Мектептеги класс. Архив

Бишкектин Арча-Бешик 2 конушунда жаңы мектеп курулууда

49
(жаңыланган 19:52 05.10.2021)
Мектептин курулушу Сауд өнүктүрүү фондунун насыялык каражат багыты боюнча каржыланат. Анын тендерлик баасы 1 миллион 230 миң 986 долларды түзөт.

БИШКЕК, 5-окт. — Sputnik. Бишкек шаарындагы Арча-Бешик - 2 конушунда 500 орунга эсептелген жаңы мектеп курулууда. Бул тууралуу мэриянын Капиталдык курулуш башкармалыгы билдирди.

  • Процесс строительства школы в жилмассиве Арча-Бешик-2 в Бишкеке. 05 октября 2021 года
    Бишкек шаарындагы Арча-Бешик-2 конушунда 500 орунга эсептелген жаңы мектеп курулууда
    © Фото / пресс-служба ГААС и ЖКХ
  • Процесс строительства школы в жилмассиве Арча-Бешик-2 в Бишкеке. 05 октября 2021 года
    Мектептин курулушу Сауд Өнүктүрүү фондунун насыялык каражат багыты боюнча каржыланат.
    © Фото / пресс-служба ГААС и ЖКХ
1 / 2
© Фото / пресс-служба ГААС и ЖКХ
Бишкек шаарындагы Арча-Бешик-2 конушунда 500 орунга эсептелген жаңы мектеп курулууда

Мектептин курулушу Сауд өнүктүрүү фондунун насыялык каражат багыты боюнча каржыланат.

Жаңы мектепте окуучуларга бардык шарттар түзүлгөн. Анда окуу корпусу, ашканасы, спорт залы, актовый залы, компьютердик классы, эмгек классы, ошондой эле химия, биология, физика предметтери боюнча лабораториялары бар.

"Билим берүү мекемесинин тендердик баасы 1 миллион 230 миң 986 АКШ долларын түзгөн. Анын 492 394 долларын Сауд өнүктүрүү фонду бөлдү. Учурда курулуш иштеринин 50 пайызы аяктады. Азыркы тапта ичи-тышын шыбоо, желдетүүчү системаны орнотуу иштери жүргүзүлүүдө", — деп айтылат маалыматта.

План боюнча мектептин курулушу 2022-жылы аяктайт.

49
Белгилер:
Бишкек, Арча-Бешик, мектеп, курулуш, мэрия
Тема боюнча
Кара-Сууда 40 млн. сомго курулган мектеп ачылды. Сүрөт
Москва шаары. Архивдик сүрөт

Эртең "Көл" тасмасы Москвада көрсөтүлөт

0
"Көл" — драмалык жанрда Ысык-Көлдө тартылган тасма. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

БИШКЕК, 24-окт. — Sputnik. Эртең, 25-октябрда, Москва шаарында кыргызстандык режиссёрдун "Көл" аттуу кинофильми алгачкы ирет көрсөтүлөт. Бул тууралуу Кинематографты колдоо фондунан кабарлады.

Картина РФтин Кинематографисттер союзунун Кино үйүндө Россиядагы кыргыз кино күндөрүнүн алкагында коюлмакчы.

Кирүү акысыз, каалоочулар бул тиркеме аркылуу каттоодон өтүп коюшу керек.

"Көл" — драмалык жанрда Ысык-Көлдөн тартылган кинокартина. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

Кинонун сценарийин Эрке Жумакматова менен КРдин эмгек сиңирген артисти Эмил Атагелдиев жазган. Башкы ролдорду Артыкпай Сүйүндүков, Болот Тентимишов, Малика Айдабосунова, Айнура Качкынбек кызы, Санжар Өмүрбаев аткарган. Фильм бир катар эл аралык сыйлыктарга көрсөтүлүп, жеңүүчү да болгон.

0
Белгилер:
Москва, 'Көл' тасмасы, бет ачар, маданият, Кыргызстан
Тема боюнча
Россиялык тасмага тартылган кыргызстандык курьерди режиссер издеп жатат. Видео
Кыргызстандан барган тасма Алматыда "Мыкты фильм" аталды. Видео
Газпром. Архивдик сүрөт

Молдова карызын төлөбөсө, "Газпром" көгүлтүр от бербестигин айтты

104
(жаңыланган 22:50 23.10.2021)
"Газпром" өкүлү бул жерде эч кандай саясат жоктугун, каатчылыкты Молдова бийлиги өз колу менен жасап жатканын айткан.

БИШКЕК 23-окт. – Sputnik. Молдовадагы көгүлтүр от боюнча кыйын кырдаал республика жетекчилигинин күнөөсүнөн улам жаралды, алардын карызы 433 миллион долларга чыкты. Бул тууралуу "Газпромдун" расмий өкүлү Сергей Куприянов билдирди.

"Учурда Россия газын Молдовага берүү боюнча бир топ кыйын абал түзүлүп калды. Күнөө толугу менен Молдова бийлигинде. Кеп Молдова тараптын көгүлтүр от үчүн төлөбөй келе жатып, андан жаралган кризиси туурасында болууда", — деди ал.

Куприянов республиканын буга чейин жаккан газы боюнча карызы топтолуп калгандыгын айтты.

"Азыр карыздын өзү 433 миллион доллар, ал эми мөөнөтү өтүп кеткен төлөмдөрү менен биргеликте алганда жалпы сумма 709 миллион долларга чыгып кетти. Бирок Молдова тарап топтолуп калган карызын мойнуна алгысы келбей жатат. Аталган өлкөнүн өкүлдөрүнө бул жерде баанын кантип коюлганы түшүнүктүү жана ачык болуп турса да көгүлтүр оттун наркы эмнегедир жакпай жатат", — деп кошумчалаган ал.

Куприянов "Газпром" карызды толук төлөсө Молдова менен келишимди узартууга даяр экендигин билдирген.

"Карызы топтолуп калгандыгына карабай Молдова тарап көгүлтүр отту берүүнү быйылкы жылдын октябрь, ноябрына чейин узартууну суранып жатышат. Бул жерде да "Газпром" түшүнүүчүлүк кылып жатат. Эгерде Молдова тарап сентябрь жана октябрдын акчасын төлөп берсе, октябрга чейин уланткан келишимди ноябрда да созууга даяр", — деди ал.

Бирок муну менен Куприянов "эгерде карыз толугу менен төлөнбөсө, жаңы келишим 1-декабрдан тарта түзүлбөйт. Анда "Газпром" көгүлтүр от менен камсыздоосун токтоторун" белгиледи.

"Бул жерде эч кандай саясат жок. "Газпром" – акционердик коом, ал чыгымга иштей албайт жана РФтин бюджетине төлөнүүчү салыктардын жок болушуна жол бербейт. Чыдоонун да чеги болот. Молдова каатчылыкты өз колу менен жасап жатат", — деген ал.

Куприянов "Газпром" Молдова бийлигинин мойнунда Россиянын көгүлтүр оту үчүн карыз илинип турган "Молдова-газ" ишканасын толугу менен жоюп салуу туурасындагы ниетин түшүнбөгөндүгүн айтты.

Ал "алган товардын акчасын өз учурунда төлөп бериши керектигин" кошумчалаган.

104
Белгилер:
келишим, карыз, Россия, Молдова, Газпром
Тема боюнча
Путин Украина аркылуу өткөн газдын транзит милдеттенмелерин сактоого сөз берди
Мэрия: жакынкы эки жылда Бишкектин мектептери газ менен жылытууга өткөрүлөт