Кумтөр кенинин аймагына мыйзамсыз көмүлгөн уулуу калдыктар табылды

Кумтөр кенинде жашыруун көмүлгөн уулуу калдыктар табылды. Сүрөт

1554
(жаңыланган 12:14 05.10.2021)
Башкы эколог Centerra жаратылышка жапайы мамиле жасаган деп сыпаттап, мындай иштер үчүн мыйзамда өтө олуттуу айып санкциялары каралганын белгиледи.

БИШКЕК, 5-окт. — Sputnik. Кумтөр кенинин аймагына мыйзамсыз көмүлгөн уулуу калдыктар табылды. Бул тууралуу "Кумтөр голд компани" (КГК) ишканасынын маалымат кызматы кабарлады.

  • На руднике Кумтор выявлены факты незаконной захоронений токсичных отходов
    Кумтөр кенинин аймагына мыйзамсыз көмүлгөн уулуу калдыктар табылды
    © Фото / пресс-служба "Кумтор голд компани"
  • На руднике Кумтор выявлены факты незаконной захоронений токсичных отходов
    Мекеме канадалыктар Кыргызстандын жаратылышты коргоо мыйзамдарын жана эл аралык экологиялык стандарттарды бузганын белгиледи
    © Фото / пресс-служба "Кумтор голд компани"
  • На руднике Кумтор выявлены факты незаконной захоронений токсичных отходов
    Экология жана климат боюнча мамлекеттик комитеттин адистери, тышкы башкарууга алынган КГКнын командасы менен биргеликте калдыктар ташталган бир нече жайды тапкан
    © Фото / пресс-служба "Кумтор голд компани"
  • На руднике Кумтор выявлены факты незаконной захоронений токсичных отходов
    Экология жана климат боюнча мамлекеттик комитеттин төрайымы Динара Кутманова Centerra жаратылышка жапайы мамиле жасаган деп сыпаттап, мындай иштер үчүн мыйзамда өтө олуттуу айып санкциялары каралганын белгиледи.
    © Фото / пресс-служба "Кумтор голд компани"
1 / 4
© Фото / пресс-служба "Кумтор голд компани"
Кумтөр кенинин аймагына мыйзамсыз көмүлгөн уулуу калдыктар табылды

Мекеме канадалыктар Кыргызстандын жаратылышты коргоо мыйзамдарын жана эл аралык экологиялык стандарттарды бузганын белгиледи. Экология жана климат боюнча мамлекеттик комитеттин адистери, тышкы башкарууга алынган КГКнын командасы менен биргеликте калдыктар ташталган бир нече жайды тапкан.

"Кумтөр кенинин аймагында таң калтырган фактылар аныкталды. Ар кайсы жерине таңгакталган химиялык реагенттерди, эски дөңгөлөктөрдү, техниканын тетиктерин, жадагалса автоунааны толугу менен көмүп салышкан. Көптөгөн жылдар бою өндүрүштүк жана күнүмдүк турмушта колдонулган калдыктарды кайра иштетүүнүн ордуна жерге көмүп келишкен. Бул полигондор бир дагы отчётто же документте көрсөтүлгөн эмес. Кызматкерлердин жардамы менен гана табылды. Экологдордун анализи боюнча мындай калдыктар кендин бүт тарабына көмүлгөн", — деп айтылат маалыматта.

Экология жана климат боюнча мамлекеттик комитеттин төрайымы Динара Кутманова Centerra жаратылышка жапайы мамиле жасаган деп сыпаттап, мындай иштер үчүн мыйзамда өтө олуттуу айып санкциялары каралганын белгиледи.

"Centerra Кыргызстанда такыр көзөмөлсүз иштеген деп айтсак болот. Себеби көзөмөлдөөчү органдар толтурган актыларында бир-эки күн гана жүргөнүн жазган. Анда да Centerra уруксат берген жерлерди эле көрө алышкан. 2009-жылкы стратегиялык макулдашуу боюнча Кумтөр улуттук эле эмес, эл аралык экологиялык нормаларды дагы сактоого милдеттеме алган. Эгер Канададагы же батыш өлкөлөрүндөгү кендерден ушинтип көмүлгөн бир эле калдык табылса, экологиялык катастрофа катары кабылданып, бүт дүйнө кен казган компанияны айыптап чыкмак", — деди Кутманова.

Ал эми комитеттин калдыктарды башкаруу бөлүмүнүн башкы адиси Самат Шатманова эреже боюнча колдонулган металл, материалдар, дөңгөлөктөр кайра иштетүүгө жөнөтүлүшү керектигин айткан.

"Кумтөр кениндеги мыйзамсыз полигон боюнча бардык маалыматтар юридикалык баа берүү үчүн укук коргоо органдарына жиберилди. Алдыда тергөөнүн Кыргызстандын жарандарына, анын ичинде мурдагы мамлекеттик кызматкерлерге суроосу жаралышы мүмкүн. Себеби мындай ишти көрбөй, билбей калуу мүмкүн эмес эле", — деп билдирди КГК.

Ошондой эле ишкана бүгүнкү күндө "Кумтор Голд Компанинин" тышкы башкаруучу Теңиз Бөлтүрүктүн тапшырмасы менен экология тыкыр көзөмөлдөнүп, бардык калдыктар ылганып, кайра иштетүүгө жөнөтүлүп жатканын маалымдады.

 

1554
Белгилер:
Кумтөр, экология, калдык, Динара Кутманова
Тема боюнча
Кыргыз бийлиги Кумтөргө орду толгус зыян келтирүүдө. Centerra дагы бир доо койду
Кумтөр иши: Нью-Йорк соту Кыргызстанга санкция салуу арызын колдогон жок

Ижарага батир издеп жүрөсүзбү? Октябрдагы баалар

34
Октябрда Бишкектеги "элиткалардын" ижара акысы кымбаттады. Башкаларга салыштырмалуу жеке типтеги үч бөлмөлүү батирлер арзандаган.
Бишкектеги батирлердин октрябрь айына карата ижара акысы  2021

Sputnik Кыргызстан агенттиги ар ай сайын борбор калаадагы батирлердин ижара акысына көз салып, өткөн айдагы баалары менен салыштырып турат.

Бул материалды даярдоо учурунда 641 жарнама каралды. Октябрда деле өткөндөгүдөй эмереги бар жана мейманкана тибиндеги батирлерди изилдеп чыктык.

Бардык типтеги эмереги бар бир бөлмөлүү батирлердин ижара акысы кайрадан жогорулады. Жеке типтеги бир бөлмөлүү батирге мурдагыга караганда 1 100 сом көп төлөөгө туура келет. Үч бөлмөлүү "элиткалар" болсо 2 900 сомго кымбаттады. 105-сериядагы үч бөлмөлүү батирлердин ижарасы орто эсеп менен алганда 2 300 сомго өстү.

Жеке типтеги эки бөлмөлүү үйлөр 1 800дөй сомго арзандады. Ушул эле категориядагы үч бөлмөлүүлөр 2000 сомго төмөндөдү.

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) орточо ижара баасынын диапазонун көрсөтүп бердик.

Ачык маалымат булактарына таянсак, октябрь айында Бишкектеги эмереги бар бир бөлмөлүү батирлердин ижара акысы төмөнкүдөй болду:

  • 104-серия — 15 800 сом (13 000ден 22 000ге чейин);
  • 105-серия — 15 900 (11 000ден 25 000ге чейин);
  • 106-серия — 16 200 (14 000ден 20 000ге чейин);
  • жеке типтегилер — 17 600 (7 000ден 29 700гө чейин);
  • "элитка" — 27 800 (17 000ден 42 400гө чейин);
  • жеке типтегилер — 7 400 (6 000ден 11 000ге чейин).

Эмереги бар эки бөлмөлүү батирлердин орточо баасы:

  • 104-серия — 20 200 сом (15 000ден 26 000ге чейин);
  • 105-серия — 20 100 (13 000ден 29 700гө чейин);
  • 106-серия — 22 200 (15 000ден 29 700гө чейин);
  • жеке типтегилер — 23 600 (15 000ден 35 000ге чейин);
  • "элитка" — 45 100 (25 000ден 84 800гө чейин).

Эмереги бар үч бөлмөлүү батирлердин орточо баасы:

  • 104-серия — 24 700 сом (18 000ден 29 700гө чейин);
  • 105-серия — 29 300 (20 000ден 42 400гө чейин);
  • 106-серия — 28 900 (20 000ден 40 000ге чейин);
  • жеке типтегилер — 28 200 (20 000ден 42 400гө чейин);
  • "элитка" — 68 400 (33 900дөн 127 200гө чейин).

34
Белгилер:
Бишкек, батир, ижара, эмерек
Тема боюнча
Бишкектеги батирлердин сентябрдагы ижара акысы
Шам жандырып жаткан аял. Архив

Эртең Бишкектин айрым көчөлөрү менен конуштарында жарык өчөт. График

21
(жаңыланган 17:55 28.10.2021)
Бригадалар үйлөрдүн ичиндеги түйүндөрдү оңдоп, зым тартат. Ошондой эле трансформаторлорду карап чыгышат.

БИШКЕК, 28-окт. — Sputnik. Бишкектин кээ бир аймактарында эртең, 29-октябрда, жарык өчөт. Бул тууралуу "Түндүк электр" ишканасы билдирди.

Жарык берүү үзгүлтүккө учурай турган аймактар:

  • 9:00-17:00 — Фрунзе, Ала-Арча, Бөкөнбаев көчөлөрүнүн бөлүктөрүндө, Жибек Жолу проспектинде, Ак-Босого (Чүй, 19, 23) конушунда;
  • 9:30-11:30 — Рухий-Мурас конушунда;
  • 9:30-13:30 — Алтын-Ордо (2-4-көчөлөр) конушунда;
  • 9:30-17:00 — Осмонкул, № 295;
  • 9:30-18:00 — Арча-Бешик (Чортеков, Кең-Кол, Кең-Суу), Ак-Босого (Чүй, 4) конуштарында;
  • 9:30-19:00 — Токомбаев, Жукеев-Пудовкин, Дачный көчөлөрүнүн бөлүктөрүндө, Дачный, Арал туюк көчөлөрүндө;
  • 11:30-13:00 — Туңгуч кичи районунда, № 5-8, 21, 23, 25, 27, 36, 36/1а, 36/1а, 37, 39;
  • 13:00-15:00 — "Туңгуч" кичи районунда, № 16/1, 17/2, 1-4, 12, 15, 17, 19;
  • 13:00-18:00 — Пушкин, Рыскулов, Павлов, Чымкент, Кулиев, Чүй көчөлөрүнүн бир бөлүгүндө, Краснознаменный туюк көчөсүндө;
  • 14:00-18:00 — Ак-Босого (Чүй 29, 30) конушунда;
  • 15:30-17:30 — Медеров, Найманбаев, Суванбердиев, Матросов, Скрябин көчөлөрүнүн бир бөлүгүндө, Елецкий туюк көчөсүндө.
21
Белгилер:
Бишкек, жарык берүү, 'Түндүк Электр' ишканасы
Тема боюнча
Жаан жаайбы? Дем алышка карата аба ырайы
Талибан кыймылдын өкүлү Забиулла Муджахид

Тажикстан Афганистандын жаңы бийлигин тааныбай турганын айтты

0
(жаңыланган 19:15 28.10.2021)
Афганистанга коңшу мамлекеттердин министрлеринин жыйынына Кытай, Россия, Өзбекстан, Тажикстан, Пакистан жана Ирандын тышкы иштер министрлери катышкан.

БИШКЕК, 28-окт. — Sputnik. Тажикстан бийлиги Афганистандын жаңы өкмөтүн тааныгысы келбейт. Бул тууралуу Тажикстандын тышкы иштер министри Сироджиддин Мухриддин Афганистанга коңшу мамлекеттердин министрлеринин Тегеран шаарындагы жыйынында айтты.

Министрге шилтеме берип Sputnik Тажикстан агенттигинин жазганына караганда, жаңы бийлик Кабулду күч менен басып алып, өз элинин жана этникалык топтордун пикирин эске албастан өкмөттү ээлеп алды.

"Этникалык тажиктер афган элинин 46 пайызын түзгөндүктөн өкмөттөн орун алышы керек болчу", — деди Мухриддин.

Афганистанга коңшу мамлекеттердин министрлеринин жыйынына Кытайдын, Россиянын, Өзбекстандын, Тажикстандын, Пакистандын жана Ирандын тышкы иштер министрлери катышкан.

Белгилей кетсек, Борбор Азия мамлекеттеринин ичинен афган элине биринчилерден болуп Кыргызстан кол сунду. Сентябрь айынын соңунда КРдин Коопсуздук кеңешинин төрагасынын орун басары Таалатбек Масадыков Кабулга барып, "Талибан"* өкмөтүнүн ТИМ башчысы Амир Хан Муттаки менен жолуккан. Президенттин маалымат кызматы Масадыков башында турган кыргыз делегациясы Кыргызстан элинин атынан Афганистан Ислам Республикасынын элине гуманитардык жүк жеткиргенин кабарлаган.

Афган бийлиги менен Өзбекстан, Казакстан жана Кытай кызматташууга даяр экенин расмий жарыялаган.

Кийин G20 мамлекеттери кезектеги жыйынында кааласа да, каалабаса да талибдер менен иштешип, ал тургай гуманитардык жардам берүүгө мажбур экенин билдиришкен.

Ал эми 20-октябрда Россиянын борборуна талибдердин делегациясы барып, Афганистан боюнча сүйлөшүүлөр "Москва форматы" боюнча жүргүзүлдү. Иш-чарага 10 мамлекеттин делегаттары катышты.

* — Кыргызстан жана башка мамлекеттерде тыюу салынган уюм

0
Белгилер:
Афганистан, Тажикстан, өкмөт, бийлик
Тема:
Афган бийлиги менен талибдердин тиреши
Тема боюнча
Москва талибдерден афган элине либералдуу мамиле күтөрүн айтты
Талибан* жардам алууну кааласа көмөк көрсөтүшү керек. Россиянын позициясы