Октябрь окуялары учурунда каза болгон Үмүтбек Алтынбек уулунун үй-бүлөсүнө батир тапшыруу

Октябрь окуясында каза болгон Үмүтбектин үй-бүлөсү жаңы батирге кирди. Сүрөт

199
(жаңыланган 15:31 05.10.2021)
Президент менен жолугушуудан соң, калаа мэри Айбек Жунушалиев Үмүтбектин үй-бүлөсүнө жаңы батирин көрсөткөн.

БИШКЕК, 5-окт. — Sputnik. Президент Садыр Жапаров октябрь окуялары учурунда каза болгон Үмүтбек Алтынбек уулунун үй-бүлөсү менен жолукту. Бул тууралуу мамлекет башчынын маалымат кызматы билдирди.

  • Президент Кыргызстана Садыр Жапаров во время вручения квартиры семье погибшего во время октябрьских событий 2020 года Умутбека Алтынбек уулу
    Президент Садыр Жапаров октябрь окуялары учурунда каза болгон Үмүтбек Алтынбек уулунун үй-бүлөсү менен жолукту
    © Пресс-служба президента КР / Султан Досалиев
  • Президент Кыргызстана Садыр Жапаров во время вручения квартиры семье погибшего во время октябрьских событий 2020 года Умутбека Алтынбек уулу
    Жолугушууга маркумдун атасы Алтынбек Жуматаев жана эжеси Инаят Жээналиева келген
    © Пресс-служба президента КР / Султан Досалиев
  • Вручение квартиры семье погибшего во время октябрьских событий Умутбека Алтынбек уулу
    Анда Жапаров маркумдун атасына Бишкек шаарындагы эки бөлмөлүү батирдин ачкычын тапшырганы айтылды
    © Пресс-служба президента КР / Султан Досалиев
  • Вручение квартиры семье погибшего во время октябрьских событий Умутбека Алтынбек уулу
    Президент менен жолугушуудан соң, Бишкек шаарынын мэри Айбек Жунушалиев каза болгон жигиттин үй-бүлөсүнө жаңы батирин көрсөткөн.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Садыр Жапаров октябрь окуялары учурунда каза болгон Үмүтбек Алтынбек уулунун үй-бүлөсү менен жолукту

Жолугушууга маркумдун атасы Алтынбек Жуматаев жана эжеси Инаят Жээналиева келген. Анда Жапаров маркумдун атасына Бишкек шаарындагы эки бөлмөлүү батирдин ачкычын тапшырганы айтылды.

"Жолугушуу алдында мамлекет башчысы Үмүтбектин арбагына багыштап куран окуду. Жигиттин туугандары менен жакындарына дагы бир жолу көңүл айтып, ата-эне үчүн баланын ордун эч нерсе толтура албасын белгиледи. Президент октябрь окуяларынан көп өтпөй, Бишкек мэриясына Үмүтбектин үй-бүлөсүнө колдоо көрсөтүү үчүн батир берүүнү тапшырганын, бирок маселе айрым кызматкерлердин шалаакылыгынан улам кечеңдеп кеткенин кошумчалады", — деп айтылат маалыматта.

Президент менен жолугушуудан соң, Бишкек шаарынын мэри Айбек Жунушалиев каза болгон жигиттин үй-бүлөсүнө жаңы батирин көрсөткөн.

199
Белгилер:
Үмүтбек Алтынбек улуу, батир, Садыр Жапаров, жолугушуу
Тема боюнча
Бишкек мэри Үмүтбектин атасына үй кайсы жерден берилерин айтты
Бийлик укпай койгон. Садыр Жапаров октябрда эл эмнеге толкуганын айтты
Санарип коомчулук 2021 конференциясын банери

Huawei компаниясынын конференциясында санариптик тренддер талкууланат

17
(жаңыланган 21:20 21.10.2021)
Huawei ишканасынын өкүлдөрү "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

БИШКЕК, 21-окт. — Sputnik. Huawei компаниясы 26-27-октябрда жыл сайын болуучу экинчи "Санарип коомчулук 2021" конференциясын (Huawei Digital Community Conference 2021, HDCC) өткөрөт. Бул тууралуу компаниядан билдирди.

Huawei ишканасынын өкүлдөрү Россияда коопсуз жана көз карандысыз экосистема тармагын куруу процессине катышуунун алкагында "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

"Конференция – бул кардарларга жана өнөктөштөргө санарип трансформациясына байланыштуу өзгөрүүлөргө байкоо салууга жардам бере турган ачык платформа. Ошондой эле маалыматтык-коммуникациялык экосистеманы өнүктүрүүнү тездетүү үчүн биргеликте иштөө жана тажрыйба алмашуу каралган. Жарандар онлайн режиминде пленардык сессияны жана форумду көрө алышат жана санарип жаатындагы маселелерди эксперттер менен талкуулоого шарт түзүлөт", — деп айтылат маалыматта.

Конференцияга катышуучуларына дүйнөдө жана Россияда маалыматтык-коммуникациялык технологиялардын өнүгүп жаткан тренддери менен таанышууга мүмкүнчүлүк түзөт. Ошондой эле санарип энергетика, "булут" технологиялары жана уюлдук экосистема боюнча маалымат берилет.

Президент Huawei в Евразии Дэниел Чжоу
© Фото / пресс-служба Huawei / ARSEN GALSTYAN
Huawei компаниясынын Евразиядагы президенти Дэниела Чжоу
"Маалыматтык технология жаатындагы алдыңкы эксперттер менен биргеликте биз ар кандай тармактагы санариптик бизнес-моделдерди колдонуунун практикалык кейстерин изилдейбиз жана санарип технологиялар доорунда бизнести өнүктүрүү үчүн соңку чечимдерди ортого салабыз", — деди Huawei компаниясынын Евразиядагы президенти Дэниела Чжоу.

Иш-чарада маалыматтык-коммуникациялык технология индустриясынын ар кандай аспектилерин талкуулоо үчүн алты темада форум уюштурулат.

Катышуучулар үчүн виртуалдуу көргөзмө зонасы жеткиликтүү болот. Ал жактан Huawei компаниясы өзүнүн ийгиликтүү кардарлары менен өнөктөштөрүнө өнөр жайды санариптештирүү үчүн жасап берген продукциялары көрсөтүлөт. Ошондой эле Huawei эксперттери менен реалдуу убакыт режиминде сүйлөшүүгө шарт түзүлмөкчү.

17
Белгилер:
Huawei, конференция, эксперт, санарип
Тема боюнча
Бишкектин борбордук бөлүгүндө акысыз Wi-Fi зона иштей баштады
Кыргызстанда Илон Масктын Starlink компаниясынын өкүлчүлүгү ачылышы мүмкүн
Аял кол чатыр менен кар жаган учурда. Архив

Жума күнгө карата аба ырайы

24
22-октябрда аба ырайы кескин өзгөрүлүп, көпчүлүк аймактарда мезгил-мезгили менен жаан жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-окт. — Sputnik. Жума күнү өлкөнүн тоолуу райондорунда кар жаап, жолдорго муз тоңот. Бул тууралуу Кыргызгидромет билдирди.

Абанын температурасы Чүй, Ысык-Көл облустарында +1…+6, Таласта 0…+5, Ош, Жалал-Абад, Баткен аймактарында +4…+9, Нарын өрөөнүндө 0…+5 градус болот.

Күндүн табы Бишкекте +2…+4, Ош шаарында +6…+8 градусту көрсөтөт.

24
Белгилер:
аба ырайы, октябрь, Кыргызстан
Тема боюнча
Ноябрь айында аба ырайы кандай болот. Синоптиктердин божомолу