Кыргызстандын президенти Садыр Жапаров. Архив

Эң заманбап технологиялар да мугалимди алмаштыра албайт. Жапаровдун куттуктоосу

56
(жаңыланган 11:58 05.10.2021)
Президент эң заманбап делген маалыматтык технологиялар да мугалим менен болгон байланышты алмаштыра албастыгын белгилеген.

БИШКЕК, 5-окт. — Sputnik. Педагог өлкөнүн тиреги экенин, аларсыз туруктуу коомду, демократиялык мамлекетти курууга мүмкүн эместигин жакшы түшүнүшүбүз кажет. Бул тууралуу президент Садыр Жапаров бүгүн мугалимдерин жана билим берүү кызматкерлерин кесиптик майрамы менен куттуктоосунда билдирген.

Мамлекет башчынын маалымат кызматы Жапаров бүгүнкү күндө билим берүү дүйнө жүзүндөгү коомчулуктун өнүгүүсүндөгү эң негизги көрсөткүчтөрдүн жана приоритеттүү багыттардын бири деп белгилегендигин айткан.

"Заманбап билим берүү бул жөн гана билим топтоо эмес, бул окуучулардын аналитикалык жөндөмдүүлүгүн жана сынчыл ой жүгүртүүсүн өркүндөтүү, өзүнө жоопкерчилик алууга даярдоо экендигине ынандым. Мындай жөндөмдүүлүктүн баарын балдарыбызга мугалимдер үйрөтөт. Мына ошондуктан ар бирибиз педагог бул өлкөнүн тиреги экенин, аларсыз туруктуу коомду жана демократиялык мамлекетти курууга мүмкүн эместигин жакшы түшүнүшүбүз кажет", — деген мамлекет башчы.

Жапаров бүгүнкү күндө билим берүү кызматкерлерин колдоо жана билимдин кадыр-баркын калыптандыруу мамлекеттин артыкчылыктуу багыты болуп саналарын баса белгилеген.

Ош облусундагы жаш мугалимдерге жер тилке жана батирлердин сертификаты тапшырылды
© Фото / полномочный представитель президента в Ошской области
"Өлкөнүн атаандаштыкка жөндөмдүүлүгүн жогорулатуу үчүн иш жүзүндө мугалимдерибиздин жогорку статуска жетишине кам көрүшүбүз зарыл. Биз мугалимдик кесиптин кадыр-баркын арттырууга ниеттенип жатабыз. Кыргызстан элинин сабаттуу болушун, жаштарыбыздын сапаттуу билим менен камсыздалышын кааласак, билим берүү кызматкерлеринин — мугалимдердин эмгегине көңүл бурууга мезгил келип жетти. Себеби, эртеңки келечегибиз мугалимдер окутуп жаткан балдарга байланыштуу", — деген ал.

Президент эң заманбап делген маалыматтык технологиялар да мугалим менен болгон байланышты алмаштыра албастыгын төмөнкүчө айткан.

"Учурда биз динамикалык мезгилде жашап жатабыз: илим өнүгүүдө, методдор өркүндөтүлүүдө, билим берүүнүн мазмуну жаңыланууда. Ошентсе да эң заманбап делген маалыматтык технологиялар дагы эч убакта мугалим менен болгон байланышты алмаштыра албайт. Сиздердин ары түйшүктүү эмгегиңиздер берилгендикти, жан дүйнө асылдыгын, чыдамдуулукту жана балдарга болгон чексиз сүйүүнү талап кылат. Биздин мугалимдер өлкөнүн келечеги болгон жаш муунду элибиздин каада-салтына, руханий дөөлөттөрүнө таянып тарбиялашат. Окуучуларын билим чокусуна эле жетелебестен, инсандык сапаттарын калыптандырып, чыныгы мекенчил уул-кыздарды да өстүрүп чыгарышат", — деген Жапаров.

Ал агартуучулардын жогорку кесипкөйлүгү жана ак кызматы үчүн терең ыраазычылык билдирген.

56
Белгилер:
Кыргызстан, Садыр Жапаров, мугалим, куттуктоо
Тема боюнча
Камкордукка алынууга толук акылуу. Жапаров улгайгандарды майрамы менен куттуктады
Кайгуул милициясынын кызматкери. Архив

Кайгуул милициясынын кызматкерлери канча айлык алат? Жооп

23
(жаңыланган 16:53 27.10.2021)
Милициянын кайгуул кызматы пилоттук долбоор катары Бишкек жана Ош шаарында иштеп жатат. Ушул убакка чейин бош вакансиялар бар.

БИШКЕК, 27-окт. — Sputnik. Милициянын кайгуул кызматынын орточо айлык акысы 25 миң сом экенин ЖКККББнын начальнигинин орун басары Манас Сыдыгалиев Sputnik Кыргызстан агенттигинин борборундагы брифингде айтты.
Ошондой эле ал учурда вакансиялар дагы бар экенин кошумчалады.

Заместитель начальника Управления дорожно-патрульной службы и правоприменительной практики ГУОБДД Манас Сыдыгалиев на брифинге в пресс-центре Sputnik Кыргызстан. 27 октярбя 2021 года
© Sputnik / Табылды Кадырбеков
ЖКККББнын начальнигинин орун басары Манас Сыдыгалиев
"Пилоттук долбоор катары бул кызмат Бишкек жана Ош шаарында иштеп жатат. Азыр бош вакансиялар бар. Мурда бул кызматка жогорку билими жок жарандарды алып, кийин анын кесепетин көрдүк. Азыр жогорку билим сөзсүз болушу керек деген талап пайда болду. Башында бул кызматты түзүү менен ар бир чакырууга ыкчам жооп болсун деген максат коюлган. Бирок эсептей келгенде бир экипажга 50 чакырымдан аянт тийип калууда", — деди Садыгалиев.

Андан соң орун басар журналисттердин кызаматкерлер канча айлык алат деген суроосуна жооп берди.

"Айлык акы орто эсеп менен 25 миң сом. Менимче бул мектепти гана бүткөн жаш адистерге жакшы маяна. Бирок мындан ары жогорку билим сөзсүз талап кылынат", — деди ал.

Сөзүнүн айгында Садыгалиев жумуш жеңил болбогондуктан, көпчүлүк кызамткерлер бир аз иштеген соң кетип каларын кошумчалады.

23
Белгилер:
Ош, Бишкек, Кайгуул милициясы, айлык, жумуш
Тема боюнча
Милиция блогер Гүлзат Мамытбекти 110 миң доллар алган деп кармады
Үлпөт тойдо мылтыктан ок аткан бала Ысык-Атадан табылды. Видео
Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды

Москва: Sputnik радиосунда КМШ журналисттери билимин тереңдетүүдө. Сүрөттөр

16
SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс.

БИШКЕК, 27-окт. — Sputnik. Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды.

  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды
    © Sputnik
  • Заместитель главного редактора Sputnik Андрей Благодыренко (слева) во время очной сессии просветительского проекта SputnikPro для молодых журналистов из стран СНГ в Москве
    Катышуучулардын арасында PRIME (Молдавия), Жетинчи канал (Казакстан), Абхазия мамлекеттик телерадиокомпаниясы (Абхазия), Гомель радиосу (Беларусь), Caspian International Broadcasting Company (Азербайжан), kundemi.kg (Кыргызстан), halva.tj (Тажикстан), erit.am (Армения) ЖМКларынын өкүлдөрү бар
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Sputnik мастер-класстары эки күн өткөрүлмөкчү
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт
    © Sputnik
  • В стенах Международного информационного агентства и радио Sputnik в Москве стартовала очная сессия просветительского проекта SputnikPro для молодых журналистов из стран СНГ
    Долбоор 2018-жылдын жаз айларынан башталып, Беларусь, Азербайжан, Армения, Грузия жана Кыргызстандын медиа айдыңында жогорку баага татып келет.
    © Sputnik
1 / 6
© Sputnik
Москвадагы Sputnik маалымат агенттиги жана радиосунда КМШнын жаш журналисттери үчүн SputnikPro долбоору башталды

Катышуучулардын арасында PRIME (Молдавия), Жетинчи канал (Казакстан), Абхазия мамлекеттик телерадиокомпаниясы (Абхазия), Гомель радиосу (Беларусь), Caspian International Broadcasting Company (Азербайжан), kundemi.kg (Кыргызстан), halva.tj (Тажикстан), erit.am (Армения) ЖМКларынын өкүлдөрү бар.

Sputnik мастер-класстары эки күн өткөрүлмөкчү.

"Акыркы учурда универсалдуу журналистика тууралуу көбүрөөк сөз боло баштады. Бир эле киши маек алганды, видео, сүрөт тартканды, түз эфирге чыгууну билиши замандын талабы. Биз өзүбүздүн SputnikPro долбоорубузда журналисттерди ар тараптуу кылганга аракет кылабыз", — деди Sputnik радиосунун башкы редакторунун орун басары Андрей Благодыренко.
Заместитель главного редактора Sputnik Андрей Благодыренко во время очной сессии просветительского проекта SputnikPro для молодых журналистов из стран СНГ в Москве
© Sputnik
Sputnik радиосунун башкы редакторунун орун басары Андрей Благодыренко

Ал эми erit.am порталынын журналисти Яна Шахраманян долбоор тууралуу төмөнкүдөй оюн билдирди.

"Азырынча бизде алгачкы гана лекциялар өтүп жатат. Бирок мен бул жерде өтө зарыл, заманбап нерселерди талкуулап жатканыбызды жакшы түшүндүм. Азыр биз журналист күн сайын башынан өткөрө турган нерселерди кеп кылуудабыз", — деди ал.

SputnikPro — өз тармагынын адистери билими, иш тажрыйбасы менен маалымат катчы, журналист жана ЖОЖ студенттерине бөлүшүү үчүн уюштурулган мастер-класс. Анда Sputnik агенттигинин бөлүмдөрүнүн жетекчилери, ошондой эле белгилүү россиялык журналисттер менен эксперттер тажрыйбасы менен бөлүшөт. Долбоор 2018-жылдын жаз айларынан башталып, Беларусь, Азербайжан, Армения, Грузия жана Кыргызстандын медиа айдыңында жогорку баага татып келет.

Sputnik — 32 тилде жарык көргөн мультимедиалык интернет-сайттардан турган эл аралык ири ЖМК. Ал өзүнө дүйнөнүн 90дон ашык шаарларында жана интернетте орус, англис, француз жана башка тилдерде сүйлөгөн радиолорду камтыйт.

Ал эми Sputnik жаңылыктар түрмөгү англис, араб, испан, кытай жана фарс тилдеринде окурмандарга күнү-түнү маалымат жеткирип турат. Sputnik маалымат ресурсунун окурмандарынын саны айына 60 миллиондон ашат. Sputnik China аккаунтунун Sina Weibo социалдык тармагындагы катталуучулардын саны 9 миллиондон ашты. Дүйнө жүзү боюнча Пекинден тарта Монтевидеого чейинки 22 редакциялык борбордо ондогон улуттагы миңден ашык адам эмгектенет. Sputnik "Россия сегодня" медиатобунун курамына кирет. Башкы кеңсеси Москва шаарында.

16
Белгилер:
Sputnik, 'Россия Сегодня' ЭМА, SputnikPro, долбоор
Тема боюнча
SputnikPro долбоору эл аралык IPRA Golden World Awards сыйлыгына татыды
SputnikPro долбоору: дүйнө жүзүндөгү журналисттерге мастер-класс өткөрүлдү