Кызыл зонада иштеген медик. Архив

Кызыл зонада иштеген медиктердин компенсациясы эмнеге берилбей жатканы айтылды

199
(жаңыланган 15:54 05.10.2021)
Бишкек шаарынын айрым ооруканаларында кызыл зонада иштеген медиктер азыркы күнгө чейин кошумча акысын ала албай убара.

Sputnik Кыргызстан агенттиги ак халатчандарга берилчү акча эмнеге кечиктирилип жатканын билип көрдү.

Улуттук онкология жана гематология борборунун кызматкери (аты-жөнүн жарыя кылбоону суранды) августтун ортосунан сентябрдын ортосуна чейин аталган ооруканада кызыл зона ачылганын айтып, ал жакта иштеген медиктер кошумча акысын ала албай жатканын билдирди.

"Кызыл зонага кирип жатканда кошумча акы төлөнө турганын убадалашкан. Бирок ал каражатты эмнегедир кечиктирип жатышат. Айрымдар "күткүлө, берилет" десе, кээ бири акча жок экенин айтышууда. Кызыл зонада атайын график менен иштегенбиз, бул үчүн кошумча акча берилип, медиктердин эмгеги бааланышы керек деп ойлойм", — деди дарыгер.

Ал август-сентябрь айынын компенсациясын бир гана Онкология борборунун кызматкерлери эмес, Эне жана баланы коргоо улуттук борбору, №1 шаардык клиникалык ооруканасында кызыл зонада иштеген кесиптештери да ала электигин айтты.

Милдеттүү медициналык камсыздандыруу фонду август-сентябрь айларында коронавирус менен күрөшүүгө тартылган медиктердин компенсациясы чындыгында төлөнө электигин айтып, бул боюнча документ Экономика жана финансы министрлигине жөнөтүлгөнүн белгиледи. Министрлик каражат бөлөрү менен медиктердин кошумча акысы берилери айтылды.

Экономика жана финансы министрлигинин адиси Мариям Мамбеталиева бул маселе чечилгенин айтып, каражат жакын арада медиктердин колуна тийип каларын убадалады.

"Эгер кеп өкмөттүн долбоорунун чечими тууралуу болуп жатса, анда ал маселе чечилген. Биз Милдеттүү медициналык камсыздандыруу фондуна каржы бөлүп берүүгө макул деп жооп бергенбиз. Киреше эми түшүп, каржылоо октябрда башталды. ММКФга каражат пенсия жана башка социалдык төлөмдөрдөн кийин берилет. Болжол менен октябрдын ортолоруна туура келип калат. Бир аз күтө турса, алышат", — деди Мамбеталиева.

Белгилей кетсек, Милдеттүү медициналык камсыздандыруу фонду коронавирус менен күрөшүүгө тартылган медицина кызматкерлерине май айы үчүн 131 миллион 788 миң сом төлөп берген.

199
Белгилер:
компенсация, медик, финансы, каражат, кызыл зона
Тема боюнча
Жумакеев: пневмония болсо да ПЧР-тести терс чыккан врач компенсация албайт
Суши. Архив

Бишкектеги массалык уулануу. Жабыркагандардын саны 253кө жетти

44
(жаңыланган 13:42 27.10.2021)
Уулангандар массалык түрдө ооруканага кайрылып жатканы тууралуу өткөн дем алышта белгилүү болгон. Ошондон бери жабыркагандардын саны улам өсүп жатат.

БИШКЕК, 27-окт. — Sputnik. Тамактан ууланып ооруканага кайрылган адамдардын саны 253кө жетти. Бул тууралуу Саламаттык сактоо министрлиги билдирди.

Ооруканага Бишкектин гана эмес, Чүй облусунун тургундары дагы кайрылууда. Кечээ күнү уулангандардын саны 179 болчу.

Уулангандардын 60ы ооруканада дарыланууда:

  • Темир жол ооруканасында — 19;
  • № 3 шаардык клиникалык балдар ооруканасында — 18;
  • Улуттук госпиталда — 23.

Баарынын абалы канааттандырарлык. Калганы медициналык жардам алган соң үйлөрүнө жөнөтүлгөн.

Эске салсак, 24-октябрда тамакка ууланып 12 адам Темир жол ооруканасынын жугуштуу илдеттер бөлүмүнө түшкөн. Анын үчөө жаш бала. Бейтаптар ооруканага 23-24-октябрь күндөрү келе баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан ролл жегенин кабарлаган. 25-октябрь күнү уулангандардын саны 85ке жеткен. Ал эми кечээ, 26-октябрда, жабыркагандардын саны 179га өскөн. Алардын 18и балдар.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Бул окуяга байланыштуу "Империя пиццы" кафесинин бардык филиалдары убактылуу жабылды. Муну менен катар Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлдү.

44
Белгилер:
Бишкек, Чүй облусу, уулануу, кафе, протокол, мораторий, ролл
Тема:
Бишкектин кафесиндеги массалык уулануу
Тема боюнча
Жалал-Абаддагы тойдо 124 киши этке ууланып, 16сы ооруканага түштү
Ребенок проходит тест на COVID-19. Архивное фото

Баланын коронавирус менен ооруп жатканын кантип билсе болот? Сейрек белгилер

28
(жаңыланган 13:27 27.10.2021)
Доромбекова ымыркайда коронавирустун белгиси байкалган учурда дарыгерге кайрылууну, ооруканага барбай медикти үйгө чакырууну сунуштаган.

БИШКЕК, 27-окт. — Sputnik. Эне жана баланы коргоо улуттук борборунун клиникалык төрөт үйүнүн неонатолог-дарыгери Айнара Доромбекова коронавирус менен ооруган балдарда байкалчу сейрек белгилерди брифинг учурунда атап берди.

Анын айтымында, ымыркайларда коронавирустун белгилери дароо билинбейт. Эгер бала ооруп калса, ал көп ыйлап, тамак ичпей, тынчы кетип, уйкусу начарлай баштайт.

"Бир айга толо элек наристелерде бул симптомдордун баары ич ооруга да тиешелүү. Бул көйгөй ичеги-карын системасынын жетиле электигинен келип чыгат", — деди дарыгер.

Коронавирустун сейрек белгилери:

  • Кусуу жана ич өтүү. Бул белги коркунучтуу. Анткени суюктуктун 10 пайызын жоготкон учурда бала кыйналып, ымыркайларда бул өлүмгө алып келиши мүмкүн;
  • Бүдүрлөр. Коронавирус болгондо дайыма эле бүдүр чыга бербейт. Бул вирустун кан аркылуу тарашынан улам пайда болот. Көбүнчө алар бутка чыгып бир жумага созулат. Мындай учурда ымыркайды улгайган адамдардан оолак кармоо керек.

Кургак жөтөл. Бул — жаңы төрөлгөн баладагы коронавирустун негизги белгиси.

Доромбекова ымыркайда коронавирустун белгиси байкалган учурда дарыгерге кайрылууну, ооруканага барбай медикти үйгө чакырууну сунуштаган.

28
Белгилер:
Кыргызстан, коронавирус, ымыркай, оору, белги
Тема:
Кыргызстандагы коронавирус
Тема боюнча
COVID-19дун оор түрүнө кабылгандардын мээси жабыркайт. Иликтөө
COVID: үч адам каза таап, 124 киши жуктурду. Соңку статистика
Лейлек районунун кириши. Архив

Шайлоого аралашкан. Лейлектин акими кызматтан четтеп, Исфана мэри сөгүш алды

0
(жаңыланган 14:48 27.10.2021)
Министрлер кабинетинин төрагасы мындан ары аким же министр бир талапкердин кызыкчылыгына иштесе экинчи жумушка алынбай тургандай берене менен кетерин эскертти.

БИШКЕК, 27-окт. — Sputnik. Шайлоого аралашканы үчүн Баткен облусундагы Лейлек районунун акими Алмазбек Рахманкулов жумуштан четтетилди. Бул туурасында министрлер кабинетинин төрагасы Акылбек Жапаров парламентте билдирди.

Ал президенттин "добуш сатып алгандар да, сатылгандар дагы жазалант" деген принципиалдуу позициясы бар экенин белгиледи.

"Бүгүн Лейлектин акими шайлоо бүткөнгө чейин жумуштан четтетилди. Исфана мэрине катуу сөгүш жарыяланды. Мындан ары кайсы бир аким же министр талапкерге же партияга үндөй турган болсо, "ишенимди жоготту" деген берене менен экинчи ирет жумушка алынбай тургандай кылып кызматтан алабыз", — деди Жапаров.

Ошондой эле ал кырдаалды президент Садыр Жапаров өзү көзөмөлдөп жатканын, эгер укук коргоо органдары жакшы иштеп, мыйзам бузгандарды кармап келсе сый акы берилерин кошумчалады.

0
Белгилер:
Лейлек району, аким, кызмат, четтетүү, шайлоо
Тема боюнча
Жапаров Бажы кызматынын жаңы жетекчиси кандай милдет менен дайындалганын айтты
Шаардык кеңеш шайлаган Нарындын мэрин БШК кызматтан алып койду. Себеби