10.2021)
Huawei ишканасынын өкүлдөрү "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

БИШКЕК, 21-окт. — Sputnik. Huawei компаниясы 26-27-октябрда жыл сайын болуучу экинчи "Санарип коомчулук 2021" конференциясын (Huawei Digital Community Conference 2021, HDCC) өткөрөт. Бул тууралуу компаниядан билдирди.

Huawei ишканасынын өкүлдөрү Россияда коопсуз жана көз карандысыз экосистема тармагын куруу процессине катышуунун алкагында "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

"Конференция – бул кардарларга жана өнөктөштөргө санарип трансформациясына байланыштуу өзгөрүүлөргө байкоо салууга жардам бере турган ачык платформа. Ошондой эле маалыматтык-коммуникациялык экосистеманы өнүктүрүүнү тездетүү үчүн биргеликте иштөө жана тажрыйба алмашуу каралган. Жарандар онлайн режиминде пленардык сессияны жана форумду көрө алышат жана санарип жаатындагы маселелерди эксперттер менен талкуулоого шарт түзүлөт", — деп айтылат маалыматта.

Конференцияга катышуучуларына дүйнөдө жана Россияда маалыматтык-коммуникациялык технологиялардын өнүгүп жаткан тренддери менен таанышууга мүмкүнчүлүк түзөт. Ошондой эле санарип энергетика, "булут" технологиялары жана уюлдук экосистема боюнча маалымат берилет.

Президент Huawei в Евразии Дэниел Чжоу
© Фото / пресс-служба Huawei / ARSEN GALSTYAN
Huawei компаниясынын Евразиядагы президенти Дэниела Чжоу
"Маалыматтык технология жаатындагы алдыңкы эксперттер менен биргеликте биз ар кандай тармактагы санариптик бизнес-моделдерди колдонуунун практикалык кейстерин изилдейбиз жана санарип технологиялар доорунда бизнести өнүктүрүү үчүн соңку чечимдерди ортого салабыз", — деди Huawei компаниясынын Евразиядагы президенти Дэниела Чжоу.

Иш-чарада маалыматтык-коммуникациялык технология индустриясынын ар кандай аспектилерин талкуулоо үчүн алты темада форум уюштурулат.

Катышуучулар үчүн виртуалдуу көргөзмө зонасы жеткиликтүү болот. Ал жактан Huawei компаниясы өзүнүн ийгиликтүү кардарлары менен өнөктөштөрүнө өнөр жайды санариптештирүү үчүн жасап берген продукциялары көрсөтүлөт. Ошондой эле Huawei эксперттери менен реалдуу убакыт режиминде сүйлөшүүгө шарт түзүлмөкчү.

54
Белгилер:
Huawei, конференция, эксперт, санарип
Тема боюнча
Бишкектин борбордук бөлүгүндө акысыз Wi-Fi зона иштей баштады
Кыргызстанда Илон Масктын Starlink компаниясынын өкүлчүлүгү ачылышы мүмкүн
Россиянын президенти Владимир Путин

Путин: коммунисттер менен улутчулдарга бирдей кароо такыр туура эмес

0
(жаңыланган 01:00 22.10.2021)
Россиянын башчысы экинчи дүйнөлүк согушка байланыштуу маселелерди талашууга аргументтери бар экенин айтты.

БИШКЕК, 22-окт. — Sputnik. Коммунисттер менен улутчулдарды бирдей кароо такыр туура эмес. Бул тууралуу Россиянын президенти Владимир Путин Эл аралык “Валдай” дискуссиялык клубунун жыйынында билдирди.

Путин тарыхый эстеликтер тууралуу сөз болгондо экинчи дүйнөлүк согушка байланыштуу маселелерди талашууга аргументтери бар экенин айтты.

“Бизде 1917-жылдан 1990-жылга чейинки өлкөнүн башкаруучуларына көптөгөн дооматыбыз бар. Бул кадыр эсе көрүнүш. Бирок экинчи дүйнөлүк согуштун алдында коммунисттер менен улутчулдарды бир жерге коюп, жоопкерчилигин 50\50 пайыздан бөлүп кароо такыр орунсуз”, — деди Россия лидери.

Путин бул сөздөрдү СССРдин мураскери аталган Россиянын башчысы жана орус жараны болгону үчүн гана айтып жатпаганын белгиледи.

“Мен муну изилдөөчү катары айтып жатам. Архивде жаткан документтерди окуп чыктым”, — деди Россиянын башчысы.

Анын айтымында, анын арасында лагерлер жана репрессия сыяктуу Сталин жөнүндө көп нерсени эстесе болот.

“Бирок мен документтерден анын резолюцияларын көрдүм. Совет өкмөтү экинчи дүйнөлүк согуштун башталышына жол бербөө үчүн күрөшкөн”, — деди Путин.

Ошондой эле ал тарыхты бурмалоо аракети ар дайым болушу мүмкүн экенин, бирок жок дегенде документтерди окуп коюуга чакырды.

0
Белгилер:
Владимир Путин, тарых, улутчул, коммунист
Тема боюнча
Путин Афганистандын экономикасын калыбына келтирүү үчүн көмөктөшүүгө чакырды